ស្រាវជ្រាវ ៖ លទ្ធផលស្រាវជ្រាវរបស់វេបសាយ Badoo.com ដែលអះអាងថាជាវេបសាយសាខាជួបមិត្តថ្មីប្រទះឃើញថា នៅទីក្រុងអាថែន ប្រទេសក្រិច មានមនុស្សធ្វើការទំនាក់ទំនងស្វែងរកមិត្តច្រើនបំផុតនៅលើពិភពលោក ឬជាមធ្យម២៥,៧លើកក្នុងមួយខែ ខណៈពេលនៅទីក្រុងរ៉ូម និងក្រុងប៉ារីស ដែលល្បីល្បាញលើផ្នែកមនោសញ្ចេតនាជាប់លំដាប់ថ្នាក់ទី៨ និង៣៨បន្តបន្ទាប់ ។ ចំណែកទីក្រុងផ្សេងៗទៀតដែលជាប់ក្នុង១០លំដាប់ថ្នាក់ដំបូងរួមមានក្រុងបាគូ ប្រទេសអាស៊ែបៃហ្សង់ ក្រុងកៀវ ប្រទេសអ៊ុយក្រែន ក្រុងបេរូត ប្រទេសលីបង់ ក្រុងទូរីន និងបារ៉ី ប្រទេសអ៊ីតាលី ។
នៅក្នុងរបាយការណ៍បញ្ជាក់ថា លំដាប់ថ្នាក់ទី១ នៃទីក្រុងអាថែន ចាត់ទុកថាខ្ពស់ដល់ទៅទ្វេដងបើធៀបនឹងទីក្រុងល្បីៗដូចជា ទីក្រុងរីយូ ដឺហ្សាណេរ៉ូ ប្រទេសប្រេស៊ីល ទីក្រុងប្រាក ប្រទេសឆែក ក្រុងប៉ារីស ឡុង ប៊ែរឡាំង ឬក្រុងញូវយ៉ក ។
ចំណែកលោកវិកតូរីយ៉ា ខៃរីយ៉ាហ្គោពូឡូស អ្នកនិពន្ធសៀវភៅ «ប្រឈមមុខនៅលើលោកឆ្ពោះទៅក្រុងអាថែន» បានបង្ហាញនូវទស្សនៈថា «ក្រុងអាថែន ជាទីក្រុងដ៏មានមន្តស្នេហ៍ទាក់ទាញ» ។ ចំណែកលោកសាស្ត្រាចារ្យសៃម៉ុន ហាទី អ្នកជំនាញ និងអ្នកនិពន្ធសៀវភៅ “The Greeks” បញ្ជាក់ថា «ការមានទំនាក់ទំនង និងការនិយាយស្តីកំប្លុកកំប្លែងជាផ្នែកមួយនៃការមានសម្ព័ន្ធភាពក្នុងសង្គម ដោយយើងអាចធ្វើការងារនេះដោយមិនមានការខ្វល់ខ្វាយ»៕
ចែករំលែកព័តមាននេះ