រាជធានីភ្នំពេញ ៖ សមាជិកគណៈកម្មាធិការជាតិរៀបចំការបោះឆ្នោត (គ.ជ.ប) ថ្មី គឺលោក ឌឹម សុវណ្ណរុំ ដែលត្រូវបានរដ្ឋសភាបោះឆ្នោតផ្តល់សេចក្តីទុកចិត្តកាលពីពេលថ្មីៗកន្លងមកនេះ អាចនឹងក្លាយជាអ្នកនាំពាក្យនៅ…
រាជធានីភ្នំពេញ ៖ សមាជិកគណៈកម្មាធិការជាតិរៀបចំការបោះឆ្នោត (គ.ជ.ប) ថ្មី គឺលោក ឌឹម សុវណ្ណរុំ ដែលត្រូវបានរដ្ឋសភាបោះឆ្នោតផ្តល់សេចក្តីទុកចិត្តកាលពីពេលថ្មីៗកន្លងមកនេះ អាចនឹងក្លាយជាអ្នកនាំពាក្យនៅ គ.ជ.ប ជំនួសលោក ហង្ស ពុទ្ធា ដែលអ្នកនាំពាក្យបច្ចុប្បន្ន។
ទោះបីជាដំណឹងនេះ មិនទាន់ជាផ្លូវការយ៉ាងណាក្តី លោក ឌឹម សុវណ្ណរុំ អតីតអ្នកនាំពាក្យនៅសាលាក្តីខ្មែរក្រហម និងជាសមាជិក គ.ជ.ប ថ្មីមកពីស្ថាប័នតំណាងឱ្យអង្គការ បានឲ្យដឹងថា ប្រសិនបើមានការជ្រើសរើស និងឯកភាពពីថ្នាក់ដឹកនាំ គ.ជ.ប លោករីករាយនឹងទទួលតួនាទីនេះ។
លោក ឌឹម សុវណ្ណរុំ បានឲ្យដឹងថា បើនិយាយពីផ្លូវច្បាប់ស្តីពីការរៀបចំ និងការប្រព្រឹត្តិនៃគណៈកម្មាធិការជាតិរៀបចំការបោះឆ្នោតបានចែងថា គ.ជ.ប មានសិទ្ធិ និងកាតព្វកិច្ចតែងតាំងអ្នកនាំពាក្យមួយរូប ឬពីររូប។
លោកបញ្ជាក់ថា៖ «សម្រាប់ការលើកឡើងថា ខ្ញុំក្លាយជាអ្នកនាំពាក្យនៅ គ.ជ.ប ដូចជាលឿនពេក ។ ប៉ុន្តែអ្វីដែលខ្ញុំអាចឆ្លើយបានតាមផ្លូវច្បាប់ គឺ គ.ជ.ប អាចជ្រើសរើសអ្នកនាំពាក្យមួយរូប ឬពីររួប ទៅតាមតម្រូវការរបស់ គ.ជ.ប អញ្ចឹងរឿងថា ទទួល ឬមិនទទួលវាជាកិច្ចការមួយលឿនពេកសម្រាប់រឿងនេះ»។
ជាមួយគ្នានោះដែរ លោក ឌឹម សុវណ្ណរុំ ក៏បានលើកឡើងថា ប្រសិនបើលោកក្លាយជាអ្នកនាំពាក្យនៅគណៈកម្មាធិការជាតិរៀបចំការបោះឆ្នោតពិតមែននោះ លោកនឹងបោះបង់ចោលតួនាទី និងអ្នកនាំពាក្យសាលាដីខ្មែរក្រហម និងតួនាទីនៅស្ថាប័នផ្សេងៗទៀត។
លោកបានគូសបញ្ជាក់ថា៖ «បន្ទាប់ពីកិច្ចនេះ ខ្ញុំត្រូវធ្វើដូចម្តេច ? ច្បាប់ គ.ជ.ប បានចែងថា នៅពេលដែលបុគ្គលត្រូវតែងតាំង ឬបោះឆ្នោតរួច គឺសមាជិកត្រូវតែលាលែងពីកិច្ចការទាំងអស់ដែលកំពុងធ្វើ ហើយរក្សាគោលជំហរក្នុងនាមសមាជិក គ.ជ.ប។ ខ្ញុំលាលែងដំណែងទាំងអស់»៕
ចែករំលែកព័តមាននេះ