ខេត្តបន្ទាយមានជ័យ ៖ ការប្រមូលចំណូលពន្ធពីសាខាពន្ធដា និងសាខាគយ និងរដ្ឋាករខេត្តបន្ទាយមានជ័យ អំឡុងខែកញ្ញា និងតុលា ឆ្នាំ២០១៧ នេះ ដោយយោងតាមរបាយការសាខាពន្ធដាខេត្ត…
ខេត្តបន្ទាយមានជ័យ ៖ ការប្រមូលចំណូលពន្ធពីសាខាពន្ធដា និងសាខាគយ និងរដ្ឋាករខេត្តបន្ទាយមានជ័យ អំឡុងខែកញ្ញា និងតុលា ឆ្នាំ២០១៧ នេះ ដោយយោងតាមរបាយការសាខាពន្ធដាខេត្ត ខែកញ្ញា ឆ្នាំ២០១៧ ប្រមូលចំណូលបានចំនួន ២,៨៨២,៤៤៩,៨៣៥រៀល បើប្រៀបធៀបនឹងខែកញ្ញា ឆ្នាំ២០១៦ ប្រមូលចំណូលបានចំនួន ២,៨៣៧,០៥៤,៣១៨រៀល កើនចំនួន ៤៥,៣៩៥,៥១៧រៀល ស្មើនឹង២% ។ ខែតុលា ឆ្នាំ២០១៧ ប្រមូលចំណូល ៤,៣៦៥,៣៨៦,៥៦១រៀល ប្រៀបធៀបនឹងខែតុលា ឆ្នាំ២០១៦ ប្រមូលបាន ២,៦៦៧,៧១៨,៣២៨រៀល កើន ១,៦៩៧,៦៦៨,២៣៣រៀល ស្មើ៦៤% ។
សាខាគយ និងរដ្ឋាករខេត្ត ខែកញ្ញា ឆ្នាំ២០១៧ ចំណូលប្រាក់ពន្ធដែលអនុវត្តបានចំនួន ៨៧,៩៥០,៧២៤,៧៦០រៀល បង្ក្រាបអំពើរត់គេចពន្ធចំនួន២៦លើក ប្រមូលពន្ធបាន ១៨០,៧៨១,១៦០រៀល មុខទំនិញដែលចំណូលខ្ពស់មាន ១.ស៊ីម៉ងត៍ ប្រាក់ពន្ធ ២,៨៥២,៨៤១,៧៦០រៀល ២.ម៉ូតូប្រាក់ពន្ធ ១០,៨៣០,៩៣៩,១០០រៀល ៣.រថយន្ត ៤០,៨៧៤,១០៦,៨០០រៀល ៤.គ្រឿងឧបភោគបរិភោគប្រាក់ពន្ធ ៤,២១៤,៧២២,៣០០រៀល ៥.បរិក្ខារសំណង់ប្រាក់ពន្ធ ១,១៤៩,៩៦៨,៨០០រៀល ។
ខែតុលា ឆ្នាំ២០១៧ ចំណូលពន្ធមានចំនួន ៨៥,០៨៣,៤៨៣,៤៥០រៀល បង្ក្រាបអំពើរត់គេចពន្ធចំនួន២៦លើក ប្រមូលពន្ធបាន ២០០,៦៤០,៤៥០រៀល មុខទំនិញដែលចំណូលខ្ពស់មាន ១.ស៊ីម៉ងត៍ប្រាក់ពន្ធ ១,៦៩២,២២៣,៩០០រៀល ២.ម៉ូតូប្រាក់ពន្ធ ១៣,៩០៣,៦៦៤,៣០០រៀល ៣.រថយន្ត ២៨,០៧៩,៧៣៧,១០០រៀល ៤.គ្រឿងឧបភោគបរិភោគប្រាក់ពន្ធ ៤,៥៤២,៩១៤,០០រៀល ៥.បរិក្ខារសំណង់ប្រាក់ពន្ធ ១,៣៨៥,៦៣៥,៩០០រៀល ៕
ចែករំលែកព័តមាននេះ