រាជធានីភ្នំពេញ ៖ អាជ្ញាធររាជធានីភ្នំពេញបានអះអាងថា មកដល់ពេលនេះប្រជាពលរដ្ឋមួយចំនួននៅតែមិនចូលរួមសហការជាមួយអាជ្ញាធរដោយពួកគាត់មួយចំនួននៅតែបន្តការយករ ថយន្ត និងម៉ូតូរបស់ខ្លួនមកចតលើចំណតរថយន្តក្រុង ដឹកអ្នកដំណើរសាធារណៈដែលបង្កឲ្យ មានការរំខានដល់សេវាកម្មដឹកជញ្ជូនសាធារណៈរបស់រដ្ឋ ។ បើទោះបីអាជ្ញាធរណែនាំជាច្រើនលើកច្រើនសាររួចមកហើយនោះ…
រាជធានីភ្នំពេញ ៖ អាជ្ញាធររាជធានីភ្នំពេញបានអះអាងថា មកដល់ពេលនេះប្រជាពលរដ្ឋមួយចំនួននៅតែមិនចូលរួមសហការជាមួយអាជ្ញាធរដោយពួកគាត់មួយចំនួននៅតែបន្តការយករ ថយន្ត និងម៉ូតូរបស់ខ្លួនមកចតលើចំណតរថយន្តក្រុង ដឹកអ្នកដំណើរសាធារណៈដែលបង្កឲ្យ មានការរំខានដល់សេវាកម្មដឹកជញ្ជូនសាធារណៈរបស់រដ្ឋ ។
បើទោះបីអាជ្ញាធរណែនាំជាច្រើនលើកច្រើនសាររួចមកហើយនោះ ។ បើនៅតែបន្តទៀតនឹងប្រឈមវិធានការរដ្ឋបាលតែម្តង ។
លោកម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញបានឲ្យដឹងថា គោលការដែលមាន ស្រាប់គឺ រដ្ឋបាលរាជធានីភ្នំពេញបានប្រគល់ការងារនេះទៅឲ្យថ្នាក់ខណ្ឌសង្កាត់ ដើម្បីឲ្យចុះអប់រំណែនាំប្រជាពលរមួយចំនួនតូចកុំឲ្យពួកគាត់យករថយន្ត និងម៉ូតូរបស់ខ្លួនមកចតលើចំណតរថយន្តក្រុងដឹកអ្នកដំណើរសាធារណៈ។ លោកបញ្ជាក់ថា បើការអប់រំណែនាំយើង បានធ្វើហើយ ពួកគាត់នៅតែមិនព្រមស្តាប់ទៀតនោះអាជ្ញាធរខណ្ឌអាចនឹងត្រូវប្រើប្រាស់វិធានការរដ្ឋបាលដូចជា ការស្ទូច ឬចាប់បញ្ជូនយានយន្តទាំងនោះមកកាន់សាលាខណ្ឌជាដើម ដើម្បីអប់រំពួកគាត់កុំធ្វើដូច្នេះបន្តទៀត ។
លោកអ៊ាន សុខឃីម ប្រធានរដ្ឋាករស្វយត័ ដឹកជញ្ជូនសាធារណៈរថយន្តក្រុងរាជធានីភ្នំពេញ បានឲ្យដឹងថា ឆ្នាំ២០១៦កន្លងទៅមានអ្នកធ្វើដំណើរតាមរថយន្តក្រុងចំនួន២.៣៤០.៧៧៧នាក់គឺស្មើនឹង៦០៨០នាក់ក្នុងមួយថ្ងៃ ។ ដោយឡែកឆ្នាំ២០១៧ អ្នកដំណើរតាមរថយន្តក្រុង កើនឡើងពី៩០០០ទៅ៩៥០០នាក់ ក្នុងមួយថ្ងៃចំពោះសេវាសាធាររណៈរថយន្តក្រុង មិនយកលុយពីព្រះសង្ឃ ចាស់ជរា ជនពិកា កុមារ សិស្សនុសិស្ស និស្សិត កម្មករ-កម្មការិនីនោះទេ ។
គួររំលឹកថា កន្លងមកថ្មីៗនេះលោកឃួង ស្រេង អភិបាលរាជធានីភ្នំពេញបានណែនាំឲ្យអាជ្ញាធរសង្កាត់ខណ្ឌរួមសហការគ្នារៀបចំសណ្តាប់ធ្នាប់នៅតាមចំណតរថយន្តក្រុងឲ្យមានភាពល្អប្រសើរគឺមិនអនុញ្ញាតឲ្យមានការចត ឬលក់ដូរនៅទីតាំងចំណតទីនោះឡើយ ៕
ចែករំលែកព័តមាននេះ