ឈ្វេងយល់​អំពី​បង្ហើយ​របស់​ទារក


ទារក​ដែល​ទើបនឹង​កើត នៅ​ចំ​កណ្តាល​ផ្នែក​ខាង​មុខ​គឺ​មាន​ចន្លោះ​ហើប​មួយ ហើយ​នៅ​ពេល​ស្ទាប ឬ​ប៉ះ វា​មាន​សភាព​ទន់ និង​ប៉ោង​ផត​ចុះ​ផត​ឡើង ។ នៅ​ចន្លោះ​នោះ​តាម​ក្បួន​វេជ្ជសាស្ត្រ​គេ​ហៅ​ថា «​បង្ហើយ​» ពីព្រោះ​វា​ស្ថិត​នៅ​ពីលើ​ក្បាល​ខាង​មុខ ហើយ​ត្រូវ​បាន​គេ​ហៅ​ថា «​បង្ហើយ​ខាង​មុខ​» ។ នៅ​ចន្លោះ​ហើប​តូច​ខាងក្រោយ រវាង​ឆ្អឹងលលាដ៍ក្បាល​ខាង​លើ និង​ឆ្អឹងលលាដ៍ក្បាល​ខាងក្រោយ​ហៅ​ថា​«​បង្ហើយ​ខាងក្រោយ​» ហើយ​វា​អាច​ជា​សះ​មក​វិញ​ប្រហែលជា​៤​ខែ​បន្ទាប់​ពី​ទារក​បាន​កើត ។

បង្ហើយ​ខាង​មុខ​ទោះបីជា​តូច​ក៏​ពិតមែន ប៉ុន្តែ​វា​អាច​សម្តែង​ឡើង​ឱ្យ​យើង​ដឹង​នូវ​ស្ថាន ភាព​ខាងក្នុង​ខ្លួន​របស់​ទារក ។ ដូច្នេះ​ឪពុក​ម្តាយ​គួរតែ​ចាប់អារម្មណ៍​បង្ហើយ កូន​ៗ​របស់​លោក​អ្នក​ឱ្យ​បាន​ច្រើន ។ ចាស់​ៗ​ជា​ច្រើន​តែងតែ​យកចិត្តទុកដាក់​ការពារ និង​ហាម​មិន​ឱ្យ​ជន​ណា​ម្នាក់​ប៉ះពាល់ ឬ​កេះ និង​ឆ្កឹះ​បង្ហើយ​នោះ​ទេ ព្រោះ​អាច​បណ្តាល​ឲ្យ​ទារក​មាន​គ្រោះថ្នាក់ ។ នៅ​ពេល​ទារក​ទើបនឹង​កើតមក​បង្ហើយ​ខាង​មុខ មាន​ទំហំ​ប្រហែល​១,៥ ឬ​២,៥​សង្ទីម៉ែត្រ ហើយ​បង្ហើយ​នេះ​អាច​នឹង​រាបស្មើ​ធម្មតា​វិញ បន្ទាប់​ពី​ទារក​កើត​មាន​ប៉ុន្មាន​​ខែ រួម​ជាមួយនឹង​ការ​រីក​លូតលាស់​នៃ​ទំហំ​ក្បាល​ធំ​ឡើង សន្សឹម​ៗ និង​ក្រោយ​ពី​រយៈពេល​៦​ខែ វា​នឹង​រឹង ហើយ​រួម​តូច​មក​វិញ ។ ជា​ធម្មតា​បង្ហើយ​រឹង​ពិតប្រាកដ​ក្នុង​រង្វង់​ចន្លោះ​ពី​១២​ទៅ​១៨​ខែ ។ បង្ហើយ​របស់​ទារក​ឆាប់ ឬ​ក្រ​ផ្សះ ជា​ការ​ស្តែង​ឡើង​ឲ្យ​ដឹង​ពី​ស្ថានភាព​រីក​លូតលាស់​ខួរក្បាល និង​លលាដ៍ក្បាល​របស់​ទារក ។ ប្រសិនបើ​បង្ហើយ​ខាង​មុខជា​ផ្សះ​មុន​ខែ​ទី​៦ បង្ហាញ​ថា​ទារក​ទាំងនោះ​ប្រាកដ​ច្បាស់​ជា​មាន​ក្បាល​តូច មិន​គ្រប់​លក្ខណៈ ឬ​ខួរក្បាល​រីក​លូតលាស់​មិន​បាន​គ្រប់គ្រាន់ ។ បើសិនជា​បង្ហើយ​ខាងក្រោយ​មិន​ទាន់​ជា​សះ​ពិតជា​ហួសពេល នេះ​អាច​ជា​សញ្ញា​នៃ​ជំងឺ​ខួរក្បាល​ជំងឺ​ក្រិន ។ បើ​បង្ហើយ​ខាង​មុខ​ទារក​ឡើង​ប៉ោង​បង្ហាញ​ថា​អាការ​នៃ​កម្លាំង​ក្នុង​លលាដ៍ក្បាល​កើនឡើង​ខ្ពស់ ដែល​អាច​បណ្តាល​ឱ្យ​ទារក​រង​នូវ​ជំងឺ​លាក​ផ្ទាំង​ខួរក្បាល រលាក​ខួរក្បាល និង​ពុល​វីតាមីន ។ ចំពោះ​ទារក​ទាំងឡាយ​ណា​ដែល​មាន​បង្ហើយ​ខាង​មុខ​ត្រូវ​ផត អាច​បណ្តាល​មក​ពី​កង្វះ​ជាតិ​ទឹក រាករូស ឬ​កង្វះ​សារជាតិ​បំប៉ន ។

មាតាបិតា​ទាំងឡាយ​គួរ​គប្បី​សង្កេត​ឲ្យ​បាន​ហ្មត់ចត់ ប្រសិនបើ​បាន ឃើញ​បង្ហើយ​ខាង​មុខ​របស់​ទារក​ខ្លួន​ផ្សះ​យ៉ាង​ឆាប់រហ័ស ឬ​យឺតយ៉ាវ​នៃ​ការ​ប៉ោង​ផត ត្រូវ​ចាប់ អារម្មណ៍ និង​ប្រញាប់​នាំ​ទារក​ទៅ​កាន់​មន្ទីរពេទ្យ​ទើប​ជា​ការ​ប្រសើរ​៕
សហការី

សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ