ខេត្តកំពង់ស្ពឺ ៖ គណៈកម្មការលុបបំបាត់ឱសថក្លែងក្លាយ និងសេវាសុខាភិបាលខុសច្បាប់ បានចុះត្រួតពិនិត្យតាមឱសថស្ថាននានាក្នុងខេត្តកំពង់ស្ពឺ កាលពីព្រឹកថ្ងៃទី០៥ ធ្នូ បានចំនួន៣ស្រុក ក្នុងនោះពិនិត្យរកឃើញឱសថស្ថានគ្មានច្បាប់ចំនួន៣កន្លែង រួចបានឱ្យធ្វើកិច្ចសន្យាបញ្ឈប់អាជីវកម្មជាបណ្តោះអាសន្ន…
ខេត្តកំពង់ស្ពឺ ៖ គណៈកម្មការលុបបំបាត់ឱសថក្លែងក្លាយ និងសេវាសុខាភិបាលខុសច្បាប់ បានចុះត្រួតពិនិត្យតាមឱសថស្ថាននានាក្នុងខេត្តកំពង់ស្ពឺ កាលពីព្រឹកថ្ងៃទី០៥ ធ្នូ បានចំនួន៣ស្រុក ក្នុងនោះពិនិត្យរកឃើញឱសថស្ថានគ្មានច្បាប់ចំនួន៣កន្លែង រួចបានឱ្យធ្វើកិច្ចសន្យាបញ្ឈប់អាជីវកម្មជាបណ្តោះអាសន្ន ។
ប្រតិបត្តិការនេះ ដឹកនាំដោយលោកវេជ្ជបណ្ឌិតសាយ សាវី អនុប្រធានមន្ទីរសុខាភិបាលខេត្តកំពង់ស្ពឺ ចូលរួមដោយលោកអភិបាលរងស្រុកគងពិសី , មន្ត្រីតំណាងខេត្ត, មន្ត្រីការិយាល័យនគរវាលប្រឆាំងបទល្មើសសេដ្ឋកិច្ច កងកម្លាំងរាជអាវុធ ហត្ថខេត្ត និងអាជ្ញាធរមូលដ្ឋានជាច្រើននាក់។
យោងតាមប្រភពការិល័យនគរបាលប្រឆាំងបទល្មើសសេដ្ឋកិច្ចបានឲ្យដឹងថា ប្រតិបត្តិការខាងលើនេះ ពិនិត្យបានចំនួន៣ស្រុកគឺស្រុកបរសេដ្ឋចំនួន៤កន្លែង ដោយឱសថស្ថានទាំងនេះ មានច្បាប់អនុញ្ញាតត្រឹមត្រូវ ។ ស្រុកសំរោងទង១ កន្លែងគ្មានច្បាប់អនុញ្ញាតទេ ដោយម្ចាស់ឱសថស្ថានមាន ឈ្មោះឈៀង រស្មី ភេទស្រី អាយុ២៧ឆ្នាំ រស់នៅភូមិវាលវង់ ឃុំសែនដី ស្រុកគងពិសី ខេត្តកំពង់ស្ពឺ ។ ចំណែកនៅស្រុកគងពិសី គណៈកម្មការពិនិត្យបាន២៩កន្លែង រកឃើញឱសថដ្ឋានគ្មានច្បាប់ចំនួន២កន្លែង ទី១-ឈ្មោះអុឹម សុខលី ភេទប្រុស អាយុ៣០ឆ្ នាំនៅភូមិសាយ៉ាវ ឃុំព្រះនិពាន្ត ស្រុកគងពិសី ខេត្តកំពង់ស្ពឺ។ ទី២-ឈ្មោះខៀវ កុសល ភេទប្រុស អាយុ៣០ឆ្នាំ រស់នៅភូមិព្រៃខ្លា ឃុំព្រះនិពាន្ត ស្រុកគងពិសី ខេត្តកំពង់ស្ពឺ ។
ប្រភពដដែលបន្តទៀតថា ក្រោយពិនិត្យរកឃើញឱសថស្ថានគ្មានច្បាប់រួចមក គណៈកម្មការបានឱ្យម្ចាស់ទីតាំងខុសច្បាប់ទាំង៣កន្លែងធ្វើកិច្ចសន្យា និងធ្វើការអប់រំ រួចបានដកហូតឱសថគ្មានបញ្ជីកា និងហួសកាលបរិច្ឆេទចំនួន៩មុខ យកមករក្សាទុកនៅមន្ទីរសុខាភិបាលខេត្តកំពង់ស្ពឺ ដើម្បីពិន័យតាមច្បាប់។
ចែករំលែកព័តមាននេះ