រាជធានីភ្នំពេញ ៖ មង្គលការរបស់តារាចម្រៀងសុគន្ធ នីសា រៀបចំឡើងហើយកាលពីថ្ងៃទី១ ខែធ្នូ ឆ្នាំ២០១៧ បន្ទាប់ពីនាងព្យាយាមលាក់បាំងមុខ និងអត្តសញ្ញាណអនាគតស្វាមីជាច្រើនឆ្នាំ ។…
រាជធានីភ្នំពេញ ៖ មង្គលការរបស់តារាចម្រៀងសុគន្ធ នីសា រៀបចំឡើងហើយកាលពីថ្ងៃទី១ ខែធ្នូ ឆ្នាំ២០១៧ បន្ទាប់ពីនាងព្យាយាមលាក់បាំងមុខ និងអត្តសញ្ញាណអនាគតស្វាមីជាច្រើនឆ្នាំ ។
មង្គលការរបស់សុគន្ធ នីសា បានប្រារព្ធធ្វើឡើងនៅគេហដ្ឋានម្តុំឫស្សីកែវ រាជធានីភ្នំពេញ ចំណែកពិធីជប់លៀងភ្ញៀវកិត្តិយសធ្វើឡើងនៅសណ្ឋាគារលំដាប់ផ្កាយ៥ ។
ក្នុងពិធីហែជំនូននាព្រឹកព្រលឹមមានវត្តមានអ្នកសិល្បៈតិចតួចប៉ុណ្ណោះចូលរួមមានលោកឆន សុវណ្ណរាជ ,ណុប បាយ៉ារិទ្ធ ,Step ,កញ្ញាឈិត សុវណ្ណបញ្ហា ,កញ្ញារ៉េត ស៊ូហ្សាណា និងអ្នកនាងលី ម៉ារីណា ខណៈសាច់ញាតិទាំងសងខាងបានចូលរួមច្រើនកុះករ ។
តារាចម្រៀងសុគន្ធ នីសា បានសម្រេចលាចាកភាពនៅលីវរបស់ខ្លួន ចូលរោងជ័យជាមួយបុរសអ្នកជំនួញដែលជាអាណិកជនខ្មែររស់នៅអាមេរិកឈ្មោះចៅ សម្បត្តិ ហៅសាំបា បន្ទាប់ពីអ្នកទាំងពីរបានឈ្វេងយល់ចិត្តគ្នាអស់រយៈពេលជិត៦ឆ្នាំ ។
កន្លងមកតារាចម្រៀងសុគន្ធ នីសា មិនដែលបានលាតត្រដាងពីអត្តសញ្ញាណ ឬក៏បង្ហាញពីភាពស្និទ្ធស្នាលជាមួយអគនាគតស្វាមីរបស់នាងទេ ។ ការដែលមិនបញ្ចេញអត្តសញ្ញាណគូស្នេហ៍បែបនេះធ្វើឲ្យនាងពើបប្រទះព័ត៌មានពាក់ព័ន្ធជាមួយការភ្ជាប់ចំណងស្នេហ៍ជាមន្ត្រីថ្នាក់ខ្ពស់ ។ លើសពីនេះកាលពីពេល ថ្មីៗកន្លងមកនាងត្រូវគេសង្ស័យថាទាក់ទងស្នេហាជាមួយឪពុកកូនក្រុមរបស់ខ្លួននៅក្នុងកម្មវិធីThe Voice Kid។
អ្វីៗត្រូវរលុបបាត់អស់បន្ទាប់ពីសុគន្ធ នីសា សម្រេចចូលរោងការជាមួយបុរសអាណិកជន និងជាអ្នកជំនួញធំ ផ្ទុយពីការលេចលឺកន្លងមក ។
ការចូលរោងការរបស់តារាចម្រៀងសុគន្ធ នីសា នាពេលនេះ អ្នកគាំទ្ររបស់នាងជាច្រើនសម្តែងការអបអរសាទរ ៕
ចែករំលែកព័តមាននេះ