ឯកអគ្គរដ្ឋទូតប្រទេសអឺរ៉ុប៥ប្រចាំនៅបាងកក ៖ ព្រួយបារម្ភសភាពការណ៍នៅកម្ពុជា
- ភ្នំពេញ
រាជធានីភ្នំពេញ ៖ នៅរសៀលថ្ងៃនេះ ថ្ងៃទី២៩ វិច្ឆិកា ២០១៧ វេលាម៉ោង ១៥:០០ លោកទេសរដ្ឋមន្ត្រី ប្រាក់…
រាជធានីភ្នំពេញ ៖ នៅរសៀលថ្ងៃនេះ ថ្ងៃទី២៩ វិច្ឆិកា ២០១៧ វេលាម៉ោង ១៥:០០ លោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានទទួលជួបឯកអគ្គរដ្ឋទូតន័រវេស ស៊ុយអែត ស្វីស និងកាណាដា ប្រចាំទីក្រុងបាងកកសម្ដែងការគួរសមនៅទីស្ដីការក្រសួង។
លោក ជុំ សុន្ធរី អ្នកនាំពាក្យក្រសួងការបរទេសបានថ្លែងប្រាប់អ្នកសារព័ត៌មានក្រោយពីជំនួបនេះថា លោកទេសរដ្ឋមន្ត្រី ប្រាក់ សុខុន បានអនុញ្ញាតឲ្យឯកអគ្គរដ្ឋទូតចំនួន៥ដែលមាននិវេសនដ្ឋាននៅទីក្រុងបាងកក ប្រទេសថៃ ចូលជួបសំដែងការគួរសមតាមការស្នើសុំរបស់អ្នកការទូតទាំងនោះ។
អ្នកការទូកបានលើកឡើងពីការរីកចម្រើនសេដ្ឋកិច្ចកម្ពុជា និងជោគជ័យនេះការបោះឆ្នោតឃុំ-សង្កាត់កាលពីពេលថ្មីៗនេះ។ លោកអ្នកនាំពាក្យបានលើកឡើងថា ក្នុងនៅឯកអគ្គរដ្ឋទូតបានលើកឡើងពីការយល់ឃើញរបស់ពួកគាត់សំដែងការព្រួយបារម្ភពីសភាពការណ៍ក្នុងប្រទេសកម្ពុជា ក្នុងរយៈពេលកន្លងមកថ្មីៗនេះ។ ជាពិសេសលទ្ធិប្រជាធិបតេយ្យការគោរពសិទ្ធិមនុស្ស ករណីគណបក្សប្រឆាំងជាដើម។
លោកទេសរដ្ឋមន្ត្រី ប្រាក់ សុខុន បានថ្លែងឆ្លើយតបវិញដោយសំដែងការអរគុណចំពោះក្រុមប្រតិភូដែលបានលើកឡើងពីការរីកចំរើនសេដ្ឋកិច្ចរបស់ប្រទេសកម្ពុជា។ លោកបានថ្លែងអំណរគុណចំពោះបណ្តាប្រទេសទាំងនោះដែលបានផ្តល់ជំនួយមកដល់កម្ពុជាក្នុងអភិវឌ្ឍន៍ផែកសេដ្ឋកិច្ចនេះ។
លោកទេសរដ្ឋមន្ត្រីបានលើកឡើងថា ការរៀបចំបោះឆ្នោតឃុំ-សង្កាត់កន្លងមក ត្រូវបានវាយតម្លៃថា រៀបចំដោយមានរបៀប និងដោយសន្តិវិធី។ លទ្ធផលនៃការបោះឆ្នោតត្រូវបានទទួលយកដោយគ្រប់គណបក្សនយោបាយដែលបានចូលរួមបោះឆ្នោត។
ចែករំលែកព័តមាននេះ