រាជធានីភ្នំពេញ ៖ រថយន្ត២គ្រឿងបានបើកបុកគ្នានៅចំណុចរង្វង់មូល សម្តេចសង្ឃ ជួន ណាត ដោះស្រាយគ្នាមិនត្រូវ បង្កឲ្យការកកស្ទះចរាចរយ៉ាងខ្លាំង ហេតុការណ៍នេះបានកើតឡើងនៅវេលាម៉ោង១០និង២០នាទីយប់ ថ្ងៃទី២៣…
រាជធានីភ្នំពេញ ៖ រថយន្ត២គ្រឿងបានបើកបុកគ្នានៅចំណុចរង្វង់មូល សម្តេចសង្ឃ ជួន ណាត ដោះស្រាយគ្នាមិនត្រូវ បង្កឲ្យការកកស្ទះចរាចរយ៉ាងខ្លាំង ហេតុការណ៍នេះបានកើតឡើងនៅវេលាម៉ោង១០និង២០នាទីយប់ ថ្ងៃទី២៣ ខែវិច្ឆិកា ឆ្នាំ២០១៧ ចំណុចរង្វង់មូល សម្តេចសង្ឃ ជួន ណាត សង្កាត់ចតុមុខ ខណ្ឌដូនពេញ ។
តាមប្រភព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់អាយុប្រហែល២៥ឆ្នាំ បានបើករថយន្តពណ៌ស ពាក់ស្លាកលេខ ភ្នំពេញ ២AR-៧៨៩១ ធ្វើដំណើរតាមផ្លូវណាហ្គាវើរ ក្នុងទិសដៅពីកើតទៅលិច ខណៈមកដល់ចំណុចកើតហេតុ ដែលជាផ្លូវរង្វង់មូលក៏ស្រាប់តែមានបុរសម្នាក់អាយុជាង៥០ឆ្នាំ បានបើករថយន្ដបង្ក ពណ៌ទឹកប្រាក់ ពាក់ស្លាកលេខ ភ្នំពេញ ២AD-១៥៧៥ ធ្វើដំណើរតាមផ្លូវរដ្ឋសភា ក្នុងទិសដៅពីត្បូងទៅជើង លុះមកដល់ចំណុចកើតហេតុ ជាចំណុចរង្វង់មូលអ្នកបើកបរស្រវឹងផងនោះ បានជ្រុលទៅបុកនិងរថយន្តពណ៌ស ចំទ្វារខាងឆ្វេងពេញទំហឹង ខណៈដែលពេលបុកនោះ គឺអ្នកបើករថយន្តបង្កអត់បានបើកភ្នែកនោះទេ គឺបានជាន់ហ្គារថយន្តថែមទៀត បណ្ដាលឲ្យរថយន្តទាំងពីរកៀបជាប់គ្នាទៅមុខលែងរួច ។ តែសំណាងល្អមិនមានគ្រោះថ្នាក់ដល់មនុស្សនោះទេ ។
ប្រភពដដែលបានបន្តទៀតថា បន្ទាប់ពីបើករថយន្តបុកគេហើយ គឺអ្នកបើកបររថយន្តបង្កមិនព្រមចុះពីលើរថយន្តមកធ្វើការដោះស្រាយនោះទេ រហូតទាល់តែមានតំណាងបងប្អូនបានមកដល់ រួចហើយបានសែងបុរសរូបនោះដាក់ចូលរថយន្តមួយគ្រឿងទៀតជិះចេញទៅបាត់ ។
ក្រោយពេលកើតហេតុ មានតំណាងភាគីខាងរថយន្តទាំងសងខាងបានមកធ្វើការសម្របសម្រួលគ្នា ដោយខាងបង្កសុខចិត្តយករថយន្តរងគ្រោះទៅជួសជួលឲ្យវិញ ដើម្បីបញ្ចប់រឿង ៕
ចែករំលែកព័តមាននេះ