រាជធានីភ្នំពេញ ៖ កម្លាំងនគរបាលព្រហ្មទណ្ឌកម្រិតធ្ងន់ខេត្តព្រះសីហនុ សហការជាមួយនគរបាលស្រុកព្រៃនប់ កាលពីថ្ងៃទី២១ ខែវិច្ឆិកា ឆ្នាំ២០១៧ បានអនុវត្តដីកាបង្គាប់ឲ្យនាំខ្លួនជនសង្ស័យ២នាក់យកមកកាន់សាលាដំបូងរាជធានីភ្នំពេញ ពាក់ព័ន្ធរឿងឆបោក និងក្លែងឯកសារ ។
១.ដីកាបង្គាប់ឲ្យនាំខ្លួនលេខ៨២២ “ទ” ដ.ច.ន ចុះថ្ងៃទី៣០ ខែតុលា ឆ្នាំ២០១៧ ចេញដោយ លោក វ៉េង ហ៊ត់ ចៅក្រមស៊ើបសួរសាលាដំបូងរាជធានីភ្នំពេញ បង្គាប់ឲ្យនាំខ្លួនឈ្មោះ សៅ សាន ភេទប្រុស អាយុ៣៩ឆ្នាំ ជនជាតិខ្មែរ ទីលំនៅស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ពីបទ “ឆបោក” និង “ក្លែងឯកសារ” ប្រព្រឹត្តនៅរាជធានីភ្នំពេញ កាលពីអំឡុងខែធ្នូ ឆ្នាំ២០១៥ ។ ២.ដីកាបង្គាប់ឲ្យនាំខ្លួនលេខ៨២០ “ទ” ដ.ច.ន ចុះថ្ងៃទី៣០ ខែតុលា ឆ្នាំ២០១៧ ចេញដោយ លោក វ៉េង ហ៊ត់ ចៅក្រមស៊ើបសួរសាលាដំបូងរាជធានីភ្នំពេញ បង្គាប់ឲ្យនាំខ្លួនឈ្មោះ សំ ផា ភេទប្រុស អាយុ៥៩ឆ្នាំ ជនជាតិខ្មែរ ទីលំនៅភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ពីបទ “ឆបោក” និង “ក្លែងឯកសារ” ប្រព្រឹត្តនៅរាជធានីភ្នំពេញ កាលពីអំឡុងខែធ្នូ ឆ្នាំ២០១៥ ។
ជនសង្ស័យទាំងពីរខាងលើនេះ ត្រូវបានកម្លាំជំនាញនគរបាលខេត្តព្រះសីហនុ បានកសាងសំណុំរឿងបញ្ជូនមកកាន់សាលាដំបូងរាជធានីភ្នំពេញ កាលពីព្រឹកថ្ងៃទី២២ ខែវិច្ឆឹកា ឆ្នាំ២០១៧ នេះ ដែលសំណុំរឿងនោះស្ថិតនៅដៃលោក វ៉េង ហ៊ត់ កំពុងធ្វើការសាកសួរ ៕
ចែករំលែកព័តមាននេះ