ADផ្ទាំងផ្សព្វផ្សាយពាណិជ្ជកម្ម

Picture

ការ​ថែទាំ​កុមារ​បង្ការ​ពី​ជំងឺ​រលាក​ទងសួត

6 ឆ្នាំ មុន

ជំងឺ​រលាក​ទងសួត ជា​ប្រភេទ​ជំងឺ​ផ្លូវដង្ហើម​មួយ​ដែល​ច្រើន​តែ​កើត​មាននៅ​លើ​កុមារ​អាយុ​ក្រោម​២​ឆ្នាំ ។ ទារក តូច​ៗ​ងាយ​នឹង​កើត​មាន​ជំងឺ​នេះ​ណាស់ ហើយ​វា​បង្ក​ដោយ​មេរោគ​វីរុស​និង​បាក់តេរី ជំងឺ​នេះ​ត្រូវ​បាន​ចម្លង​តាម​រយៈផ្លូវ​ដង្ហើម​ចេញចូល​របស់​ទារក ។ នៅ​ពេល​ដែល​កើត​មាន​ជំងឺ​នេះ​កុមារ​អាច​នឹង​មាន​រោគ​សញ្ញា​ក្តៅខ្លួន ហៀរ​សម្បោរ…

ជំងឺ​រលាក​ទងសួត ជា​ប្រភេទ​ជំងឺ​ផ្លូវដង្ហើម​មួយ​ដែល​ច្រើន​តែ​កើត​មាននៅ​លើ​កុមារ​អាយុ​ក្រោម​២​ឆ្នាំ ។ ទារក តូច​ៗ​ងាយ​នឹង​កើត​មាន​ជំងឺ​នេះ​ណាស់ ហើយ​វា​បង្ក​ដោយ​មេរោគ​វីរុស​និង​បាក់តេរី ជំងឺ​នេះ​ត្រូវ​បាន​ចម្លង​តាម​រយៈផ្លូវ​ដង្ហើម​ចេញចូល​របស់​ទារក ។

នៅ​ពេល​ដែល​កើត​មាន​ជំងឺ​នេះ​កុមារ​អាច​នឹង​មាន​រោគ​សញ្ញា​ក្តៅខ្លួន ហៀរ​សម្បោរ តឹង​ច្រមុះ ហៀរ​ទឹកមាត់ ក្អក ឈឺសន្លាក់ សាច់ដុំ​ជាដើម ។

ក្នុងអំឡុងពេល​នេះ​បើសិនជា​ការ​ព្យាបាល មិន​បាន​ត្រឹមត្រូវ អាច​នឹង​ធ្វើ​ឱ្យ​កុមារ​ចាប់​ផ្តើម​មាន​អាការ​ហត់ ក្អក​ខ្លាំង និង​ញឹកញាប់​ជាង​មុន ជា​ពិសេស​នៅ​ពេល​យប់ ។ កុមារ​អស់កម្លាំង រញ៉ាំរ​ញូ​វ មិនសូវ​បរិភោគ ឬ​បៅ​ទឹកដោះ ។ អ្នក​ម្តាយ​អាច​កត់​សម្គាល់ថា​កុមារ​អាច​កើត​មាន​ជំងឺ​ជំងឺ​រលាក​ទងសួត​នេះ តាម​រយៈ​មាន​សំឡេង​ដូច​ឆ្មា​ស្រមុក​នៅ​ក្នុង​សួត​កុមារ និង​មាន​ស្នាម​ផឺតផត​ទ្រូង ។ បើ​ករណី​ធ្ងន់​កុមារ​អាច​ស្វាយ បបូរមាត់ ឈប់​ដក​ដ​ង្ហី​ម ប្តូរ​សម្បុរស្បែក ស្លាក់​ឈាម ។ ទារក តូច​ៗ​ដែល​កើត​មាន​ជំងឺ​នេះ​មិន​មាន​អាការ​ដូច​ជា​កុមារ ធំ​ៗ​នោះ​ទេ សញ្ញា​ទារក ទើបនឹង​កើត​មាន​ដូច​ជា ហត់ ប្រតិកម្ម​ខ្សោយ គ្មាន​កម្លាំង​យំ ឬ​យំ​មិន​ចេញ មិន​ចង់​បៅ មាត់​ចេញ​ពពុះ ស​ៗ ដង្ហើម​ក្តៅ ដក​ដង្ហើម​ញាប់ មិន​ស្មើ ឬ​បាត់​ដង្ហើម និង​មាន​ស្នាម​ខ្មៅ​ជាំ​ជុំវិញ​មាត់​ជាដើម ។

ដើម្បី​បង្ការ​ទប់ស្កាត់​ការ​លាក​សួត​លើ​ទារក​ទើបនឹង​កើត ឪពុក​ម្តាយ​គ្រប់​រូប​គួរតែ​អនុវត្ត​តាម​វិធី​ខាងក្រោម​នេះ​ដូច​ជា ៖

-​ត្រូវ​ចាប់អារម្មណ៍​រក្សា​កម្តៅ និង​រក្សា​បរិយាកាស​នៅ​ក្នុង​បន្ទប់ ត្រូវ​ឲ្យ​មាន​ខ្យល់ ចេញចូល​ល្អ ។

-​ព្យាយាម​កុំ​ឲ្យ​កុមារ​ជួប​ជាមួយ​មនុស្ស​ចម្លែក ពិសេស​មិន​ត្រូវ​ឲ្យ​ប្រាស្រ័យ​ទាក់ទង​ជាមួយ​មនុស្ស​ដែល​កើត​មាន​ជំងឺ​ផ្លួ​វ​ដង្ហើម​ទេ ។

-​បើសិនជា​ឪពុក​ម្តាយ​កើត​មាន​ជំងឺ​ផ្លូវដង្ហើម នៅ​ពេល​ព ឬ​បី​ទារក​គួរតែ​ពាក់​ម៉ាស់​ការពារ​ទើប​ជា​ការ​ប្រសើរ ។

-​ទារក​មួយ​ចំនួន​អាច​នឹង​កើត​ជំងឺ​រលាក​ទងសួត​នៅ​ពេល​ទើបនឹង​កើត អាស្រ័យ​ហេតុនេះ ត្រូវ​ទាមទារ​ការ​ព្យាបាល​ឲ្យ​បាន​ទាន់​ពេលវេលា ។

ជំងឺ​រលាក​ទងសួត​នៅ​មិន​ទាន់​មាន​វិធី​ព្យាបាល​ជាក់លាក់​នៅឡើយ​ទេ ។ គ្រូពេទ្យ​គ្រាន់​តែ​ប្រី​ថ្មាំ​ឆ្ពុង​ដើ​ម្បី​បន្ថយ​ការ​ហត់​របស់​កុមារ និង​បន្ថែម​ជាតិ​ទឹក​នៅ​ពេល​កុមារ​មិន​អាច​បរិភោគ​បាន ។ ចំ​ពោះ​ថ្នាំ​ផ្សះ​គ្រូពេទ្យ​អាច​ប្រើ​បាន​លុះត្រាតែ​គាត់​សង្ស័យ ឬ​បូម​ឈាម​បញ្ជាក់​ថា​មាន​ឆ្លង​បាក់តេរី​បន្ថែម​ទៀត ។ លើ​ស​ពី​នេះ​ការ​ធ្វើ​ចលនា​សួត​ជា​វិធីសាស្ត្រ​ល្អ​បំផុត​ក្នុង​ការ​យក​ស្លេស្ម ចេញ​ដើ​ម្បី​ព្យាបាល​ជំងឺ​នេះ ។ ដូច្នេះ​ឪពុក​ម្តាយ​គួរ​ពិ​គ្រោះ​ជាមួយ​គ្រូពេទ្យ​ជំនាញ មិន​ត្រូវ​ផ្សំ​ថ្នាំ ឬ​ឱ្យ​ថ្នាំ​ផ្សះ​តាម​ការ​នឹក​ឃើ​ញ ឬ​យក​ថ្នាំ​កុមារ​ដទៃ​ទៀត​មក​បញ្ច្រក​ទេ ៕

អត្ថបទសរសេរ ដោយ

កែសម្រួលដោយ