ការបង្រៀនក្មេងពីអារម្មណ៍របស់ពួកគេ តែងជារឿងពិបាកមួយ ប៉ុន្តែកម្មវិធី Mindful Powers សម្រាប់ឧបករណ៍ប្រើប្រាស់ប្រព័ន្ធ iOS អាចជួយពួកគេទប់ទល់សម្ពាធ និងជំងឺបារម្ភ តាមរយៈលំហាត់ជាច្រើន…
ការបង្រៀនក្មេងពីអារម្មណ៍របស់ពួកគេ តែងជារឿងពិបាកមួយ ប៉ុន្តែកម្មវិធី Mindful Powers សម្រាប់ឧបករណ៍ប្រើប្រាស់ប្រព័ន្ធ iOS អាចជួយពួកគេទប់ទល់សម្ពាធ និងជំងឺបារម្ភ តាមរយៈលំហាត់ជាច្រើន ដែលអាចបកស្រាយពីមូលហេតុដែលក្មេងទាំងនោះមានអារម្មណ៍បែបនេះ និងផ្តល់វិធីដោះស្រាយ ។
កម្មវិធីនេះមានច្រើនដំណាក់កាល ដែលមានសំឡេងតាមប្រាប់ដល់ទៅ១០ដំណាក់កាល។ អ្នកអាចទាញវាបានដោយមិនគិតថ្លៃ និងប្រើប្រាស់៣ដំណាក់កាលដំបូងបាន ប៉ុន្តែត្រូវបង់ប្រាក់៥ដុល្លារទៀត ទើបអាចប្រើប្រាស់គ្រប់ដំណាក់កាល ។
ពេលបើកកម្មវិធីនេះដំបូង យើងនឹងឃើញសត្វចម្លែកឈ្មោះ Flibbertigibbet ។ វាមានអារម្មណ៍ដូចមនុស្ស និងមានអាការអិមអៀនថែមទៀត បន្ទាប់ពីជួបវាដំបូង ។ អ្នកអាចចុចលើសត្វនេះ ឬមើលវាហោះចុះឡើងនៅលើទូរស័ព្ទ ប៉ុន្តែអ្នកក៏អាចជួបនឹងសត្វចម្លែកដទៃទៀតដែរ ហើយចុចលើពួកវា ដើម្បីនិយាយជាមួយ ។
បន្ទាប់មក ត្រូវជ្រើសរើសរវាង Mindful Play និង Focus Time ។ សម្រាប់ Mindful Play អ្នកអាចស្តាប់រឿងនិទានដូចនរណាម្នាក់កំពុងតែនិយាយឲ្យស្តាប់ ។ វាប្រើប្រាស់ការប្រាស្រ័យទាក់ទងជាប្រចាំ ដែលធ្វើឲ្យក្មេងៗបន្ធូរអារម្មណ៍ និងផ្តោតស្មារតីឡើងវិញ ។
បើទោះជាកម្មវិធីនេះបង្កើតឡើងសម្រាប់ក្មេងៗក្តី វាក៏អាចជាដំណាក់កាលដំបូងដ៏ល្អសម្រាប់ការតាំងសមាធិផងដែរ ។ ពួកគេអាចរៀនតាំងសមាធិតាំងពីក្មេង និងបន្តធ្វើបែបនេះនៅពេលពេញវ័យ ។
ដំណាក់កាលបន្ទាប់ទៀត គឺផ្តោតសំខាន់លើវិធីដែលអ្នកប្រើប្រាស់អាចឆ្លើយតបពេលកំពុងនៅក្រោមសម្ពាធ ។ កម្មវិធីនេះបកស្រាយថា មានផ្នែកមួយរបស់ខួរក្បាលយើងបង្ហាញអារម្មណ៍ភ័យខ្លាច និងធ្វើឲ្យយើងឆ្លើយតបដោយប្រើប្រាស់ហិង្សា រត់ចេញ ឬឈរនឹងថ្កល់ជាដើម ។ វាប្រាប់ទៀតថា ពេលខ្លះ ខួរក្បាលយើងមិនដឹងពីភាពខុសគ្នារវាងគ្រោះថ្នាក់ពិត ឬមិនពិតឡើយ ទើបធ្វើឲ្យយើងឆ្លើយតបខុសកាលៈទេសៈ ។ ដូច្នេះ ដំណាក់កាលនេះបង្រៀនអ្នកប្រើប្រាស់ឲ្យហ្វឹកហាត់ទម្លាប់ឆ្លើយតបដោយនឹងធឹង ។ វាក៏អាចកាត់បន្ថយអារម្មណ៍ខឹងទៀតផង ។
ដំណាក់កាលមួយទៀតឈ្មោះថា Big breaths ផ្តោតសំខាន់លើការដកដង្ហើមរបស់អ្នកប្រើប្រាស់ ។ កម្មវិធីនេះអាចនិយាយប្រាប់យើងពីស្ថានការណ៍ណាមួយដើម្បីបន្ធូរអារម្មណ៍ និងជួយយើងផ្តោតស្មារតីយ៉ាងងាយស្រួល ។ វាអាចជួយឲ្យក្មេងៗយល់ដឹង និងហ្វឹកហាត់ពីរបៀបរក្សាការផ្តោតស្មារតី ។
ចំណែក Focus Time វិញនឹងបង្ហាញ Flibbertigibbet នៅលើស្គ្រីន ហើយពេលណាយើងចុចលើវា វានឹងឆ្លើយតបដោយខឹង ឬមិនសប្បាយចិត្ត ហើយពេលខ្លះ ជាពាក្យលើកទឹកចិត្តដល់អ្នកប្រើប្រាស់ ៕
ចែករំលែកព័តមាននេះ