ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា កីឡាករប្រណាំងទូកឈ្មោះ «ក្តាមប្រៃ» ម្នាក់ បានស្លាប់ពេលដឹកទៅសង្គ្រោះនៅមណ្ឌលសុខភាពស្រុកកំពង់ត្រឡាច ហេតុការណ៍ភ្ញាក់ផ្អើលនេះបានកើតឡើងនៅវេលាម៉ោង១០និង៣០នាទីព្រឹក ថ្ងៃទី៣១ ខែតុលា…
ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា កីឡាករប្រណាំងទូកឈ្មោះ «ក្តាមប្រៃ» ម្នាក់ បានស្លាប់ពេលដឹកទៅសង្គ្រោះនៅមណ្ឌលសុខភាពស្រុកកំពង់ត្រឡាច ហេតុការណ៍ភ្ញាក់ផ្អើលនេះបានកើតឡើងនៅវេលាម៉ោង១០និង៣០នាទីព្រឹក ថ្ងៃទី៣១ ខែតុលា ឆ្នាំ២០១៧ ខណៈពេលដែលកីឡាកររូបនោះបានចូលរួមសាកល្បងប្រណាំងទូក ក្នុងពេលធ្វើពិធីជូនដំណើរទូកនៅមុខវត្តកំពង់ត្រឡាចក្រោម ។
លោក ម៉ាត់ លី អធិការនគរបាលស្រុកបានឱ្យដឹងថា កីឡាករឈ្មោះ ចាប ពៅ អាយុ៣១ឆាំ្ន មានទីលំនៅភូមិព្រែកគន្លង ឃុំកំពង់ត្រឡាច ស្រុកកំពង់ត្រឡាច ជាកីឡាកររបស់ទូកឈ្មោះ «ក្តាមប្រៃ» ។ ហើយមុនពេលកើតហេតុ ក្រោយពីប្រារព្ធពិធីហើយ គណៈកម្មការបានឱ្យទូកទាំងអស់ (២៨ទូក) អុំទូកឡើងទៅផ្នែកខាងលើជាកន្លែងដើមទីចេញដំណើរ ដើម្បីអុំសាកល្បង ប៉ុន្តែពេលអុំឡើងបានពាក់កណ្តាលទី ស្រាប់តែកីឡាកររូបនោះខ្យល់.គដួលសន្លប់តែម្តង ហើយទូកក៏អែបចូលខាង និងយករថយន្តសង្គ្រោះដឹកទៅមណ្ឌលសុខភាព ប៉ុន្តែជាអកុសលជនរងគ្រោះបានគាំងបេះដូងស្លាប់បាត់ទៅហើយពេលដឹកដល់ មណ្ឌលសុខភាព ។ សពជនរងគ្រោះត្រូវបានដឹកមកលំនៅដ្ឋាន ដើម្បីធ្វើបុណ្យតាមប្រពៃណី ។
លោកអធិការនគរបាលបានដោយស្រង់សម្ដីរបស់ក្រុមគ្រួសារជនរងគ្រោះថា ជនរងគ្រោះធ្លាប់មានជំងឺ ខ្យល់.គនេះជាយូរមកហើយ ប៉ុន្តែមិនដែលជួបបញ្ហានេះទេ ៕
ចែករំលែកព័តមាននេះ