ខេត្តរតនគិរី ៖ ឃ្លាំងស្តុបឈើប្រណីតដ៏ធំមួយកន្លែងត្រូវបានកម្លាំសមត្ថកិច្ចចម្រុះដឹកនាំ និងសម្របសម្រួលដោយលោក បូ រ៉ាន់ឌី ព្រះរាជអាជ្ញារងអមសាលាតំបូងខេត្តរតនគិរីធ្វើការបង្ក្រាបរឹបអូសបានវត្ថុតាងឈើខុសច្បាប់បានមួយចំនួនធំ ។
សកម្មភាពឍចុះបង្ក្រាបនេះធ្វើឡើងនៅថ្ងៃទី៣០ ខែតុលា ឆ្នាំ២០១៧ បានឡោមព័ទ្ធលំនៅដ្ធានមួយកន្លែងស្ថិតនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនៈគិរី បង្ក្រាបឃ្លាំងស្តុកឈើខុសច្បាប់ខាងលើកម្លាំងចម្រុះឆែកឆេរ និងកាត់សោរបន្ទប់រកឃើញឈើប្រណីតប្រភេទឈើសុក្រំ និងឈើធ្នុងសុទ្ធដែលមានមុខធំៗរាប់រយដុំ ប៉ុន្តែម្ចាស់ទីតាំងមិនត្រូវបានឃាត់ខ្លួនឡើយ ។ សមត្ថកិច្ចបានបង្ហើបថា គឺជាឈើរបស់មេឈ្មួញម្នាក់រស់នៅស្រុកអូរជម្រកស៊ីដុះស្លែបានមកជួលបន្ទប់សម្រាប់ដាក់ឈើប្រណីតស្តុកទុកដើម្បីនាំចេញទៅលក់នៅប្រទេសវៀតណាម ។
ប្រជាពលរដ្ធរស់ក្បែរឃ្លាំងស្តុកឈើនេះបាននិយាយឱ្យដឹងថា ផ្ទះនេះបន្ទប់សម្រាប់ជួលជាច្រើនភាគច្រើនក្រុមអ្នករកស៊ីឈើខុសច្បាប់មកជួលស្នាក់នៅ និងធ្វើអាជីវកម្មទិញឈើស្តុកលក់ ។ ឈើប្រណីតដែលបង្ក្រាបដឹកជញ្ជូនយកទៅរក្សាទុកនៅខណ្ឌរដ្ធបាលព្រៃឈើរតនៈគិរីធ្វើការវាស់វែង និងចាត់ការតាមនីតិវិធីច្បាប់ ។ តាមចំណាំចាប់បានតែឈើ ឯម្ចាស់ខ្លាញ់រអិលចាប់អត់បាន ទុកឱ្យរកស៊ីឈើបន្តទៀតគ្រាន់ជួយគ្នាទៅវិញទៅមក ៕
ចែករំលែកព័តមាននេះ