ខេត្តកណ្តាល ៖ ក្មេងស្រីអាយុ២ឆ្នាំម្នាក់ រអិលជើងធ្លាក់ចូលទឹកទន្លេ បណ្តាលឱ្យលង់ស្លាប់គួរឲ្យសង្វែគ ខណៈម្តាយជាប់រវល់ការងារផ្ទះ កើតឡើងកាលពីវេលម៉ោង០៣ និង១០នាទីរសៀលថ្ងៃទី២៧ តុលា នៅចំណុចច្រាំងទឹកទន្លេមេគង្គ ក្នុងភូមិគគីរធំ ឃុំគគីរធំស្រុកកៀនស្វាយ ខេត្តកណ្ដាល ។
សេចក្តីរាយការណ៍បាមឱ្យដឹងថា ក្មេងស្រីដែលស្លាប់ខាងលើ ឈ្មោះបាវ ស្រីណា អាយុ២ឆ្នាំ មានឪពុកឈ្មោះផល បាវ អាយុ២៨ឆ្នាំ និងម្ដាយឈ្មោះហាំ ស្រីណេត អាយុ២៩ឆ្នាំទីលំនៅក្នុងភូមិ-ឃុំកើតហេតុ ។
សេចក្តីរាយការណ៍បន្តទៀតថា មុនពេលកើតហេតុ គេឃើញក្មេងបានដើរលេងជាមួយក្មេងៗក្បែរខាង២នាក់ទៀត ដែលមានអាយុប្រហាក់ប្រហែលគ្នា បាននាំគ្នាអង្គុយលេងប៉ៃឡុកប៉ៃឡក្រោយផ្ទះ ចម្ងាយប្រហែល២០ម៉ែត្រ ក្បែរច្រាំងទន្លេ ។ រីឯម្តាយជាប់រវល់ធ្វើការងារផ្ទះ ឪពុកទៅធ្វើការនៅរាធានីភ្នំពេញបាត់ ។
លុះវេលាម៉ោងខាងលើ ក៏ស្រាប់តែមានក្មេង២នាក់ ដែលលេងជាមួយនោះ រត់មកប្រាប់ថា ក្មេងស្រីរងគ្រោះ បានរអិលធ្លាក់ចូលក្នុងទឹកទន្លេ ទើបបង្កឲ្យមានការភ្ញាក់ផ្អើលដល់អ្នកជិតខាងមកជួយមុជទឹករកភ្លាមៗ ។ តែជាអកុសល់ពេលរកឃើញ យកឡើងមកលើគោកក្មេងស្រីរងគ្រោះបានឆ្លក់ទឹកដាច់ខ្យល់ស្លាប់បាត់ទៅហើយ។
ចែករំលែកព័តមាននេះ