ខេត្តបាត់ដំបង ៖ សេចក្តីរាយការណ៍ឱ្យដឹងថា មានការភ្ញាក់ផ្អើលយ៉ាងខ្លាំងមួយ ក្រោយពីមានពលរដ្ឋបានប្រទះឃើញសាកសពស្ត្រីម្នាក់ ត្រូវឃាតករសម្លាប់រួចយកទៅញាត់ក្នុងលូប្រឡាយទឹកមួយកន្លែង កាលពីវេលាម៉ោង១១ និង៤០នាទីថ្ងៃទី២៥ តុលា នេះ ស្ថិតត្រង់ចំណុចប្រឡាយសហគមន៍ ក្នុងភូមិវត្តកណ្តាល ឃុំរាំងកេសី ស្រុកសង្កែ ខេត្តបាត់ដំបង ។
សេចក្តីរាយការណ៍បន្តថា ស្ត្រីរងគ្រោះខាងលើ ត្រូវបានគេស្គាល់ឈ្មោះនី ស៊ីនាង អាយុ៣៣ឆ្នាំ មានទីលំនៅក្នុងភូមិកើតហេតុ ។ បើតាមការពិនិត្យលើសាកសពស្ត្រីឱ្យរងគ្រោះឃើញថា គឺមានស្នាមជាំត្រង់.កច្រើនកន្លែង ដែលសមត្ថកិច្ចកំពុងសង្ស័យថា អាចឃាតករច្របាច់.កនាងរហូតដល់ស្លាប់ ទើបទម្លាក់សាកសពចោលក្នុងលូប្រឡាយទឹកតែ
ម្តង ។
ប្រភពព័ត៌មានបឋម ដែលទើបទទួលបាននៅមុននេះថា ករណីឃាតកម្មនេះ ឃាតករគឺបុរសជាប្តីឈ្មោះហើស ហឿន ត្រូវកម្លាំងស្រាវជ្រាវរហូតដឹងមុខសញ្ញាឃាត់ខ្លួនបានតែម្តង ។ ហើយចំពោះមូលហេតុវិញ គឺកើតឡើងដោយសាររឿងប្រចណ្ឌ ។
ចែករំលែកព័តមាននេះ