រាជធានីភ្នំពេញ ៖ បុរសម្នាក់ជិះម៉ូតូមកពីផ្ទះប្អូនប្រុសជិតដល់ផ្ទះទៅហើយ ស្រាប់តែត្រូវជនសង្ស័យមួយក្រុម វាយដោយដាវបាន ប្លន់យកម៉ូតូមួយគ្រឿងបានដោយសុវត្ថិភាព បង្កអោយមានការភ្ញាក់ផ្អើលកាលពីវេលាម៉ោង៧និង៣០នាទីយប់ថ្ងៃទី២០ ខែតុលា ឆ្នាំ២០១៧ ភូមិព្រៃល្ងរ សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះឈ្មោះ ឈិន ប៊ុនណារិទ្ធ អាយុ៣៣ឆ្នាំ មុខរបរជាងដែក រស់នៅភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ។ ម៉ូតូដែលជនសង្ស័យប្លន់យក ពណ៌ខៀវ ពាក់ស្លាកលេខភ្នំពេញ១DO-៧៧៦៤ ។
ជនរងគ្រោះបាននិយាយថា នៅមុនពេលកើតហេតុជនរងគ្រោះបានទៅលេងផ្ទះប្អូននៅភូមិទួលពង្រ ដើម្បីនិយាយការងារ ពេលចប់ហើយក៏បានត្រឡប់មកផ្ទះវិញ លុះមកជិតដល់ផ្ទះហើយ ស្រាប់តែមានជនសង្ស័យចំនួន៤នាក់បានជិះម៉ូតូចំនួន២គ្រឿងមកកៀរ ហើយបុកម៉ូតូ ធ្វើឲ្យជនរងគ្រោះភ័យយ៉ាងខ្លាំង ហើយជនសង្ស័យមានដាវ២ដើមក៏ស្រែកគំរាមទៅលើជនរងគ្រោះថា ហែងចង់ងាប់ ឬចង់រស់ ពេលនោះជនរងគ្រោះបានភ័យ ហើយបានចុះពីលើម៉ូតូរត់ចោលម៉ូតូ បន្ទាប់មកជនសង្ស័យបានជិះម៉ូតូនោះទៅបាត់ទៅ ។
ក្រោយពេលកើតហេតុជនរងគ្រោះទៅផ្ទះយកកាតគ្រីម៉ូតូ និងបាននាំប្រពន្ធទៅដាក់ពាក្យបណ្តឹងនៅប៉ុសិ៍្តនគរបាលចោមចៅដើម្បីឲ្យសមត្ថកិច្ចជួយស្រាវជ្រាវរកមុខសញ្ញានសង្ស័យយកមកដាក់ទោសតាមច្បាប់ ៕
ចែករំលែកព័តមាននេះ