រាជធានីភ្នំពេញ ៖ ក្រោយពេលផលិតកម្ម Rock ផ្អាកសកម្មភាពផលិតចម្រៀង គ្រប់តារាចម្រៀងទាំងអស់បានចែកជើងគ្នាទៅរកទ្រនំថ្មីរៀងៗខ្លួន។ ដោយឡែកតារាចម្រៀងកំពុងមានសន្ទុះខ្លាំង ខៀវ ដាឡិច ទើបតែរកបានទ្រនំថ្មី ហើយនាងត្រៀមបង្ហាញភាពភ្ញាក់ផ្អើលជាមួយបទចម្រៀង និងស្ទីលថ្មីប្លែកៗនៅផលិតកម្មថ្មីនេះ ។
រាជធានីភ្នំពេញ ៖ ក្រោយពេលផលិតកម្ម Rock ផ្អាកសកម្មភាពផលិតចម្រៀង គ្រប់តារាចម្រៀងទាំងអស់បានចែកជើងគ្នាទៅរកទ្រនំថ្មីរៀងៗខ្លួន។ ដោយឡែកតារាចម្រៀងកំពុងមានសន្ទុះខ្លាំង ខៀវ ដាឡិច ទើបតែរកបានទ្រនំថ្មី ហើយនាងត្រៀមបង្ហាញភាពភ្ញាក់ផ្អើលជាមួយបទចម្រៀង និងស្ទីលថ្មីប្លែកៗនៅផលិតកម្មថ្មីនេះ ។
ក្នុងភាពលាក់លៀមមិនទាន់ហ៊ានបញ្ចេញឈ្មោះទ្រនំថ្មីនោះ ម្ចាស់បទ អូនក្បត់ដើម្បីបងរូបនេះបានអះអាងប្រាប់កោះសន្តិភាពតាមទូរស័ព្ទថា ក្រោយពេលដែលផលិតកម្ម Rock ផ្អាកភ្លាម មានផលិតកម្មជាច្រើនបានទាក់ទងមកនាងទាំងផលិតកម្មល្បី និងផលិតកម្មមិនទាន់មានឈ្មោះបោះសំឡេង ។ ប៉ុន្តែទោះបីជាយ៉ាងណាការជ្រើសយកផលិតកម្មមួយនេះ នាងយល់ថា ជាការសម្រេចចិត្តដ៏ត្រឹមត្រូវ ព្រោះផលិតកម្មដែលប្រជុំដោយធនធានមនុស្សដែលនឹងជួយយឹតយោងកេរ្តិ៍ឈ្មោះរបស់នាងឱ្យល្បីជាងផលិតកម្មចាស់បាន ។ នាងបន្តថា ទោះជាយ៉ាងណាឆ្លងតាមបទពិសោធន៍កន្លងមក នាងនឹងប្រើគ្រប់ទេពកោសល្យដែលនាងមានដើម្បីទទួលបានការគាំទ្រជាថ្មីឡើងវិញ ។ ដោយឡែកសម្រាប់បទចម្រៀងក្នុងផលិតកម្មថ្មីនេះ គឺនាងបានត្រៀមរួចរាល់ហើយដែរ ហើយនិងត្រៀមវាយលុកចូលទីផ្សារក្នុងពេលឆាប់ៗនេះតែនាងសុំលាក់សិនព្រោះជាគោលការណ៍របស់ក្រុមហ៊ុន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ