រាជធានីភ្នំពេញ ៖ សង្កាត់ព្រែកឯងនៃខណ្ឌមានជ័យ ស្ថិតនៅតាមបណ្តោយផ្លូវជាតិលេខ១ មានផ្ទៃដីសរុប១.៥៧០,៨៩ហិកតា មានព្រំប្រទល់ដូចខាងក្រោម ៖
- ខាងជើងទល់នឹង ទន្លេមេគង្គ ស្រុកល្វាឯម ខេត្តកណ្តាល ខាងត្បូងទល់នឹង សង្កាត់ព្រែកថ្មី ខណ្ឌមានជ័យ រាជធានីភ្នំពេញ ខាង
រាជធានីភ្នំពេញ ៖ សង្កាត់ព្រែកឯងនៃខណ្ឌមានជ័យ ស្ថិតនៅតាមបណ្តោយផ្លូវជាតិលេខ១ មានផ្ទៃដីសរុប១.៥៧០,៨៩ហិកតា មានព្រំប្រទល់ដូចខាងក្រោម ៖
- ខាងជើងទល់នឹង ទន្លេមេគង្គ ស្រុកល្វាឯម ខេត្តកណ្តាល ខាងត្បូងទល់នឹង សង្កាត់ព្រែកថ្មី ខណ្ឌមានជ័យ រាជធានីភ្នំពេញ ខាងកើតទល់នឹង សង្កាត់ក្បាលកោះ ខណ្ឌមានជ័យ រាជធានីភ្នំពេញ ខាងលិចទល់នឹង សង្កាត់វាលស្បូវ ខណ្ឌមានជ័យ រាជធានីភ្នំពេញ ។
សង្កាត់ព្រែកឯងមានប្រជាពលរដ្ឋសរុប១៤.៧០១នាក់ ស្រីចំនួន៧.៧៧៨នាក់ ប្រជាពលរដ្ឋអាយុ១៨ឆ្នាំឡើង មានចំនួន១០.០៥៣នាក់ ស្រីមានចំនួន៥.២៣៣នាក់ ប្រជាពលរដ្ឋមានឈ្មោះក្នុងបញ្ជីបោះឆ្នោតឆ្នាំ២០១១មានចំនួនសរុប១០.២៥៥នាក់ ។
- សង្កាត់ព្រែកឯងចែកចេញជា៦ភូមិ មាន២១០ក្រុម ។
– ចំនួនសមាជិកក្រុមប្រឹក្សាសង្កាត់១១រូប
(ស្រី២រូប) ក្នុងនោះមាន គណបក្សប្រជាជនកម្ពុជា ចំនួន៨រូប (ស្រីមានចំនួន២រូប) ។ គណបក្សសម រង្ស៊ី មាន៣រូប ។
- ចៅសង្កាត់ ជាសមាជិកមកពីគណបក្សប្រជាជនកម្ពុជាមាន១រូប ជាបុរស ។
– ចៅសង្កាត់រងទី១ ជាសមាជិកមកពីគណបក្សប្រជាជនកម្ពុជាចំនួន១រូប ជាស្ត្រី ។
– ចៅសង្កាត់រងទី២ ជាសមាជិកមកពីគណបក្សសម រង្ស៊ី មានចំនួន១រូប ជាបុរស ។
– ក្បាលម៉ាស៊ីនដឹកនាំភូមិមានចំនួន១៨នាក់ (ស្រីមានចំនួន៦នាក់) ។
ចៅសង្កាត់ថ្លែងថា កន្លងមកសង្កាត់បានបង្កលក្ខណៈងាយស្រួលជូនដល់ប្រជាជនបានចូលរួមគ្រប់សកម្មភាព ដើម្បីអភិវឌ្ឍន៍សេដ្ឋកិច្ច សង្គមកិច្ចក្នុងមូលដ្ឋាន ។បានខិតខំរក្សាសន្តិសុខ សណ្តាប់ធ្នាប់ ក្នុងមូលដ្ឋានឱ្យបានរឹងមាំ ការពារ និងបង្ក្រាបបទល្មើសផ្សេងៗ ដើម្បីភាពសុខសាន្តរបស់ប្រជាជន ។
- ពង្រីកដំណើរការអគ្គិសនីនៅជនបទ ដោយមានតម្លៃសមរម្យ តភ្ជាប់ពីបណ្តាញជាតិ ពិសេសនៅភូមិរបោះអង្កាញ់ និងភូមិចុងព្រែក ។
- ជំរុញឱ្យមានការផ្គត់ផ្គង់ទឹកស្អាតសម្រាប់បរិភោគឱ្យមានអនាម័យ ។
ចំពោះការងារគមនាគមន៍ ដឹកជញ្ជូន បន្តរៀបចំ និងជួសជុលថែទាំក្នុងសង្កាត់ ដោយចាក់ក្រួសក្រហម ៖
- ទី១ៈ ផ្លូវលំភូមិចុងព្រែក ប្រវែង១.៣០០ម
– ទី២ៈ ផ្លូវលំភូមិទួលតាចាន់ ប្រវែង៨០០ម
- ទី៣ៈ ផ្លូវលំអ្នកតាឃ្លាំងភូមិមិត្តភាព ប្រវែង៤.០០០ម៉ែត្រ
- ទី៤ៈ ផ្លូវលំភូមិតាព្រហ្ម ប្រវែង១.៣០០ម
- ទី៥ៈ ផ្លូវលំភូមិក្បាលជ្រោយ ប្រវែង៥០០ម
- ទី៦ៈ ផ្លូវលំភូមិរបោះអង្កាញ់ ប្រវែង២.០០០ម៉ែត្រ
ចំពោះការកសាងហេដ្ឋារចនាសម្ព័ន្ធសង្កាត់ឱ្យដឹងថា
- បានរៀបចំប្រព័ន្ធលូដោះទឹកភ្លៀងចំនួន៤ខ្សែ មានប្រវែង១.៨០៨ម៉ែត្រ ក្នុងនោះមាន៖
+ លូដោះទឹកភ្លៀងក្នុងភូមិចុងព្រែក បានប្រវែង៤៨០ម៉ែត្រ (មូលនិធិសង្កាត់)
+ លូដោះទឹកភ្លៀងក្នុងភូមិចុងព្រែក បានប្រវែង៣០០ម៉ែត្រ (សប្បុរសជន)
+ លូដោះទឹកភ្លៀងភូមិទួលតាចាន់ បានប្រវែង៣០០ម៉ែត្រ (មូលនិធិសង្កាត់)
+ លូដោះទឹកភ្លៀងក្នុងភូមិតាព្រហ្ម បានប្រវែង៧៧៧ម៉ែត្រ (មូលនិធិសង្កាត់)
– កសាងផ្លូវលំក្រាលក្រួសក្រហមបានចំនួន៩ខ្សែ មានប្រវែង២៣.៩៥៩ម៉ែត្រ
+ ផ្លូវលំក្រួសក្រហម ក្នុងភូមិមិត្តភាព បានប្រវែង១.០៧៧ម៉ែត្រ (មូលនិធិសង្កាត់)
+ ផ្លូវលំក្រួសក្រហម ក្នុងភូមិតាព្រហ្ម បានប្រវែង៤៥២ម៉ែត្រ (មូលនិធិសង្កាត់)
+ ផ្លូវលំក្រួសក្រហម ក្នុងភូមិតាព្រហ្ម បានប្រវែង១.៤០០ម៉ែត្រ (មន្ទីរអភិវឌ្ឍន៍ជនបទរាជធានីភ្នំពេញ)
+ ផ្លូវលំក្រួសក្រហម ក្នុងភូមិក្បាលជ្រោយ បានប្រវែង៩០០ម៉ែត្រ (មន្ទីរអភិវឌ្ឍន៍ជនបទរាជធានីភ្នំពេញ)
+ ជួសជុលផ្លូវលំចាក់កម្ទេចថ្មក្នុងភូមិទួលតាចាន់ ភូមិចុងព្រែក ភូមិមិត្តភាព បានប្រវែង២.៥០០ម៉ែត្រ ដោយលោកលឹម គានហោ
+ កសាងផ្លូវលំដីសនៅភូមិរបោះអង្កាញ់(ត្រើយលិច)បានប្រវែង៣០០ម៉ែត្រ (សង្កាត់ និងសប្បុរសជន) ។
+ ជួសជុលផ្លូវលំចាក់កម្ទេចថ្ម ក្នុងភូមិរបោះអង្កាញ់(ផ្លូវជាប់ចម្ការថៃ) បានប្រវែង២០០មថវិកាលោកម៉ក់ ពេជ្ជរិទ្ធ
+ បានជួសជុលផ្លូវលំ ដោយចាក់កម្ទេចថ្ម និងដីសបានប្រវែង១.៧៣០ម៉ែត្រ ទទឹង៦ម៉ែត្រ នៅភូមិតាព្រហ្ម (ថវិកាសហគមន៍ថែទាំផ្លូវលំភូមិតាព្រហ្ម) ។
+ ជួសជុលផ្លូវលំក្រួសក្រហមផ្លូវទួលឈើនាងក្នុងភូមិមិត្តភាពប្រវែង២.៨០០ម៉ែត្រ (ថវិកាសប្បុរសជន) ។
+ បានកសាងទីស្នាក់ការគណបក្សសង្កាត់ព្រែកឯងទំហំទទឹង៨ម៉ែត្រ និងបណ្តោយ១២មអំណោយលោកឌុល គឿន
+ បានសង់អគារសិក្សា១ខ្នង មាន៦បន្ទប់នៅសាលាបឋមសិក្សាចុងព្រែក(អំណោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
+ បានសង់របងសាលាបឋមសិក្សាព្រែកឯង ប្រវែង១០១ម៉ែត្រ និងរៀបការូ៉ឡា២៨៣ម៉ែត្រការ៉េ ។ អំណោយឧកញ៉ាវ៉ិក ជួរ
+ បានតបណ្តាញអគ្គិសនីចូលក្នុងមូលដ្ឋាន មានភូមិទួលតាចាន់ ភូមិចុងព្រែក ភូមិរបោះអង្កាញ់ ។
យើងបានកសាងហេដ្ឋារចនាសម្ព័ន្ធក្នុងមូលដ្ឋានលើសផែនការដែលបានសន្យាជាមួយប្រជាពលរដ្ឋក្នុងអាណត្តិទី២ របស់ក្រុមប្រឹក្សាសង្កាត់ ដោយសារតែរាជរដ្ឋាភិបាលបានវិភាជន៍ថវិកាជារៀងរាល់ឆ្នាំ និងបានការគាំទ្រពីក្រុមការងារចុះពង្រឹងមូលដ្ឋាន ព្រមទាំងមានការជួួយឧបត្ថម្ភពីលោកកែប ជុតិមា អភិបាលរាជធានីភ្នំពេញ មន្ទីរ សាលាខណ្ឌមានជ័យ អង្គការ និងសប្បុរសជននានាក្នុងមូលដ្ឋាន ៕
ចែករំលែកព័តមាននេះ