រាជធានីភ្នំពេញ ៖ ខណៈពេលដែលកំពុងបោះសំឡេងកាន់តែខ្លាំងនៅក្នុងពិភពសិល្បៈលោកអាន់ ដា ត្រូវមហាជនសង្ស័យថា កំពុងតែមានទំនាក់ទំនងស្នេហាជាមួយតារាសម្តែង នៅ សូនីតា ហើយដំណឹងនេះកំពុង សាយភាយចេញជាបន្តបន្ទាប់ពេញសង្គមសិល្បៈ ។ ទោះជាយ៉ាងណាក្តី លោកអាន់ ដា ធ្លាប់បានបដិសេធជា ច្រើនលើកមកហើយ ទើបតែពេលនេះព្រមសារភាពថាលោក
រាជធានីភ្នំពេញ ៖ ខណៈពេលដែលកំពុងបោះសំឡេងកាន់តែខ្លាំងនៅក្នុងពិភពសិល្បៈលោកអាន់ ដា ត្រូវមហាជនសង្ស័យថា កំពុងតែមានទំនាក់ទំនងស្នេហាជាមួយតារាសម្តែង នៅ សូនីតា ហើយដំណឹងនេះកំពុង សាយភាយចេញជាបន្តបន្ទាប់ពេញសង្គមសិល្បៈ ។ ទោះជាយ៉ាងណាក្តី លោកអាន់ ដា ធ្លាប់បានបដិសេធជា ច្រើនលើកមកហើយ ទើបតែពេលនេះព្រមសារភាពថាលោកលួចស្រឡាញ់ នាងសូនីតា មែន ។
ជួបជាមួយអ្នកសារ ព័ត៌មានកោះសន្តិភាពអាន់ ដា ប្រាប់ឱ្យ ដឹង ថា កាលពីមុនលោកពិតជាបដិសេធចំពោះរឿងនេះមែន តែពេលនេះលោកសូមសារភាពថាលោកពិតជាលួចស្រឡាញ់កញ្ញានៅ សូនីតា មែន ហើយស្រឡាញ់ខ្លាំងទៀតផង តែលោកមិនបានដឹងច្បាស់អំពីជម្រៅចិត្តរបស់នាងទេ ទោះបីជារូបលោកនិងនាងឧស្សាហ៍ទៅណាមកណាជាមួយគ្នាពិតមែន ។ ស្នេហារបស់លោកចំពោះនាងសូនីតា ពិតជាធំធេងណាស់ តែចំពោះរឿងអាពាហ៍ពិពាហ៍លោកមិនហានសន្និដ្ឋានទេ ព្រោះតែរូបលោកមិនទាន់ដឹងច្បាស់ថា ក្រុមគ្រួសារខាងនាង និងរូបនាងពេញចិត្តរូបលោកដែរឬក៏យ៉ាងណាទេ ។
វាពិតជាគួរឱ្យសរសើរណាស់ព្រោះកន្លងមកអ្នកសិល្បៈជាច្រើនមិនហ៊ានប្រាប់អ្នកសារព័ត៌មានអំពីទំនាក់ទំនងស្នេហារបស់ខ្លួនដូចជាលោក អាន់ ដា ទេ ។ ទោះជាយ៉ាងណាក្តី ពុំដឹងថាកញ្ញានៅ សូនីតា មានប្រតិកម្មយ៉ាងណាទេ ចំពោះពាក្យសារភាពរបស់លោកអាន់ ដា នេះ ។
ថ្មីៗនេះតារាចម្រៀងលេចធ្លោប្រចាំផលិតកម្មខេអេច (KH)លោកអាន់ ដា តែងតែឃើញវត្តមាននៅលើឆាកតន្ត្រីស្ទើរតែគ្រប់ស្ថានីយទូរទស្សន៍បន្ទាប់ពីចេញអាល់ប៊ុមបទចម្រៀងដាក់លក់នៅលើទីផ្សាររួចមក ។ បទចម្រៀងទាំងនេះកំពុងតែពេញនិយមបំផុតសម្រាប់មិត្តយុវវ័យមានដូចជាបទ«ធាតុពិតនៃមនុស្សស្រឡាញ់គ្នា» «មនុស្សល្អក្រោយខ្នង » «រាត្រីគ្មានអូន» និងបទច្រៀងឆ្លងឆ្លើយជាមួយកញ្ញាបុប្ផាផងដែរ។ តារាចម្រៀងវ័យ២៣ឆ្នាំ រូបនេះមានទឹកដមសំឡេងពីរោះមិនចាញ់តារាចម្រៀងជំនាន់មុនប៉ុន្មានទេ អាចបំពេអារម្មណ៍ប្រិយមិត្តអ្នកស្តាប់បាន ។
លោកអាន់ ដា មានឈ្មោះពិត សំ ពិសិដ្ឋ បានប្រឡូកក្នុងពិភពសិល្បៈអស់រយៈពេលជាង៣ឆ្នាំមកហើយដោយចាប់ផ្តើមដំបូងនៅក្នុងផលិតកម្មខេអេច តែម្តង ។ លោកមានឪពុកឈ្មោះសួន សំ ជាតន្ត្រីករ ចំណែកឯម្តាយមានឈ្មោះគង់ នាង ជាមេផ្ទះ ។ លោកអាន់ ដា មានបងប្អូនចំនួន៦នាក់ ក្នុងនោះស្រីបីនាក់ ចំណែករូបលោកគឺជាកូនពៅ ។តារាចម្រៀងរូបនេះ ធ្លាប់ទទួលការអញ្ជើញឱ្យទៅច្រៀងតំណាងប្រទេសកម្ពុជាក្នុងកម្មវិធីតន្ត្រីអាស៊ានដូចជានៅប្រទេសថៃ វៀតណាម និងប្រទេសឡាវជាដើម ៕
ចែករំលែកព័តមាននេះ