ជីវ៉ាន់ស៊ុយជាប្រភេទគ្រឿងផ្សំមួយដែលមានការពេញនិយមបំផុតជាពិសេសក្នុងអាហារទទួលទានប្រចាំថ្ងៃ ។ ទន្ទឹមនឹងនេះ វាក៏មានអត្ថប្រយោជន៍ក្នុងការព្យាបាលរោគផងដែរ ។ យោងតាមគេហទំព័រមួយរបស់ឥណ្ឌាថា វាអាចលាងសំអាតជាតិពុល អំបិលរួមនិងវត្ថុផ្សេងៗទៀតដែលចូលទៅក្នុងរាងកាយបានទៀតផង ។
ជីវ៉ាន់ស៊ុយជាប្រភេទគ្រឿងផ្សំមួយដែលមានការពេញនិយមបំផុតជាពិសេសក្នុងអាហារទទួលទានប្រចាំថ្ងៃ ។ ទន្ទឹមនឹងនេះ វាក៏មានអត្ថប្រយោជន៍ក្នុងការព្យាបាលរោគផងដែរ ។ យោងតាមគេហទំព័រមួយរបស់ឥណ្ឌាថា វាអាចលាងសំអាតជាតិពុល អំបិលរួមនិងវត្ថុផ្សេងៗទៀតដែលចូលទៅក្នុងរាងកាយបានទៀតផង ។
អ្នកវិទ្យាសាស្ត្រក្នុងប្រទេសនេះបានអះអាងថា ផឹកទឹកស្លឹកជីវ៉ាន់ស៊ុយ១កែវរាល់ថ្ងៃ អ្នកនឹងសង្កេតឃើញថា អំបិលរួមនិងសារធាតុពុលផ្សេងទៀតហូរចេញពីតម្រងនោមតាមរយៈទឹកនោម ហើយអ្នកក៏នឹងសង្កេតឃើញផងដែរនូវការខុសប្លែកគ្នាមួយដែលមិនធ្លាប់ជួបពីមុនមក ។វិធីច្របាច់យកទឹកគឺងាយស្រួលបំផុតដោយអ្នកគ្រាន់តែយកវា១បាច់និងលាងឱ្យស្អាត រួចកាប់ចិញ្ច្រាំដាក់ក្នុងឆ្នាំមានទឹកស្អាតស្ងោរវាឱ្យបាន១០នាទី ។ បន្ទាប់ពីទុកឱ្យត្រជាក់ ច្រោះវាដាក់ក្នុងដបស្អាត ខ្លាសេឱ្យត្រជាក់ជាការស្រេច ។
ចំណែកអត្ថប្រយោជន៍របស់វាផ្សេងទៀតនោះគឺព្យាបាលការពុលអាហារ ។
យោងតាមក្រុមអ្នកស្រាវជ្រាវរបស់ប្រទេសព័រទុយហ្គាល់បាននិយាយថា ជីវ៉ាន់ស៊ុយមានប្រសិទ្ធភាពជួយព្យាបាលការពុលអាហារនិងកំចាត់ចោលប្រភេទបាក់តេរីដែលធ្វើឱ្យរាងកាយស៊ាំនឹងថ្នាំ MRSA។ក្រុមអ្នកស្រាវជ្រាវដែលមកពីសាកលវិទ្យាល័យ Beira Interiorប្រទេសព័រទុយហ្គាល់បានពិសោធន៍ឃើញថា ប្រេងដែលគេបានចំរាញ់ពីជីវ៉ាន់សុយក្នុងបរិមាណសូលុយស្យុងតិចជា១.៦%មានសមត្ថភាពអាចសម្លាប់និងកំចាត់ចោលនូវភ្នាសខាងក្រៅរបស់កោសិកាបាក់តេរីដោយក្នុងនោះរួមមានបាក់តេរី Salmonella,E.coliនិង MRSA។
លោកស្រីវេជបណ្ឌិតហ្វឺណាន់ដា ដូមីនហ្គេសដែលជាអ្នកស្រាវជ្រាវបាននិយាយថា ប្រេងដែលគេបានចម្រាញ់ពីជីវ៉ាន់ស៊ុយអាចជួយមនុស្សរាប់លាននាក់ដែលរងគ្រោះដោយជំងឺពុលអាហារ(Foodborne illness)។ លោកស្រីវេជ្ជបណ្ឌិតបានពន្យល់អំពីហេតុដែលប្រេងជីវ៉ាន់ស៊ុយមានប្រសិទ្ធភាពលើបាក់តេរី Salmonella,E.coliនិង MRSAដោយបញ្ជាក់ថា៖«វាបានបង្អាក់នូវការរារាំងរវាងភ្នាសនៃកោសិកានិងបរិស្ថានរបស់វាព្រមទាំងរារាំងនូវដំណើរការដ៏សំខាន់មួយចំនួនដែលក្នុងនោះរួមទាំងការដកដង្ហើម»។ទោះជាយ៉ាងណា អ្នកវិទ្យាសាស្ត្ររបស់ព័រទុយហ្គាល់បានបញ្ជាក់ថា ចាំបាច់ត្រូវតែមានការសិក្សាស្រាវជ្រាវបន្ថែមទៀតដើម្បីឈានទៅបង្កើតជាឱសថពីប្រភេទជីខាងដើមនេះ ៕
ចែករំលែកព័តមាននេះ