ខេត្តពោធិ៍សាត់ ៖ ការប្រកួតកីឡាមហាជនក្របខណ្ឌក១ ក២ ជ្រើសរើសជើងឯកទូទាំងប្រទេសប្រចាំឆ្នាំ២០១២ នៅទីរួមខេត្តពោធិ៍សាត់ ដែលបានដំណើរការអស់រយៈពេល១៣ថ្ងៃកន្លងមកនេះ បានប្រារព្ធពិធីបិទនាព្រឹកថ្ងៃទី១៧កញ្ញា ក្រោមអធិបតីភាពលោកប៊ូ ជុំសេរី អនុរដ្ឋលេខាធិការក្រសួងអប់រំយុវជន និងកីឡា និងលោកម៉ក់ រ៉ា អភិបាលរងខេត្ត។
ខេត្តពោធិ៍សាត់ ៖ ការប្រកួតកីឡាមហាជនក្របខណ្ឌក១ ក២ ជ្រើសរើសជើងឯកទូទាំងប្រទេសប្រចាំឆ្នាំ២០១២ នៅទីរួមខេត្តពោធិ៍សាត់ ដែលបានដំណើរការអស់រយៈពេល១៣ថ្ងៃកន្លងមកនេះ បានប្រារព្ធពិធីបិទនាព្រឹកថ្ងៃទី១៧កញ្ញា ក្រោមអធិបតីភាពលោកប៊ូ ជុំសេរី អនុរដ្ឋលេខាធិការក្រសួងអប់រំយុវជន និងកីឡា និងលោកម៉ក់ រ៉ា អភិបាលរងខេត្ត។
លោកហ៊ុន សាមុត ប្រធានអនុគណៈកម្មការរៀបចំការប្រកួត បានឱ្យដឹងថា ឆ្នាំ២០១២ នេះយើងបានជ្រើសរើសខេត្តពោធិ៍សាត់ធ្វើជាម្ចាស់ផ្ទះក្នុងការប្រកួតកីឡាមហាជនជ្រើសរើសជើងឯកទូទាំងប្រទេស ដែលមានវិញ្ញាសារត់ល្បឿន លោតកម្ពស់ លោតចម្ងាយ លោតបណ្ដាក់៣ជំហាន ចោលដុំដែក ចោលស្ន ចោលថាស រត់ចម្ងាយ៥គីឡូម៉ែត្រ ១០គីឡូម៉ែត្រ ដើរចម្ងាយ៥គីឡូម៉ែត្រ ១០គីឡូម៉ែត្រ រត់ពាក់កណ្ដាលម៉ារ៉ាតុង ២១គីឡូម៉ែត្រ និងរត់ម៉ារ៉ាតុង៤២គីឡូម៉ែត្រ។
ចំណាត់ថ្នាក់ក្រុមកីឡាអត្តពលកម្មលេខ១ គឺបានទៅសាកលវិទ្យាល័យអាស៊ីអឺរ៉ុប កីឡាបាល់បោះនារីលេខ១ គឺក្រុមកីឡារាជធានីភ្នំពេញ បាល់បោះបុរសក២ លេខ១ ក្រុមកីឡាក្រសួងមហាផ្ទៃ បាល់ទះនារីលេខ១ ក្រុមកីឡាខេត្តពោធិ៍សាត់ បាល់ទះបុរសក២ លេខ១ក្រុមកីឡាខេត្តព្រះសីហនុ បាល់ទះបុរសក១ លេខ១ ក្រុមកីឡាក្រសួងមហាផ្ទៃ បាល់ទាត់ក២ លេខ១ក្រុមកីឡាខេត្តបាត់ដំបងនិងបាល់ទាត់ក១ លេខ១ ក្រុមកីឡាព្រឹទ្ធសភា។
លោកប៊ូ ជុំសេរីបានថ្លែងកោតសរសើេរចំពោះកិច្ចសហការយ៉ាងយកចិត្តទុកដាក់របស់អាជ្ញាធរដែនដី មន្ទីរពាក់ព័ន្ធ កងកម្លាំងប្រដាប់អាវុធគ្រប់ជាន់ថ្នាក់របស់ខេត្ត ជាពិសេសគណៈអភិបាលខេត្តដែលបានខិតខំប្រឹងប្រែងចំណាយពេលវេលាដ៏មានតម្លៃ ជួយបង្កលក្ខណៈគ្រប់បែបយ៉ាងធ្វើឱ្យការប្រកួតប្រព្រឹត្តទៅដោយរលូននិងទទួលបានជោគជ័យ។លោកអនុរដ្ឋលេខាធិការ បានផ្ដាំផ្ញើដល់កីឡាករ កីឡាការិនីទាំងអស់ដែលទទួលបានជ័យលាភីនៅពេលនេះ ត្រូវបន្តខិតខំហ្វឹកហាត់បន្ថែមទៀតដើម្បីឆ្ពោះទៅប្រកួតជាលក្ខណៈអន្តរជាតិដណ្ដើមជ័យលាភីជូនមាតុភូមិយើង។ ចំណែកអ្នកដែលមិនបានទទួលជ័យលាភីសូមកុំអាក់អន់ស្រពន់ចិត្ត គឺត្រូវសិក្សាយកបទពិសោធន៍ហើយប្រែក្លាយទៅជាការខិតខំហ្វឹកហាត់បន្ថែមទៀត ។
លោកប៊ូ ជុំសេរីបានថ្លែងទៀតថា ការអប់រំកាយនិងកីឡាគឺជាមធ្យោបាយមួយយ៉ាងសំខាន់ក្នុងការកសាងធនធានមនុស្ស ដែលជាជ្រុងមួយនៃយុទ្ធសាស្រ្តចតុកោណដំណាក់កាលទី២របស់រាជរដ្ឋាភិបាល ក្រោមកិច្ចដឹកនាំប្រកបដោយគតិបណ្ឌិតរបស់សម្ដេចតេជោហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជាដែលបានកំណត់ទឹក ផ្លូវ ភ្លើងនិងមនុស្ស ។ក្នុងឱកាសនេះក៏មានជូនរង្វាន់ជ័យលាភីនិងអំណោយដល់កីឡាករ កីឡាការិនី ទាំងអស់ផងដែរ ៕
ចែករំលែកព័តមាននេះ