រាជធានីភ្នំពេញ ៖ គណៈកម្មាធិការជាតិអូឡាំពិកកម្ពុជា កាលពីថ្ងៃទី១៨ កញ្ញា កន្លងមកនេះ បានរៀបចំពិធីប្រគល់ប្រាក់រង្វាន់លើកទឹកចិត្តជូនដល់កីឡាករ កីឡាការិនី និងគ្រូបង្វឹកដែលបានវិលត្រឡប់់មកពីប្រកួតកីឡាអូឡាំពិកនៅទីក្រុងឡុងដ៍ ប្រទេសអង់គ្លេស។
រាជធានីភ្នំពេញ ៖ គណៈកម្មាធិការជាតិអូឡាំពិកកម្ពុជា កាលពីថ្ងៃទី១៨ កញ្ញា កន្លងមកនេះ បានរៀបចំពិធីប្រគល់ប្រាក់រង្វាន់លើកទឹកចិត្តជូនដល់កីឡាករ កីឡាការិនី និងគ្រូបង្វឹកដែលបានវិលត្រឡប់់មកពីប្រកួតកីឡាអូឡាំពិកនៅទីក្រុងឡុងដ៍ ប្រទេសអង់គ្លេស។
ក្នុងរបាយការណ៍របស់លោក វ៉ាត់ ចំរើនអគ្គលេខាធិការនៃគណៈកម្មាធិការជាតិអូឡាំពិកកម្ពុជា ឱ្យដឹងថា កីឡាករ កីឡាការិនី ដែលបានទៅចូលរួមប្រកួតនៅទីក្រុងឡុងដ៍ កាលពីថ្ងៃទី២២ កក្កដា និងបានបញ្ចប់នៅថ្ងៃទី១១ សីហា មានទាំងអស់៦នាក់ ក្នុងនោះមានកីឡាករខុម រតនៈមុនី ប្រកួតវិញ្ញាសាតេក្វាន់ដូ កីឡាករហែម ថុនពន្លឺ ប្រកួតវិញ្ញាសាហែលទឹកចម្ងាយ៥០ម៉ែត្រ កីឡាការិនីហែម ថុនវិទីនី ប្រកួតវិញ្ញាសាហែលទឹកចម្ងាយ៥០ម៉ែត្រ កីឡាករគៀង សាម៉ន ប្រកួតវិញ្ញាសារត់ចម្ងាយ៨០០ម៉ែត្រ កីឡាការិនីចាន់ សីហា ប្រកួតវិញ្ញាសារត់ចម្ងាយ២០០ម៉ែត្រ និងកីឡាការិនីស៊ន ដាវីន ប្រកួតវិញ្ញាសាតេក្វាន់ដូ ។
លោកថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា បានមានប្រសាសន៍ថា ថ្វីដ្បិតតែការទៅចូលរួមប្រកួតលើកនេះ យើងមិនទទួលបានជ័យជម្នះមែន ប៉ុន្តែប្រតិភូកីឡារបស់យើងអនុវត្តបាននូវវិន័យ សីលធម៌ល្អ ហើយអ្វីដែលសំខាន់ជាងនេះទៅទៀតនោះ គឺយើងអាចធ្វើឱ្យពិភពលោកទាំងមូលបានស្គាល់កម្ពុជា ហើយទង់ជាតិកម្ពុជាមានឱកាសបង្ហូតនៅលើឆាកអន្តរជាតិ ។ លោកបានថ្លែងនូវការកោតសរសើរដល់កីឡាករ កីឡាការិនីរបស់កម្ពុជាយើង ដែលគោរពបាននូវសីលធម៌ និងវិន័យ ។
លោកបានបន្តទៀតថា បច្ចុប្បន្នរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រី កំពុងតែយកចិត្តទុកដាក់យ៉ាងខ្លាំងទៅលើវិស័យកីឡា ដូច្នេះហើយទើបថ្ងៃនេះលោកបាននាំយកថវិការបស់សម្តេចមកប្រគល់ជូនកីឡាករ កីឡាការិនី ក្នុងមា្នក់៣០០ដុល្លារ និងគ្រូបង្វឹក២រូប គឺលោកហែម គីរី និងលោកឆយ យ៉ុងសុខ ម្នាក់២០០ដុល្លារដែរ ។ លោកសង្ឃឹមថា កីឡាករ កីឡាការិនីយើងទាំងអស់នឹងត្រៀមខ្លួនបានយ៉ាងល្អក្នុងការចូលរួមប្រកួតសីុហ្គេមលើកទី២៧នៅប្រទេសមីយ៉ាន់ម៉ាឆ្នាំ២០១៣ ខាងមុខនេះ ៕
ចែករំលែកព័តមាននេះ