ធនាគារUSBរបស់ស្វ៊ីស បានបង្ហាញលទ្ធផលស្រាវជ្រាវដែលទទួលបានពីការវិភាគលើការចំណាយរបស់ប្រជាជនក្នុងចំណោម៧២ទីក្រុងនៅទូទាំងពិភពលោកឃើញថា ក្រុងអូស្លូរបស់ន័រវែស ក្រុងស៊ុយរិករបស់ស្វ៊ីស និងតូក្យូរបស់ជប៉ុន គឺជារដ្ឋធានីមានថ្លៃចំណាយខ្ពស់បំផុតនៅលើពិភពលោក តាមរយៈការប្រៀបធៀបលើថ្លៃទំនិញ និងសេវាកម្មចំនួន១២២ប្រទេស ។
ធនាគារUSBរបស់ស្វ៊ីស បានបង្ហាញលទ្ធផលស្រាវជ្រាវដែលទទួលបានពីការវិភាគលើការចំណាយរបស់ប្រជាជនក្នុងចំណោម៧២ទីក្រុងនៅទូទាំងពិភពលោកឃើញថា ក្រុងអូស្លូរបស់ន័រវែស ក្រុងស៊ុយរិករបស់ស្វ៊ីស និងតូក្យូរបស់ជប៉ុន គឺជារដ្ឋធានីមានថ្លៃចំណាយខ្ពស់បំផុតនៅលើពិភពលោក តាមរយៈការប្រៀបធៀបលើថ្លៃទំនិញ និងសេវាកម្មចំនួន១២២ប្រទេស ។
នៅក្នុងរបាយការណ៍បញ្ជាក់ថា ប្រសិនបើបូករួមជាមួួយថ្លៃជួលក្នុងការគណនាលើកនេះនឹងមានលំដាប់ប្រហាក់ប្រហែលនឹង៣ទីក្រុង ដែលបានរៀបរាប់នោះ ប៉ុន្តែបើមិនរួមបញ្ចូលនឹងថ្លៃជួលឃើញថា ក្រុងញូវយ៉កគឺជាទី ក្រុងមានថ្លៃចំណាយខ្ពស់ស្ថិតនៅលំដាប់ទី៦ឯក្រុង ឌូបៃស្ថិតនៅលំដាប់ទី២២ និងហុងកុងស្ថិតនៅ លំដាប់ទី៣២ ។
នៅពេលប្រៀបធៀបនឹងម៉ោងការងារនៅក្នុងឆ្នាំនេះ ធនាគារUSBបានសន្និដ្ឋានថា អាស៊ីអាហ្វ្រិក បស្ចិមប្រទេស និងអាមេរិកខាងត្បូង ឃើញថា ម៉ោងការងារមធ្យមក្នុងមនុស្សម្នាក់ក្នុងមួយឆ្នាំឡើងខ្ពស់ដល់២.០០០ម៉ោង ដោយខុសប្លែកពីទីក្រុងជាច្រើននៅអឺរ៉ុប ដែលជាម្ចាស់ជើងឯកម៉ោងក្នុងការបំរើការងារមធ្យមក្នុងមួយថ្ងៃតិចបំផុតនាំមុខដោយក្រុងកូបិុនហាក ប្រទេសដាណឺម៉ាក បន្ទាប់មកក្រុងប៉ារីស និងក្រុងលីយ៉ុង ប្រទេសបារាំង រួមទាំងជាម្ចាស់ឯតទគ្គកម្មថ្ងៃឈប់សម្រាកនៅរដូវក្តៅមានការចំណាយលើកម្លាំងច្រើនបំផុត ។
ចំណែកទីក្រុងដែលមានថ្លៃចំណាយទាបបំផុតគឺទីក្រុងញូវដេលី និងមុមបៃ ប្រទេសឥណ្ឌាដែលប្រជាជនក្នុងទីក្រុងទាំង២នេះ មានថ្លៃឈ្នួលមធ្យមប្រហែល៦ភាគរយនៃថ្លៃឈ្នួលមធ្យមរបស់ប្រជាជនក្នុងទីក្រុងស៊ុយរិក ស្ថិតនៅលំ ដាប់ទី១ ។ក្រៅពីក្រុងស៊ុយរិ ក្រុងហ្សឺណែវរបស់ស្វ៊ីស គឺជាទីក្រុងដែលប្រជាជនទទួលប្រាក់ឈ្នួលមធ្យមច្រើនបំផុតស្ថិតនៅលំដាប់ទី២ បន្ទាប់មកគឺក្រុងកូបិុនហាក ប្រទេសដាណឺម៉ាកលំដាប់ទី៣ និងក្រុងអូស្លូស្ថិតនៅចំណាត់ថ្នាក់ទី៤ ។
ក្រុងស៊ុយរិកថែមទាំងទទួលតំណែងប្រជាជនចំណាយក្នុងការទិញច្រើនបំផុតនៅលើពិភពដោយពលរដ្ឋក្នុងក្រុងនេះបំពេញការងារត្រឹមតែ២២ម៉ោង អាចយកប្រាក់ទៅទិញទូរស័ព្ទអាយហ្វូនបាន ផ្ទុយពីប្រជាជននៅទីក្រុងម៉ានិលប្រទេសហ្វីលីពីន ត្រូវចំណាយពេលច្រើនជាងនេះប្រហែល២០ដង ទើបមានប្រាក់ទិញអាយហ្វូន ៕
ចែករំលែកព័តមាននេះ