ខេត្តមណ្ឌលគិរី ៖ គំនរឈើប្រណីតរាប់សិបកំណាត់ចំនួន៤កន្លែង ត្រូវបានសមត្ថកិច្ចរដ្ឋបាលព្រៃឈើរកឃើញកាលពីថ្ងៃទី១៣ កញ្ញា នៅតាមបណ្តោយផ្លូវជាតិលេខ៧៦A ស្ថិតក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ជាផ្លូវឆ្ពោះទៅច្រកទ្វារអន្តរជាតិដាក់ដាំ ។
ខេត្តមណ្ឌលគិរី ៖ គំនរឈើប្រណីតរាប់សិបកំណាត់ចំនួន៤កន្លែង ត្រូវបានសមត្ថកិច្ចរដ្ឋបាលព្រៃឈើរកឃើញកាលពីថ្ងៃទី១៣ កញ្ញា នៅតាមបណ្តោយផ្លូវជាតិលេខ៧៦A ស្ថិតក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ជាផ្លូវឆ្ពោះទៅច្រកទ្វារអន្តរជាតិដាក់ដាំ ។
ឈើប្រណីតដែលត្រូវសមត្ថកិច្ចរកឃើញនោះមានប្រភេទនាងនួន ធ្នង់ សុទ្ធតែមានមុខកាត់ធំៗចាប់ពី២០សង្ទីម៉ែត្រគុណ២០សង្ទីមែ៉ត្រ និង៦០សង្ទីមែ៉ត្រគុណ២០សង្ទីម៉ែត្រ ប្រវែង២,២ម៉ែត្រ ចំនួនជាង៤០កំណាត់ តែមិនទាន់ដឹងថាប៉ុន្មានម៉ែត្រគូបនៅឡើយទេ ព្រោះមន្ត្រីជំនាញកំពុងធ្វើការដឹកជញ្ជូនយកទៅរក្សាទុកនៅខណ្ឌរដ្ឋបាលព្រៃឈើខេត្តមណ្ឌលគិរី ដើម្បីធ្វើការវាស់វែង និងស្វែងរកម្ចាស់ឈើដើម្បីចាត់ការតាមផ្លូវច្បាប់ ។
ក្នុងពេលចុះបង្ក្រាបទីតាំងលួចលាក់ឈើប្រណីតខាងលើ គេសង្កេតឃើញមានតែមន្ត្រីរដ្ឋបាលព្រៃឈើប៉ុណ្ណោះ ពុំមានការសហការពីកម្លាំងសមត្ថកិច្ចដូចជា នគរបាល ឬកងរាជអាវុធហត្ថឡើយ ។ បើតាមមន្ត្រីរដ្ឋបាលព្រៃឈើមួយរូបសុំមិនបញ្ចេញឈ្មោះឱ្យដឹងថា ហេតុដែលមិនមានកិច្ចសហការជាមួយកម្លាំងសមត្ថកិច្ចគឺមកពីឈើទាំងនោះជារបស់អ្នកមានអំណាចម្នាក់ ដូច្នេះហើយទើបបានជាពួកគេមិនហា៊នមកក្បែរ ព្រោះខ្លាចបុណ្យសក្តិម្ចាស់ឈើរូបនោះ ។
ទីតាំងដែលក្រុមឈ្មួញលួចជញ្ជូនឈើប្រណីតយកមកទុកនេះ នៅមិនឆ្ងាយប៉ុន្មានពីទីប្រជុំជនក្រុងសែនមនោរម្យទេ ហើយនៅក្បែរភ្នែកក្បែរច្រមុះសមត្ថកិច្ចទៀត តែបែរជា បណ្តោយឱ្យក្រុមឈ្មួញទាំងនោះអាចដឹកឈើយកមកទម្លាក់ទុកបានយ៉ាងមានសុវត្ថិភាពដូច្នេះទៅវិញ ។ ទាក់ទិនទៅនឹងឈើទាំងនេះ ត្រូវបានប្រភពព័ត៌មាននិយាយថា គេត្រៀមធ្វើការដឹកជញ្ជូនចេញទៅលក់នៅព្រំដែនវៀតណាមតាមច្រកទ្វារទ្វេភាគីដាក់ដាំនេះតែម្តង ។ ទោះជាបែបណា មិនអាចរកការបំភ្លឺបានទេ ជុំវិញប្រភពខាងលើនេះ ៕
ចែករំលែកព័តមាននេះ