ADផ្ទាំងផ្សព្វផ្សាយពាណិជ្ជកម្ម

ស្ត្រីចំណាស់ម្នាក់ត្រូវគេវាយយកទៅទុកចោលក្នុងដីឡូត៍មួយ

12 ឆ្នាំ មុន

១៤ ខែ កញ្ញា ឆ្នាំ ២០១២ ម៉ោង ០៣:៤៥

រាជធានីភ្នំពេញ ៖ ស្ត្រីចំណាស់ម្នាក់អាយុប្រមាណជា៧០ឆ្នាំ ត្រូវបានប្រជាពលរដ្ឋប្រទះឃើញដេកសន្លប់ស្តូកស្តឹង និងមានរបួសជាំភ្នែកទាំងសងខាងបែកមាត់បាក់ធ្មេញ នៅក្នុងដីឡូត៍មួយកន្លែង ស្ថិតក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ កាលពីវេលាម៉ោង៧និង៥នាទីព្រឹកថ្ងៃទី១៤ កញ្ញា ២០១២ ។ ចំពោះករណីនេះប៉ូលិសសង្ស័យជាជំហានដំបូងថា ករណីគំនុំ ព្រោះនៅលើខ្លួនស្ត្រីរងគ្រោះមិនបានបាត់បង់ទ្រព្យសម្បត្តិផ្ទាល់ខ្លួននោះទេ។

ស្ត្រីរងគ្រោះត្រូវបានសមត្ថកិច្ចហៅរថយន្តសាមុយដឹកទៅសង្គ្រោះនៅគ្លីនិកឯកជនមួយក្នុងខណ្ឌទួលគោក ។ ជុំវិញការប្រទះឃើញស្ត្រីរងគ្រោះខាងលើលោកឌិន សារ៉ាតុម មេប៉ុស្តិ៍រដ្ឋបាលឃ្មួញបានឱ្យដឹងថា ស្ត្រីរងគ្រោះមិនទាន់ស្គាល់អត្តសញ្ញាណនៅឡើយទេ ហើយមិនមែនជាអ្នកភូមិនេះទេ ព្រោះសមត្ថកិច្ចបានស្រាវជ្រាវរកបងប្អូន ប៉ុន្តែគ្មាននរណាម្នាក់ស្គាល់នោះឡើយ ។