ក្រុងប៉ោយប៉ែត ៖ ព្រឹកថ្ងៃទី១៣ កញ្ញា ២០១២ ប៉ូលិសជំនាញសណ្តាប់ធ្នាប់ចរាចរណ៍ក្រុងប៉ោយប៉ែត បានចុះរៀបចំសណ្តាប់ធ្នាប់ និងធ្វើការអប់រំណែនាំដល់អាជីវករដែលដាក់ឆ័ត្រលក់ដូរតាមដងផ្លូវក៏ដូចជាអ្នកលក់ខ្សាច់ ឥដ្ឋ ថ្ម ចាក់ហៀរតាមដងផ្លូវត្រូវរុះរើ និងកាយថយចូលឱ្យផុតពីផ្លូវបាន៥ម៉ែត្រ ហើយជាសំខាន់សមត្ថកិច្ចជំនាញបានចុះអប់រំដល់អ្នកបើករថយន្តរបស់ថៃតាមរយៈក្រុមហ៊ុនមួយចំនួនក្នុងក្រុងប៉ោយប៉ែត ឱ្យបើកបរបន្ថយល្បឿនត្រឹមកុងទ័រ៣០ក្រោយចូលមកដល់ដីខ្មែរ ។
ការចុះរៀបចំសណ្តាប់ធ្នាប់របស់ប៉ូលិសនេះបានធ្វើឡើងតាមដងផ្លូវជាតិលេខ៥ តាំងពីចំណុចរង្វង់មូលច្រកទ្វារអន្តរជាតិប៉ោយប៉ែត ភូមិក្បាលស្ពាន១ សង្កាត់ប៉ោយប៉ែត ដល់ភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ។ លោកអនុសេនីយ៍ទោ សៅ សារឿន នាយផ្នែកប៉ូលិសចរាចរសណ្តាប់ធ្នាប់សាធារណៈក្រុងប៉ោយប៉ែត បានប្រាប់កោះសន្តិភាពថា ការចុះរៀបចំសណ្តាប់ធ្នាប់តាមដងផ្លូវជាតិ និងសូម្បីតែអ្នកដែលកំពុងសាងសង់ផ្ទះចាក់ខ្សាច់ថ្ម ឥដ្ឋ ហៀរលើដងផ្លូវក៏ត្រូវអប់រំណែនាំឱ្យកាយផុតពីដងផ្លូវផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ