រាជធានីភ្នំពេញ ៖ ស្រ្តីអនាថាម្នាក់មានអាយុប្រមាណ៦០ឆ្នាំ ត្រូវខ្យល់គរស្លា.ប់នៅចិញ្ចើមផ្លូវខាងត្បូងផ្សារនាគមាស ធ្វើឲ្យមានការភ្ញាក់ផ្អើលនៅវេលាម៉ោង៨និង៤០នាទីព្រឹកថ្ងៃទី១២ កញ្ញា នៅតាមផ្លូវលេខ២៣៤ ក្នុងសង្កាត់ផ្សារដើមគ ខណ្ឌទួលគោក ។
រាជធានីភ្នំពេញ ៖ ស្រ្តីអនាថាម្នាក់មានអាយុប្រមាណ៦០ឆ្នាំ ត្រូវខ្យល់គរស្លាប់នៅចិញ្ចើមផ្លូវខាងត្បូងផ្សារនាគមាស ធ្វើឲ្យមានការភ្ញាក់ផ្អើលនៅវេលាម៉ោង៨និង៤០នាទីព្រឹកថ្ងៃទី១២ កញ្ញា នៅតាមផ្លូវលេខ២៣៤ ក្នុងសង្កាត់ផ្សារដើមគ ខណ្ឌទួលគោក ។
ស្រ្តីអនាថាដេកស្លាប់នោះមិនត្រូវបានគេស្គាល់ឈ្មោះទេ តែអ្នកនៅជិតកន្លែងកើតហេតុហៅគាត់ថា យាយស្រាថ្នាំ ។ ជារៀងរាល់ថ្ងៃគាត់ដើរសុំទានគេ ហើយពេលបានប្រាក់តែងតែទិញស្រាថ្នាំផឹកជារៀងរាល់ថ្ងៃ ទើបម្នាក់ៗនាំគ្នាហៅគាត់យាយស្រាថ្នាំទាំងអស់គ្នា មិនបានដឹងថា គាត់មានឈ្មោះអ្វីទេ គ្រាន់តែគាត់ធ្លាប់ប្រាប់ថា មានស្រុកកំណើតនៅខេត្តពោធិ៍សាត់ និងមានកូនប្រុសម្នាក់មានប្រពន្ធទៅរស់នៅស្រុកស្អាង ខេត្តកណ្តាល ។
ចំពោះការស្លាប់នោះ ក៏គ្មាននរណាម្នាក់ដឹងថា គាត់ស្លាប់តាំងពីពេលណាមកដែរ រហូតដល់ម៉ោងខាងលើទើបប្រទះឃើញគាត់ដេកស្លាប់នៅលើចិញ្ចើមផ្លូវ ប៉ុនែ្តមិនដឹងថា ស្លាប់ដោយសារមូលហេតុអ្វីទេ គ្រាន់តែដឹងថា ជារៀងរាល់ថ្ងៃគាត់តែងតែផឹកស្រាជាប់ជាប្រចាំ ទើបសន្និដ្ឋានថា ប្រហែលជាខ្យល់គរដួលស្លាប់ក៏មិនដឹង ដោយសារមិនមានអ្នកណាដឹងពីមូលហេតុពិតប្រាកដ ។
បន្ទាប់ពីដឹងថាស្លាប់ហើយ បុរសអ្នកគ្រប់គ្រងចំណតរថយន្តតាក់ស៊ី និងប្រធានសន្តិសុខសណ្តាប់ធ្នាប់ផ្សារនាគមាសបានចេញមុខរៀបចំ
ចាត់ចែងរករថយន្តដឹកសពយកទៅធ្វើបុណ្យ
តាមប្រពៃណីនៅវត្តទឹកថ្លា ។ ពេលនោះអ្នកដែលទៅផ្សារឃើញហេតុការណ៍នោះ បាននាំគ្នាចូលបុណ្យគ្រប់គ្នា ហើយប្រាក់នោះត្រូវអ្នកចាត់ចែងយកទៅធ្វើបុណ្យតាមប្រពៃណី ។ ដោយឡែកកូនប្រុសរបស់គាត់ត្រូវបានគេទាក់ទងតាមលេខទូរស័ព្ទប្រាប់ហើយដែរ ៕
ចែករំលែកព័តមាននេះ