ខេត្តកណ្តាល ៖ ប្រភពពីមន្រ្តីសាលាដំបូងខេត្តកណ្តាលបានឲ្យដឹងថា អតីតជំទប់ទី២ ឃុំបន្ទាយដែក ស្រុកកៀនស្វាយ ខេត្តកណ្តាលមកពីគណបក្សសមរង្ស៊ី លោកមាស ប៉េង ត្រូវបានចៅក្រមតុលាការខេត្តកណ្តាល លោកលឹម សុគន្ថា សម្រេចដោះលែងហើយកាលពីរសៀលថ្ងៃទី១២ កញ្ញា ២០១២ បន្ទាប់ពីចៅក្រមដដែលនេះ បានចេញដីកាឃុំខ្លួនក្នុងពន្ធនាគារអស់ពេល៣ខែ ពីបទ
ខេត្តកណ្តាល ៖ ប្រភពពីមន្រ្តីសាលាដំបូងខេត្តកណ្តាលបានឲ្យដឹងថា អតីតជំទប់ទី២ ឃុំបន្ទាយដែក ស្រុកកៀនស្វាយ ខេត្តកណ្តាលមកពីគណបក្សសមរង្ស៊ី លោកមាស ប៉េង ត្រូវបានចៅក្រមតុលាការខេត្តកណ្តាល លោកលឹម សុគន្ថា សម្រេចដោះលែងហើយកាលពីរសៀលថ្ងៃទី១២ កញ្ញា ២០១២ បន្ទាប់ពីចៅក្រមដដែលនេះ បានចេញដីកាឃុំខ្លួនក្នុងពន្ធនាគារអស់ពេល៣ខែ ពីបទប្រើអំពើហិង្សាដោយចេតនា លើរឿងទំនាស់ដីធ្លីនៅក្នុងមូលដ្ឋានរបស់ខ្លួននោះរួចមក ។
គួររំលឹកថា លោកមាស ប៉េង អតីតជំទប់ទី២ ឃុំបន្ទាយដែក ស្រុកកៀនស្វាយ ខេត្តកណ្តាលមកពីគណបក្ស សម រង្ស៊ី ត្រូវប៉ូលិសចាប់ខ្លួនកាលពីវេលាម៉ោង៨ និង៣០នាទីព្រឹកថ្ងៃទី១២ មិថុនា ឆ្នាំ២០១២ នៅនឹងផ្ទះរបស់លោកផ្ទាល់ស្ថិតក្នុងឃុំបន្ទាយដែក បន្ទាប់ពីគេចខ្លួនមួយរយៈ ។ លោកមាស ប៉េង ត្រូវបានចោទប្រកាន់ពីបទផ្តើមគំនិតប្រើអំពើហិង្សាដោយចេតនាទៅលើអ្នកកាន់កាប់អចលនវត្ថុដោយសុចរិតប្រព្រឹត្តទៅនៅភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្តាល កាលពីថ្ងៃទី១០ និង ១១ ខែឧសភា ឆ្នាំ២០១១ ។
ក្រោយមក លោកមាស ប៉េង ត្រូវបានតុលាការខេត្តកណ្តាលបង្គាប់ឲ្យឃុំខ្លួនបណ្តោះអាសន្នម្តងរួចមកហើយ កាលពីថ្ងៃទី២៣ កញ្ញា ឆ្នាំ២០១១ បន្ទាប់ពីសាកសួរតាមបទចោទប្រកាន់ខាងលើ ប៉ុន្តែត្រូវបានលោកជួង ជូងី ជាមេធាវីជួយឲ្យបានចេញវិញ ដោយចោទប្រកាន់ថា ចៅក្រមមិនបានអនុវត្តការ ឃុំខ្លួនកូនក្តីរបស់លោកតាមនីតិវិធីច្បាប់ត្រឹមត្រូវ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ