ខេត្តកំពង់ចាម ៖ ក្រុមជនសង្ស័យជួញដូរគ្រឿងញៀនដ៏សកម្មនៅតំបន់ត្រើយខាងកើតទន្លេមេគង្គចំនួន៣នាក់ត្រូវនគរបាលតាមប្រមាញ់ចាប់ខ្លួនបានជាបន្តបន្ទាប់តាំងពីព្រឹករហូតដល់ម៉ោង១និង៣០នាទីរសៀលថ្ងៃទី៩ កញ្ញា ២០១២ នៅភូមិស្លាបក្តោង ឃុំជុប ស្រុកត្បូងឃ្មុំ ដោយដកហូតបានថ្នាំញៀនក្រាមពណ៌ស ចំនួន៤,៧០ក្រាមផងដែរ ។
ខេត្តកំពង់ចាម ៖ ក្រុមជនសង្ស័យជួញដូរគ្រឿងញៀនដ៏សកម្មនៅតំបន់ត្រើយខាងកើតទន្លេមេគង្គចំនួន៣នាក់ត្រូវនគរបាលតាមប្រមាញ់ចាប់ខ្លួនបានជាបន្តបន្ទាប់តាំងពីព្រឹករហូតដល់ម៉ោង១និង៣០នាទីរសៀលថ្ងៃទី៩ កញ្ញា ២០១២ នៅភូមិស្លាបក្តោង ឃុំជុប ស្រុកត្បូងឃ្មុំ ដោយដកហូតបានថ្នាំញៀនក្រាមពណ៌ស ចំនួន៤,៧០ក្រាមផងដែរ ។
លោកវរសេនីយ៍ទោ សោម រស់ ប្រធានការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តប្រាប់ឱ្យដឹងថា ក្រុមជួញដូរថ្នាំញៀនទាំង៣នាក់នោះមាន ១-ឈ្មោះឈិន ស៊ីណាត ភេទប្រុស អាយុ៥០ឆ្នាំ ២-ឈ្មោះលី ស្រុង ភេទប្រុស អាយុ៤១ឆ្នាំ រស់នៅភូមិស្លាបក្តោង ឃុំជុប ជាមួយគ្នា និង៣-ឈ្មោះឆេង ប៊ុនលាង ភេទប្រុស អាយុ៤៣ឆ្នាំ រស់នៅភូមិមានជ័យ ឃុំចុងអំពិល ស្រុកស្វាយអន្ទរ ខេត្តព្រៃវែង ជាមេខ្លោង ។
លោកបន្តថា ដោយមានការចង្អុលបង្ហាញពីលោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្ត និងលោកវរសេនីយ៍ឯក ជឹម សេងហុង ស្នងការរងនគរបាលខេត្តប្រធានកណ្តាលយុត្តិធម៌ឱ្យជំនាញត្រូវបង្កើនយកចិត្តទុកដាក់បង្ក្រាបគ្រឿងញៀនទាំងនៅតំបន់ត្រើយខាងលិច និងត្រើយខាងកើតទន្លេមេគង្គ ។ ជាក់ស្តែងនៅព្រឹកថ្ងៃទី៩ កញ្ញា បន្ទាប់ពីទទួលបានព័ត៌មានជនសង្ស័យឈ្មោះស៊ីណាត ជាមុខសញ្ញាជួញដូរគ្រឿងញៀន ក៏បានរៀបចំវិធានការចុះបង្ក្រាបដោយប្រើកម្លាំងញុះញង់ឱ្យយកថ្នាំញៀន១កញ្ចប់តម្លៃ២០ដុល្លារ មកប្រគល់ឱ្យនៅភូមិ៤ ឃុំជុប ក៏ត្រូវចាប់ខ្លួនតែម្តង ។ ក្រោយពីជននេះឆ្លើយសារភាពក៏ឈានទៅចាប់ឈ្មោះលី ស្រុង នាំទៅឆែកឆេរបន្ទប់រកឃើញថ្នាំញៀន២៣កញ្ចប់តូច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ