រាជធានីភ្នំពេញ ៖ កាលពីវេលាម៉ោង១១ និង៤៣នាទីយប់ថ្ងៃទី១០ កញ្ញា ២០១២ នៅលើស្ពានជ្រោយចង្វា ក្នុងសង្កាត់ស្រះចក ខណ្ឌដូនពេញ មានការផ្អើលឆោឡោដោយសារស្ត្រីម្នាក់បើករថយន្តរ៉េវហ្វ័រ ពណ៌ទឹកប្រាក់ ទៅលោតទឹកសម្លា.ប់ខ្លួន ។ លុះពេលជាងមួយម៉ោងក្រោយមក ត្រូវប៉ូលិសស្រង់បាននៅខាងក្រោយស្ថានីយទូរទស្សន៍ CTN ស្ថិតក្នុងភូមិក្រោលគោ សង្កាត់គីឡូម៉ែត្រ
រាជធានីភ្នំពេញ ៖ កាលពីវេលាម៉ោង១១ និង៤៣នាទីយប់ថ្ងៃទី១០ កញ្ញា ២០១២ នៅលើស្ពានជ្រោយចង្វា ក្នុងសង្កាត់ស្រះចក ខណ្ឌដូនពេញ មានការផ្អើលឆោឡោដោយសារស្ត្រីម្នាក់បើករថយន្តរ៉េវហ្វ័រ ពណ៌ទឹកប្រាក់ ទៅលោតទឹកសម្លាប់ខ្លួន ។ លុះពេលជាងមួយម៉ោងក្រោយមក ត្រូវប៉ូលិសស្រង់បាននៅខាងក្រោយស្ថានីយទូរទស្សន៍ CTN ស្ថិតក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ ។ ស្ត្រីលោតទឹកសម្លាប់ខ្លួនឈ្មោះនួន ថាវី អាយុ៣៤ឆ្នាំ ស្នាក់នៅម្តុំអូឡាំពិក ខណ្ឌចំការមន ។
ប្រភពព័ត៌មានពីប៉ូលិសឱ្យដឹងថា មុនពេលកើតហេតុ គេឃើញស្ត្រីម្នាក់បើករថយន្តរ៉េវហ្វ័រ ពណ៌ទឹកប្រាក់ ពីលិចទៅកើត មកឈប់អែបខាងស្តាំនៅលើស្ពានជ្រោយចង្វា រួចចុះទៅឈរស្រែកយំមួយសន្ទុះ ក៏លោតចូលទៅក្នុងទឹកសម្លាប់ខ្លួនតែម្តង ដោយបន្សល់ទុករថយន្តនៅលើស្ពាន ។ បន្ទាប់មកស្រាប់តែឮសំឡេងស្រែកឱ្យជួយល្វើយៗ ទើបប៉ូលិសតាមរកសំឡេងនោះ លុះជាងមួយម៉ោងក្រោយមក ទើបប្រទះឃើញស្ត្រីរងគ្រោះកំពុងហែលបណ្តែតខ្លួនខ្វៃៗនៅក្រោយស្ថានីយទូរទស្សន៍ CTN ទើបប៉ូលិសនាំគ្នាចុះទៅជួយស្រង់រួចផុតពីសេចក្តីស្លាប់ ។
បច្ចុប្បន្នស្ត្រីរងគ្រោះ កំពុងសម្រាកព្យាបាលនៅគ្លីនិកឯកជន ចំណែកការប៉ុនប៉ងសម្លាប់ខ្លួននេះ មិនទាន់ដឹងថា បណ្តាលមកពីមូលហេតុអ្វីពិតប្រាកដឡើយេ ដោយសារស្ត្រីរងគ្រោះស្ថិតក្នុងសភាពអស់កម្លាំងខ្សោយមិនទាន់អាចនិយាយបានច្រើនទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ