រាជធានីភ្នំពេញ ៖ នៅមជ្ឈមណ្ឌលជាតិប្រយុទ្ធប្រឆាំងជំងឺសើស្បែក និងកាមរោគ កាលពីថ្ងៃទី៧ កញ្ញា កន្លងមក មានបើកធ្វើសិក្ខាសាលាស្តីពី«គ្មានអ្វីសម្រាប់យុវវ័យ បើគ្មានការចូលរួមរបស់យុវវ័យ» ដែលរៀបចំឡើងដោយសមាគមអភិវឌ្ឍន៍សុខភាពប្រជាជន សហការជាមួយសមាគមយុវជនខ្មែរ សមាគមសាមគ្គីស្រ្តីផ្សព្វផ្សាយស្រាបៀរនៅកម្ពុជា សមាគមបណ្តាញចតុមុខ និងក្រុម
រាជធានីភ្នំពេញ ៖ នៅមជ្ឈមណ្ឌលជាតិប្រយុទ្ធប្រឆាំងជំងឺសើស្បែក និងកាមរោគ កាលពីថ្ងៃទី៧ កញ្ញា កន្លងមក មានបើកធ្វើសិក្ខាសាលាស្តីពី«គ្មានអ្វីសម្រាប់យុវវ័យ បើគ្មានការចូលរួមរបស់យុវវ័យ» ដែលរៀបចំឡើងដោយសមាគមអភិវឌ្ឍន៍សុខភាពប្រជាជន សហការជាមួយសមាគមយុវជនខ្មែរ សមាគមសាមគ្គីស្រ្តីផ្សព្វផ្សាយស្រាបៀរនៅកម្ពុជា សមាគមបណ្តាញចតុមុខ និងក្រុម Smart Girlនិងមានការអញ្ជើញចូលរួមពីលោកវេជ្ជបណ្ឌិត មាន ឈីវុន ប្រធានមជ្ឈមណ្ឌលជាតិ ប្រយុទ្ធប្រឆាំងជំងឺសើស្បែក និងកាមរោគ ។
យុវវ័យក្មេងៗមានចំនួនជិតពាក់កណ្តាលនៃចំនួនប្រជាជនសរុប ៧ពាន់លាននាក់ក្នុងពិភពលោក កំពុងតែរួបរួមគ្នាដើម្បីមានឥទ្ធិពលលើអ្នកដឹកនាំរដ្ឋាភិបាល អង្គការ និងសហគមន៍ របស់ពួកគេឱ្យទទួលយក ការចូលរួមរបស់យុវវ័យជាដៃគូដ៏មានសារសំខាន់ក្នុងដំណើរការសម្រេចចិត្តទាក់ទងនឹងសុខភាពផ្លូវភេទ សុខ ភាពបន្តពូជ និងសិទ្ធិរបស់ពួកគេ ។ នោះជាឱកាសល្អមួយសម្រាប់យុវវ័យធ្វើការរួមជាមួយគ្នា ហើយយុទ្ធនាការដែលមានរយៈពេល១០ថ្ងៃ គិតចាប់ពីថ្ងៃទី១ដល់ទី១០ កញ្ញាជាលើកទី ៣ នេះ មានការសហការជាមួួយយុវជនមកពី៥០ប្រទេស ។ ពួកគេនឹងរៀបចំសកម្មភាពផ្សេងៗដើម្បីលើកកម្ពស់សំឡេងរបស់យុវជនឱ្យយល់អំពីតម្រូវការចាំបាច់របស់ពួកគេ និងសិទ្ធិរបស់ពួកគេទាំងក្នុងថ្នាក់ជាតិ និងអន្តរជាតិ ។
កាលពីឆ្នាំមុន មានយុវវ័យមកពី២០ប្រទេសចូលរួមក្នុងយុទ្ធនាការនេះ ដោយឡែកសម្រាប់គោលដៅឆ្នាំនេះមានយុវវ័យមកពី៥០ប្រទេសចូលរួម រួមបញ្ចូលទាំងយុវវ័យបានចូលរៀន មិនបានចូលរៀន យុវវ័យដែលរងគ្រោះ និងយុវវ័យដែលត្រូវបានរើសអើង ។ ដោយមានការខិតខំប្រឹងប្រែងចូលរួមរបស់យុវវ័យ ពួកគេនឹងទទួលបានសិទ្ធិក្នុងការយល់ដឹងអំពីសុខភាពផ្លូវភេទ និងសុខភាពបន្តពូជ ហើយដើម្បីធ្វើបាន យុវវ័យត្រូវបានផ្តល់កម្លាំងចិត្តឱ្យមានភាពក្លាហាន និងទទួលបានគន្លឹះដ៏ត្រឹមត្រូវក៏ដូចជាការទទួលបានបទពិសោធន៍ និងការអនុវត្តល្អៗ ។
ពួកគេកំពុងតែសង្កត់ធ្ងន់ថា យុវជនគួរតែត្រូវបានធ្វើមជ្ឈការនៅក្នុងរបៀបវារៈនៃកិច្ចអភិវឌ្ឍន៍សាកល ។ ទោះបីជាយ៉ាងណាក៏ដោយកិច្ចការទាំងនោះគួរតែធ្វើឡើងដោយមានការចូលរួមរបស់យុវជនដែលអាចធ្វើការសម្រេចចិត្ត និងចែករំលែកតួនាទីគ្រប់ជំហាន ដើម្បីទទួលយកតួនាទីក្នុងការដឹកនាំដើម្បីដោះស្រាយ និងបង្កើនការយល់ដឹងអំពីបញ្ហាដែលទាក់ទងជាមួយយុវវ័យ រួមបញ្ចូលទាំងសុខភាពបន្តពូជ សុខភាពផ្លូវភេទ និងសិទ្ធិ ៕
ចែករំលែកព័តមាននេះ