ខេត្តកំពង់ចាម ៖ យុវជនប៉េដេម្នាក់ឈ្មោះ អីុ សើអិលហាប់សាក់ អាយុ២៧ឆ្នាំ ជាខ្មែរអ៊ិស្លាម រស់នៅស្រុកអង្គស្នួល ខេត្តកណ្តាល បានយកឈ្មោះតារាចម្រៀងល្បីៗចំនួន៣នាក់ ដាក់ជាក្រុមហ៊ុនលក់សម្លៀកបំពាក់មកឆបោកប្រជាពលរដ្ឋរស់នៅភូមិអណ្តូងច្រុះ ឃុំអំពិល ស្រុកកំពង់សៀម កាលពីវេលាម៉ោង១១ព្រឹកថ្ងៃទី៧ កញ្ញា ដោយបន្លំទុកខោអាវតម្លៃជាង១០ម៉ឺនរៀល ហើយ
ខេត្តកំពង់ចាម ៖ យុវជនប៉េដេម្នាក់ឈ្មោះ អីុ សើអិលហាប់សាក់ អាយុ២៧ឆ្នាំ ជាខ្មែរអ៊ិស្លាម រស់នៅស្រុកអង្គស្នួល ខេត្តកណ្តាល បានយកឈ្មោះតារាចម្រៀងល្បីៗចំនួន៣នាក់ ដាក់ជាក្រុមហ៊ុនលក់សម្លៀកបំពាក់មកឆបោកប្រជាពលរដ្ឋរស់នៅភូមិអណ្តូងច្រុះ ឃុំអំពិល ស្រុកកំពង់សៀម កាលពីវេលាម៉ោង១១ព្រឹកថ្ងៃទី៧ កញ្ញា ដោយបន្លំទុកខោអាវតម្លៃជាង១០ម៉ឺនរៀល ហើយយកខ្សែ.កប្លាទីនទម្ងន់៥ជីទៅបាត់។ ទោះជាយ៉ាងណាសកម្មភាពនេះត្រូវបានក្រុមសាច់ញាតិអ្នករងគ្រោះ និងសមត្ថកិច្ចចាប់ខ្លួនបាន ព្រមទាំងដកហូតបានខ្សែ.កមកវិញ និងរឹបអូសម៉ូតូសេ១២៥ ស៊េរី២០១២ ពណ៌ខ្មៅមួយគ្រឿង រួមទាំងទូរស័ព្ទដៃម៉ាកអាយហ្វូន១គ្រឿងផងដែរ ។
តាមលោកអនុសេនីយ៍ឯកចក់ សុខកៅ អធិការរងនគរបាលស្រុកកំពង់សៀមប្រាប់ឱ្យដឹងថា ស្ត្រីឈ្មោះ សឿន គឹមសួរ អាយុ៤៦ឆ្នាំ រស់នៅភូមិអណ្តូងច្រុះ ឃុំអំពិល ស្រុកកំពង់សៀម ត្រូវបានយុវជនខ្មែរអ៊ិស្លាមខាងលើឈ្មោះ ហាប់សាក់ សម្បុរស សក់ក្រហមជិះម៉ូតូមួយគ្រឿងតែម្នាក់ឯងមកឈប់នៅក្បែរផ្ទះ ព្រមទាំងកាន់សម្លៀកបំពាក់មានអាវយឺត ផាមួង១ សំពត់ហូល១ក្បិន អាវប៉ាក់១ និងខោខូវប៊យក្មេង៣ផងដែរ ។ ក្នុងពេលនោះឈ្មោះ ហាប់សាក់ បានយកខោអាវមកបង្ហាញឱ្យស្ត្រីឈ្មោះ សឿន គឹមសួរ មើលដោយប្រាប់ថា រូបគេជាអ្នកទីផ្សារក្រុមហ៊ុនសម្លៀកបំពាក់របស់តារាចម្រៀងសុខ ពិសី , ខាត់ សុឃីម , ខេមរៈ សេរីមន្ត និងនិយាយបញ្ចុះបញ្ចូលឱ្យទិញ ដោយបានយកខោអាវមកដាក់លើភ្លៅស្ត្រីឈ្មោះ គឹមសួរ និងឱ្យយកខ្សែ.កប្លាទីនមកដាក់លើខោអាវដើម្បីថតទុកឱ្យក្រុមហ៊ុនមើល ។
ឆ្លៀតពេលស្ត្រីឈ្មោះ គឹមសួរ ចូលទៅក្នុងផ្ទះដើម្បីផ្លាស់ខោអាវថត ស្រាប់តែឈ្មោះ ហាប់សាក់ យកខ្សែ.ករត់ឡើងជិះម៉ូតូគេចខ្លួនបាត់ ប៉ុន្តែពេលរត់គេចបានចម្ងាយប្រហែលជា៨គីឡូម៉ែត្រមកដល់ភូមិរមាស ឃុំអំពិល ក៏ត្រូវចាប់ខ្លួនបានហើយស្ត្រីម្ចាស់ខ្សែ.កបានប្តឹងទាមទារសំណងចំនួន៥លានរៀល និងឱ្យផ្តន្ទាទោសតាមច្បាប់ ។យុវជនសង្ស័យឈ្មោះ អីុសើអិល ហាប់សាក់ ឆ្លើយថា ដំបូងរូបគេទិញខោអាវពីផ្សារអូឡាំពិកដើរលក់តាមផ្សារនានានៅជាយក្រុងភ្នំពេញបាន៦ខែ តែមិនចំណេញ ក៏បែកគំនិតយកឈ្មោះតារាចម្រៀងខាងលើមកដើររកស៊ីលក់ខោអាវនៅស្រុកកំពង់សៀម ជាលើកទី១ ហើយល្បិចរកស៊ីនេះក៏មានការសួរជាសំណួរដូចជាទឹកដោះគោរូបកូនក្មេងបែរក្បាលទៅទិសខាងណា ?
បើឆ្លើយត្រូវនឹងបានរង្វាន់សម្លៀកបំពាក់ ។ ខ្លួនបានឱ្យស្ត្រីម្នាក់យកខ្សែ.កមកដាក់លើសម្លៀកបំពាក់រៀបចំថតដោយប្រាប់ថា សម្រាប់ទុកឱ្យក្រុមហ៊ុនមើលហើយគំនិតបោកនេះគ្មាននរណាប្រាប់ទេ គឺរូបគេបែកគំនិតច្នៃប្រឌិតដោយខ្លួនឯង ព្រោះយល់ឃើញចំណេញបានលុយច្រើន តែបែរជាត្រូវសមត្ថកិច្ចតាមចាប់ខ្លួនបាន ។លោកអនុសេនីយ៍ឯក ចក់ សុខកៅ បញ្ជាក់ថា ជនសង្ស័យឈ្មោះហាប់សាក់ ត្រូវបានប្រគល់ឱ្យការិយាល័យព្រហ្មទណ្ឌកម្រិតស្រាលខេត្តដើម្បីចាត់ការតាមនីតិវិធីច្បាប់នៅព្រឹកថ្ងៃទី៨ កញ្ញា ៕
ចែករំលែកព័តមាននេះ