ពួកសកម្មជនការពារបរិស្ថានសម្រុកចូលក្នុងពិធីផ្សព្វផ្សាយមើមយិនស៊ិននៅទីក្រុងប៉េកាំង
កាលពីថ្ងៃទី១៩ សីហា ២០១២ កន្លងទៅ មានអ្នកការពារបរិស្ថានប្រមាណ៤ទៅ៥នាក់ ក្នុងនោះមានស្រ្តីម្នាក់ស្លៀកតែខោទ្រនាប់ និងយកក្រណាត់បាំងមុខបន្តិច បាននាំគ្នាសម្រុកចូលទៅកម្ទេចវេទិកាផ្សព្វផ្សាយផលិតផលមើមយិនស៊ិនរបស់ក្រុមហ៊ុនមួយដែលកំពុងប្រារព្ធធ្វើនៅឧទ្យាន Chaoyang Park ក្នុងទីក្រុងប៉េកាំង។ នេះបើយោងតាមប្រភពគេហទំព័រឆាយណាប៊ើស ចេញផ្សាយថ្ងៃទី២១ សីហា ឆ្នាំ២០១២ ។
ប្រភពបន្តថា ពួកអ្នកអភិរក្សបរិស្ថានទាំងនោះបាននាំគ្នាកាន់បដាបណ្តើរ ស្រែកពាក្យស្លោកដែលពួកគេបានសរសេរបណ្តើរ និងហែកបដាផ្សព្វផ្សាយរបស់ក្រុមហ៊ុនចោល ដើម្បីប្រឆាំងមិនឱ្យមានការដាំដុះយិនស៊ិនដែលពួកគេនិយាយថា នាំឱ្យមហន្តរាយដល់ប្រព័ន្ធអេកូរបស់ព្រៃឈើ ។
ចែករំលែកព័តមាននេះ