កុលសម្ព័ន្ធមីកាំប៊ុត (Meakambut) ជាកុលសម្ព័ន្ធពាក់កណ្តាលពនេចរ ។ ពួកគេរស់នៅក្នុងរូងតាមជញ្ជាំងភ្នំខ្ពស់ៗ ដើម្បីការពារខ្លួនពីសត្រូវកំណាចដែលជាពួកនិយមប្រមាញ់ក្បាលមនុស្ស និយមស៊ីសាច់មនុស្ស និងពួកលួចចាប់ស្រីក្រមុំរបស់កុលសម្ព័ន្ធខ្លួន ។ សព្វថ្ងៃសត្រូវប្រភេទទាំងនេះថ្វីបើមិនសូវប្រើអំពើហិ.ង្សាសាហាវដូចជំនាន់មុនក្តី តែពួកគេនៅតែត្រូវប្រឈមមុខ
កុលសម្ព័ន្ធមីកាំប៊ុត (Meakambut) ជាកុលសម្ព័ន្ធពាក់កណ្តាលពនេចរ ។ ពួកគេរស់នៅក្នុងរូងតាមជញ្ជាំងភ្នំខ្ពស់ៗ ដើម្បីការពារខ្លួនពីសត្រូវកំណាចដែលជាពួកនិយមប្រមាញ់ក្បាលមនុស្ស និយមស៊ីសាច់មនុស្ស និងពួកលួចចាប់ស្រីក្រមុំរបស់កុលសម្ព័ន្ធខ្លួន ។ សព្វថ្ងៃសត្រូវប្រភេទទាំងនេះថ្វីបើមិនសូវប្រើអំពើហិង្សាសាហាវដូចជំនាន់មុនក្តី តែពួកគេនៅតែត្រូវប្រឈមមុខការបាត់បង់ជីវិត ដោយសត្រូវមួយទៀត គឺជំងឺគ្រុនចាញ់និងជំងឺសួត ។ សត្រូវជាមនុស្សដូចគ្នា ពួកគេអាចប្រយុទ្ធទប់ទល់បាន តែសត្រូវដែលជាជំងឺពីរប្រភេទនេះ ពួកគេដឹងតែចាញ់ប៉ុណ្ណោះ ។
កុលសម្ព័ន្ធមីកាំប៊ុត ជាកុលសម្ព័ន្ធរូងភ្នំចុងក្រោយ ដែលរស់នៅតាមរូងភ្នំប្រទេសប៉ាពួ នីវហ្គីនី (Papua New Guinea) ។ ពីមុនមកនៅពិភពខាងក្រៅមិនដែលស្គាល់ពួកគេទេ ទាល់តែដល់ទសវត្ស១៩៦០ ទើបមានការភ្ញាក់ផ្អើល ដោយសារក្រុមស្រាវជ្រាវជនជាតិអូស្ត្រាលីប្រទះឃើញពួកគេដោយចៃដន្យពេលឈ្មុសឈ្មុលចូលស្រាវជ្រាវក្នុងព្រៃជ្រៅ និងតាមរូងភ្នំក្នុងតំបន់នោះ។
អាវុធដែលពួកគេប្រើសម្រាប់ប្រមាញ់សត្វក៏ដូចសម្រាប់ប្រយុទ្ធជាមួយសត្រូវរួមមាន កាំបិតវែងខ្លី ព្រួញ ធ្នូ ។ ប្រុសៗក្នុងកុល
សម្ព័ន្ធនេះនិយមតែងខ្លួនមិនចាញ់ស្រីៗឡើយ ។ ម្នាក់ៗយកដីស្អិតពណ៌ប្រផេះ ពណ៌ក្រហម លាបនិងគូរមុខ ហើយបេះផ្កាព្រៃសៀតសក់ និងសៀតលម្អតាមពុកចង្កា ។ រូងភ្នំដែលពួកគេរស់នៅ គឺរូងមួយមានម្ចាស់គ្រប់គ្រងម្នាក់ ប្រៀបបានផ្ទះមួយមានម្ចាស់គ្រប់គ្រងម្នាក់ដែរ ។ ពួកគេគ្រប់គ្រងរូងភ្នំផ្ទាល់ខ្លួនតាមរបៀបតកូនតចៅ ។
រូងភ្នំមួយៗមានឈ្មោះដោយឡែក និងភ្ជាប់រឿងទេវកថាមួយ តែពួកគេច្រើនលាក់បាំងមិនឱ្យអ្នកក្រៅដឹងឡើយ ។តាមទស្សនៈរបស់កុលសម្ព័ន្ធមីកាំបុ៊ត ជំងឺផ្តល់ផលពីរបែប ខ្លាំងលើសដើម ឬស្លាប់ ។ បើឈឺហើយជាវិញរាងកាយនឹងមាំមួនខ្លាំងលើសដើម តែបើមិនជាទេ…ស្លាប់ ៕
ចែករំលែកព័តមាននេះ