ទីភ្នាក់ងារព័ត៌មានបរទេស កាលពីថ្ងៃទី២១ ឧសភា ផ្សាយថា រដ្ឋសភាប៊ុលហ្គារី បានអនុម័តច្បាប់មួយដ៏មានសារសំខាន់ដោយហាមជក់បារីនៅឯកីឡាដ្ឋាន ហាងកាហ្វេ ភោជនីយដ្ឋាន និងទីសាធារណៈផ្សេងៗ ហើយច្បាប់នេះនឹងចូលជាធរមានចាប់ពីថ្ងៃទី១ មិថុនា តទៅ ។
ទីភ្នាក់ងារព័ត៌មានបរទេស កាលពីថ្ងៃទី២១ ឧសភា ផ្សាយថា រដ្ឋសភាប៊ុលហ្គារី បានអនុម័តច្បាប់មួយដ៏មានសារសំខាន់ដោយហាមជក់បារីនៅឯកីឡាដ្ឋាន ហាងកាហ្វេ ភោជនីយដ្ឋាន និងទីសាធារណៈផ្សេងៗ ហើយច្បាប់នេះនឹងចូលជាធរមានចាប់ពីថ្ងៃទី១ មិថុនា តទៅ ។
របាយការណ៍បញ្ជាក់ឱ្យដឹងថា សេចក្តីព្រាងច្បាប់ថ្មី ដែលទើបឆ្លងកាត់ការយល់ព្រមពីសមាជិកសភាប៊ុលហ្គារី ខាងលើ ចាត់ទុកថាជាការបង្កើនការរឹតបន្តឹងក្នុងបម្រាមជក់បារីបន្តពីច្បាប់ដើម កាលពីឆ្នាំ២០០៥ ដែលហាមជក់បារីនៅក្នុងអគារបម្រើការងាររបស់រដ្ឋគ្រប់ទីកន្លែង រួមទាំងនៅក្នុងរថយន្តក្រុង រថភ្លើង រោងភាពយន្ត និងសាលារៀន ។
ទោះជាយ៉ាងណាក៏ដោយ នាយករដ្ឋមន្ត្រីប៊ុលហ្គារី លោកប៊យហ្គោបុរីសូវ បានសម្តែងការយល់ឃើញរបស់ខ្លួនថា ចាត់ទុកជារឿងគួរឱ្យសោកស្តាយ ដែលច្បាប់ថ្មីនេះនៅមិនបានលាតសន្ធឹងលើការហាមជក់បារីនៅទីកន្លែងសម្រាករបស់ភ្ញៀវរថយន្តក្រុង ។
ស្របពេលជាមួយគ្នានេះ នៅក្នុងទិន្នន័យក្រសួងសុខាភិបាលប៊ុលហ្គារី បញ្ជាក់ឱ្យដឹងថា ប្រហែល៤៤% នៃប្រជាជនប៊ុលហ្គារីចំនួន៧,៤លាននាក់នៅទូទាំងប្រទេសជាអ្នកជក់បារីជាប្រចាំ ចាត់ទុកថា ជាស្ថិតិនៃការជក់បារីលំដាប់ខ្ពស់នៅលើពិភពលោក ៕
ចែករំលែកព័តមាននេះ