វេទិកាមហាស្រពភាពយន្តអន្តរជាតិ បានប្រព្រឹត្តទៅរយៈពេល៦ថ្ងៃគឺចាប់ពីថ្ងៃទី២៣ ខែមេសា ឆ្នាំ២០១២ រហូតដល់ថ្ងៃទី២៨ មេសាឆ្នាំ២០១២ នៅមជ្ឈមណ្ឌលសន្និបាតជាតិនៅទីក្រុងប៉េកាំង ដោយមានតារាភាពយន្ត និងតារាចម្រៀងល្បីៗនៅអាស៊ី និងអឺរ៉ុប ចូលរួមយ៉ាងច្រើនកុះករ ហើយត្រូវបានគេចាត់ទុកថា ជាព្រឹត្តិការណ៍ដ៏ធំប្រចាំឆ្នាំ២០១២នេះ ។ នេះបើយោងតាមប្រភពពីគេហទំព័រមេយដេលី ចេញផ្សាយថ្ងៃទី២៥ មេសា ឆ្នាំ២០១២ ។
ប្រភពឱ្យដឹងទៀតថា នៅក្នុងព្រឹត្តិការណ៍នេះដែរ ស្នាដៃខ្សែភាពយន្តចំនួន២៦០រឿងត្រូវបានអ្នករៀបចំសម្រិតសម្រាំងជ្រើសរើសចេញពីស្នាដៃខ្សែភាពយន្តចំនួន៨០០រឿង ដែលទទួលបានពីបណ្តាប្រទេសលើពិភពលោក ។ ប៉ុន្តែមិនត្រូវបានដាក់បញ្ចាំងទាំងអស់នោះទេ ក្នុងរយៈពេល៦ថ្ងៃនេះ ។
នៅក្នុងព្រឹត្តិការណ៍វេទិកាមហោស្រពភាពយន្តអន្តរជាតិដែលប្រារព្ធធ្វើនៅទីក្រុងប៉េកាំងនេះ គេសង្កេតឃើញវត្តមានតារាភាពយន្ត តារាចម្រៀង និងអ្នកដឹកនាំរឿងល្បីៗជនជាតិចិនដូចជា លោកជេកគី ចាន់ (ឈិន ឡុង), នាង ហ្សាង ហ្ស៊ីយី, លោក Feng Xiaogang អ្នកផលិតខ្សែភាពយន្ត ជាដើម ។
ទន្ទឹមនឹងនេះ គេសង្កេតឃើញវត្តមានលោក ជេម កាមឺរ៉ុន (James Cameron) អ្នកដឹកនាំរឿង ទីតានិក និងភរិយារបស់លោកគីអ្នកស្រីSuzy Amis បណ្ដើរគ្នាលើកម្រាលព្រំពណ៌ក្រហមផងដែរ ៕
ចែករំលែកព័តមាននេះ