ខេត្តស្វាយរៀង ៖ កម្មករម្នាក់ដែលចរន្តអគ្គិសនីឆក់ ហើយជឿថាស្លា.ប់ហើយរស់ឡើងវិញនោះ ទីបំផុតនៅតែស្លា.ប់។ ករណីនេះធ្វើឱ្យមានការភ្ញាក់ផ្អើលយ៉ាងខ្លាំង ខណៈដែលនាំទៅលំឋានទាំងអស់សង្ឃឹម ដើម្បីរៀបចំធ្វើបុណ្យ បន្ទាប់ពីគ្រូពេទ្យណែនាំថា គេមិនអាចរស់បានទេ បើសិនជាដកខ្យល់អ៊ុកស៊ីហ្សែន ចេញ ។
ខេត្តស្វាយរៀង ៖ កម្មករម្នាក់ដែលចរន្តអគ្គិសនីឆក់ ហើយជឿថាស្លាប់ហើយរស់ឡើងវិញនោះ ទីបំផុតនៅតែស្លាប់។ ករណីនេះធ្វើឱ្យមានការភ្ញាក់ផ្អើលយ៉ាងខ្លាំង ខណៈដែលនាំទៅលំឋានទាំងអស់សង្ឃឹម ដើម្បីរៀបចំធ្វើបុណ្យ បន្ទាប់ពីគ្រូពេទ្យណែនាំថា គេមិនអាចរស់បានទេ បើសិនជាដកខ្យល់អ៊ុកស៊ីហ្សែន ចេញ ។
កម្មករនោះចរន្តអគ្គិសនីឆក់ធ្លាក់ពីលើរន្ទាអគារ២ជាន់ កម្ពស់ជិត៨ម៉ែត្ររបួសធ្ងន់ គ្មានសង្ឃឹមថារស់ទេ ត្រូវមេការដឹកយកទៅសង្គ្រោះនៅមន្ទីរពេទ្យព្រះកុសុមៈ ។ បន្ទាប់ពីបាន២យប់ គ្រូពេទ្យប្រាប់ថា គ្មានសង្ឃឹមទេ គប្បីយកទៅផ្ទះចុះ បើរក្សាទុកនាំតែអស់ប្រាក់ច្រើនទៀត ឥតប្រយោជន៍ ។ ដោយសារអស់សង្ឃឹម ក៏នាំទៅផ្ទះ ខណៈគ្រួសារនៅឯស្រុកបានរៀបចំរោងបុណ្យសពរួចជាស្រេច ។ ទោះបីជាបែបណាក្តី រយៈពេល៤ម៉ោងក្រោយនាំដល់ផ្ទះ ស្រាប់តែផ្អើលថារស់ឡើងវិញហើយ ហើយត្រូវឪពុកម្តាយដឹកតាមម៉ូតូរ៉ឺម៉កទៅកាន់មន្ទីរពេទ្យខេត្ត ដើម្បីសង្គ្រោះ ។ បន្ទាប់ពីព្យាបាលនៅមន្ទីរពេទ្យបាន៤ថ្ងៃមក កម្មករនោះក៏ស្លាប់បាត់បង់ជីវិត ធ្វើឱ្យអ្នកភូមិផ្អើល ហើយច្របូកច្របល់ក្នុងចិត្តដែលម្តងថា ស្លាប់នាំគ្នាមកចូលបុណ្យ ស្រាប់តែថា រស់ឡើងវិញនិងនាំទៅមើលនៅមន្ទីរពេទ្យ លុះ៤ថ្ងៃក្រោយឮមេក្រូប្រកាសថា ស្លាប់ម្តងទៀត ។
ករណីស្លាប់ហើយរស់ រស់ហើយស្លាប់វិញ នេះ លោកគឹម សឿន អាយុ៤៨ឆ្នាំ ជាឪពុកប្រាប់កោះសន្តិភាពថា កូនប្រុសរបស់កាត់ឈ្មោះគឹម ធឿង ត្រូវខ្សែភ្លើងឆក់ធ្លាក់ពីលើអគារជាន់ទី២ កម្ពស់ជិត៨ម៉ែត្រមកដីសន្លប់នៅនឹងកន្លែងដោយរបួសកែងដៃទាំងសងខាង រលាត់ស្បែកត្រឹមជង្គង់មកក្រោម ជើងទាំងពីរ និងរបួសក្បាលធ្ងន់ ។ ដោយគ្មានសង្ឃឹមថា រស់ទេនោះ ពេលទៅដេកពេទ្យព្រះកុសុមៈ គ្រូពេទ្យឱ្យចេញទៅផ្ទះ លុះដឹកតាមរថយន្ដដល់កណ្តាលផ្លូវក៏ស្លាប់ ។ ពេលកំពុងធ្វើបុណ្យនាម៉ោង៤រសៀល ស្រាប់តែកូនគាត់ដឹងខ្លួនវិញធ្វើឱ្យឪពុកម្តាយ និងបងប្អូន ព្រមទាំងអ្នកភូមិត្រេកអរយ៉ាងខ្លាំង ។ គាត់បានយកកូនទៅព្យាបាលនៅមន្ទីរពេទ្យខេត្ត ហើយឃើញគេបានធូរស្រាលធ្វើឱ្យមានសង្ឃឹមយ៉ាងខ្លាំងរយៈពេលបីថ្ងៃ ។ នៅថ្ងៃទី៤ ស្រាប់តែគេសន្លប់លែងដឹងខ្លួនម្តងទៀត ហើយគ្រាន់តែរករុះរោងបុណ្យចេញនៅថ្ងៃទី១៤ កុម្ភៈ ក៏ស្លាប់ម្តងទៀតទៅ ។ ម្តងនេះពុំមានសង្ឃឹមថា ដឹងខ្លួនឡើងវិញទេ ។
គ្រូពេទ្យនិយាយថា ការស្លាប់នេះដោយមុខរបួសក្បាលហើម ដៃជើងហើម រីឯពងស្វាសខ្លោចរួញអស់ទៅហើយ ដូច្នេះជនរងគ្រោះមិនអាចទ្រាំទ្រការឈឺចាប់ដោយការឆក់ធ្វើឱ្យឆ្អិនសាច់ទៅហើយនេះបានទេ ។ ក្រុមគ្រួសារយកសពទៅធ្វើបុណ្យតាមប្រពៃណីនៅភូមិសាលារៀន ឃុំបាសាក់ ស្រុកស្វាយជ្រុំ ។
ម្តងនេះ អ្នកស្រុកខ្លះទៅបើកមឈូសមើលមុខ ហើយនិយាយថា ស្លាប់មែនទែនហើយ។ តាអាចារ្យនិយាយថា មុននេះគេគ្រាន់តែមកចង់ផ្តែផ្តាំឪពុកម្តាយ បងប្អូនចុងក្រោយប៉ុណ្ណោះ តែមិនអាចនិយាយអ្វីកើតគ្រាន់តែសម្លឹងមុខ ហើយបិទភ្នែកទៅវិញ ។ «ពេលនេះគេស្លាប់មែនទែនហើយ« ៕
ចែករំលែកព័តមាននេះ