អ្នកជំនាញផ្នែកជំងឺឆ្លងរបស់សហរដ្ឋអាមេរិក បានណែនាំថា ថ្ងៃបុណ្យនៃសេចក្តីស្រឡាញ់នឹងឈានមកដល់នាពេលដ៏ខ្លីខាងមុខ ហើយពេលនេះជារដូវត្រជាក់ ដូច្នេះការថើបគ្នា គឺមិនមែនជាវិធីល្អទេ ព្រោះអាចមានជំងឺឆ្លងផ្សេងៗដូចជា ជំងឺផ្តាសាយបក្សីជាដើម ។ នេះបើយោងតាមប្រភពពីគេហទំព័រដេលីឈីលី ចេញផ្សាយថ្ងៃទី៧ កុម្ភៈ ។
អ្នកជំនាញផ្នែកជំងឺឆ្លងរបស់សហរដ្ឋអាមេរិក បានណែនាំថា ថ្ងៃបុណ្យនៃសេចក្តីស្រឡាញ់នឹងឈានមកដល់នាពេលដ៏ខ្លីខាងមុខ ហើយពេលនេះជារដូវត្រជាក់ ដូច្នេះការថើបគ្នា គឺមិនមែនជាវិធីល្អទេ ព្រោះអាចមានជំងឺឆ្លងផ្សេងៗដូចជា ជំងឺផ្តាសាយបក្សីជាដើម ។ នេះបើយោងតាមប្រភពពីគេហទំព័រដេលីឈីលី ចេញផ្សាយថ្ងៃទី៧ កុម្ភៈ ។
លោកវេជ្ជបណ្ឌិត Jorge Parada អគ្គនាយកផ្នែកឱសថនៃជំងឺឆ្លងនៅសាកលវិទ្យាល័យ Loyola University Health System ក្នុងតំបន់ Maywood រដ្ឋ Illinois សហរដ្ឋអាមេរិក បានថ្លែងថា ការប្រែប្រួលនៃអាកាសធាតុ និងសីតុណ្ហភាពតែងតែបង្កឱ្យមនុស្សយើងមានជំងឺក្អក និងផ្តាសាយ ។ ជាការពិតជំងឺទាំងនេះ ជាពិសេសជំងឺផ្តាសាយបក្សីគឺជាជំងឺឆ្លងពីមនុស្សម្នាក់ទៅមនុស្សម្នាក់ទៀតតាមរយៈផ្លូវដង្ហើម ។
លោកវេជ្ជបណ្ឌិត Parada បានកត់ត្រាក្នុងរបាយការណ៍ថា អាកាសធាតុក្តៅខ្លាំង ឬត្រជាក់ខ្លាំង អាចបណ្តាលឱ្យរាងកាយរបស់យើងជួបបញ្ហា ។ ដោយឡែកអ្នកដែលខ្សោយខាងប្រព័ន្ធការពារមេរោគ អាចនឹងងាយឆ្លងជំងឺបាន ប៉ុន្តែប្រសិនបើពួកគេមានប្រព័ន្ធការពាររាងកាយខ្លាំង ពួកគេអាចប្រឆាំងមេរោគ និងបាក់តេរីបាន ។
លោកវេជ្ជបណ្ឌិតបានបញ្ជាក់ថា ពាក់កណ្តាល ខែកុម្ភៈ គឺជារដូវត្រជាក់ខ្លាំង អាចងាយនឹងឆ្លងជំងឺជាច្រើនដូចជា ជំងឺ H1N1 ,ជំងឺផ្តាសាយបក្សី, ជំងឺគ្រុនផ្តាសាយធំ និងជំងឺក្អក ជាដើម ហើយកុំយល់ថា សញ្ញានៃជំងឺដូចជា ផ្តាសាយឬគ្រុនរងា ថាជាជំងឺធម្មតាឱ្យសោះ ព្រោះមនុស្សដែលមានជំងឺឆ្លង មេរោគអាចនឹងរីករាលដាល និងធ្វើឱ្យយើងធ្លាក់ខ្លួនឈឺធ្ងន់ធ្ងរបាន ៕
ចែករំលែកព័តមាននេះ