ខេត្តព្រះសីហនុ ៖ បុរសម្នាក់ត្រូវបានកម្លាំងសន្តិសុខឯកជនប្រចាំការនៅបុរីគុជអាស៊ី ធ្វើការឃាត់ខ្លួនបញ្ជូនទៅកាន់កងរាជអាវុធហត្ថខេត្ត កាលពីវេលាម៉ោង៧និង៣៥នាទីយប់ ថ្ងៃទី១៤ ធ្នូ ២០១១ បន្ទាប់ពីធ្វើសកម្មភាពលួចដែកថ្នាំងអំពៅទំហំ២០លី ចំនួន៥ដើមក្នុងការដ្ឋានគុជអាស៊ីដែលមានទីតាំងស្ថិតក្នុងសង្កាត់លេខ ៣ ក្រុងព្រះសីហនុ ។
ខេត្តព្រះសីហនុ ៖ បុរសម្នាក់ត្រូវបានកម្លាំងសន្តិសុខឯកជនប្រចាំការនៅបុរីគុជអាស៊ី ធ្វើការឃាត់ខ្លួនបញ្ជូនទៅកាន់កងរាជអាវុធហត្ថខេត្ត កាលពីវេលាម៉ោង៧និង៣៥នាទីយប់ ថ្ងៃទី១៤ ធ្នូ ២០១១ បន្ទាប់ពីធ្វើសកម្មភាពលួចដែកថ្នាំងអំពៅទំហំ២០លី ចំនួន៥ដើមក្នុងការដ្ឋានគុជអាស៊ីដែលមានទីតាំងស្ថិតក្នុងសង្កាត់លេខ៣ ក្រុងព្រះសីហនុ ។
លោកអនុសេនីយ៍ឯក វ៉ា ចាន់ថន នាយការិយាល័យព្រហ្មទណ្ឌនៃទីបញ្ជាការកងរាជអាវុធហត្ថខេត្តបានឱ្យដឹងថា យុវជនសង្ស័យខាងលើឈ្មោះទ្រី កក្កដា អាយុ៣០ឆ្នាំ មានទីលំនៅក្រុម២ ភូមិ១ សង្កាត់លេខ៣ បានធ្វើសកម្មភាពលួចដែកថ្នាំងអំពៅក្នុងការដ្ឋានគុជអាស៊ីកាលពីវេលាម៉ោងខាងលើ។ ប៉ុន្តែត្រូវបានក្រុមសន្តិសុខឯកជនដែលយាមនៅទីនោះតាមទាន់ក៏ឃាត់ខ្លួនបញ្ជូនទៅកាន់ទីបញ្ជាការដ្ឋានកងរាជអាវុធហត្ថខេត្តទាំងយប់។
យោងតាមចម្លើយសារភាពរបស់យុវជនសង្ស័យបានឲ្យដឹងថា នៅវេលាម៉ោងខាងលើខ្លួនបានដើរចូលទៅក្នុងការដ្ឋានបុរីគុជអាស៊ី ហើយបានលួចដកដែកវាយពុម្ពសំណង់ប្រមាណ៥ដើមបម្រុងយកទៅលក់ ក៏ត្រូវក្រុមសន្តិសុខយាមនៅទីនោះឃាត់ខ្លួនតែម្តង។ បច្ចុប្បន្នយុវជនសង្ស័យត្រូវកម្លាំងកងរាជអាវុធហត្ថខេត្តកសាងសំណុំរឿងបញ្ជូនទៅសាលាដំបូងដើម្បីចាត់ការតាមផ្លូវច្បាប់៕
ចែករំលែកព័តមាននេះ