ការសិក្សាលើក្រសែភ្នែកដែលរៀបចំដោយមជ្ឈមណ្ឌលពិសោធន៍បារាំង បានធ្វើឡើងនៅប្រទេសចំនួន៧ ដោយបានបង្ហាញពីរូបភាពស្ត្រីដ៏គួរឱ្យទាក់ទាញម្នាក់ ដើម្បីស្វែងយល់ពីបុរស និងស្ត្រីថាតើភ្នែករបស់ពួកគេសម្លឹងទៅលើអ្វី ពេលជួបស្ត្រីដែលមានសម្រស់ផូរផង់គួរឱ្យទាក់ទាញបែបនេះ?
ខណៈពេលការសិក្សាពុំបានរកឃើញអ្វីប្លែកក្រៅពីបុរសៗចំណាយពេលយូរដើម្បីសម្លឹងមើលដើមទ្រូងស្រ្តីនោះ ការសិក្សានេះក៏បានរកឃើញថា ស្រ្តីក៏បានចំណាយពេលច្រើនដើម្បីសម្លឹងមើលចិញ្ចៀនអាពាហ៍ពិពាហ៍នៅលើដៃស្ត្រីដូចគ្នាផងដែរ។
ការសិក្សានេះត្រូវបានដឹកនាំដោយក្រុមហ៊ុន Miratech របស់បារាំង ដោយបានប្រើប្រព័ន្ធបច្ចេកវិទ្យាតាមដានភ្នែករបស់ពួកគេដើម្បីអង្កេតក្រសែភ្នែករបស់បុរស និងស្ត្រី នៅពេលបង្ហាញរូបភាពស្រ្តីស្រស់ស្អាតនេះ។
ជាលទ្ធផលបានបង្ហាញថា បុរស៣៧ភាគរយបានសម្លឹងមើលដើមទ្រូងស្រ្តីយូរជាង ខណៈដែលបុរសជនជាតិបារាំងចំណាយពេលយូរបំផុតក្នុងការសម្លឹងមើលនៅត្រង់បរិវេណនេះ។ បុរសបារាំងចំណាយពេល ២,៧ដងក្នុងការសម្លឹងដើមទ្រូងស្ត្រី យូរជាងបុរសអង់គ្លេស។
ដូចគ្នានេះដែរ ស្ត្រីបារាំង និងដាណឺម៉ាក បានចំណាយពេលសម្លឹងមើលដើមទ្រូងស្ត្រីដូចគ្នាយូរជាងគេ និងយូរជាងពីរដងនៃស្ត្រីអង់គ្លេស និងអេស្ប៉ាញ។
ដោយឡែកស្ត្រីដែលសម្លឹងមើលចិញ្ចៀននៅលើដៃស្ត្រីនោះមានចំនួន២៧ភាគរយ ច្រើនជាងបុរស ខណៈស្ត្រីបារាំងមើលក្នុងរយៈពេលខ្លីជាងស្ត្រីអេស្ប៉ាញ។ ចំពោះស្ត្រីអង់គ្លេសចាប់អារម្មណ៍និងផ្តោតសំខាន់ជាងគេបំផុត បានចំណាយពេលដល់ទៅ ១៤៩ភាគរយលើចិញ្ចៀន និងច្រើនជាងបុរសអង់គ្លេសទៅទៀត។
ការសិក្សាក៏បានរកឃើញផងដែរថា ទាំងបុរស និងស្ត្រីបានចំណាយពេលសម្លឹងផ្ទៃមុខរបស់ស្ត្រីយូរបំផុត ខណៈដែលបុរសរេរានៅត្រង់បបូរមាត់ ឯស្ត្រីផ្តោតទៅលើកែវភ្នែក ។
ចុងបញ្ចប់នៃការធ្វើតេស្ត អ្នកដែលបានចូលរួមត្រូវបានសុំឱ្យឆ្លើយនូវសំនួរមួយថា តើពួកគេកំពុងគិតអ្វីទៅលើរូបថតនារីដ៏ស្រស់ស្អាតនោះ? ចំពោះស្ត្រីបានឆ្លើយថា «ធម្មតា » អ្នកខ្លះទៀតថា « មិនសមរម្យ» ។ រីឯបុរសៗពោលពាក្យថា « គួរឱ្យចាប់អារម្មណ៍ និងសិចស៊ី » ៕
ចែករំលែកព័តមាននេះ