ខេត្តកំពង់ស្ពឺ ៖ កម្មករសំណង់ត្រូវប៉ូលិសស្រុកគងពិសីចាប់ខ្លួននៅថ្ងៃទី៣ តុលា ពីបទលួចស៊ីម៉ង់ត៍ចំនួនជាង២០បាវយកទៅលក់។ មន្ត្រីប៉ូលិសស្រុកគងពិសីឱ្យដឹងថា កម្មករសំណង់លួចស៊ីម៉ង់ត៍ពីការដ្ឋាននៅក្នុងភូមិអង្គសុគន្ធា ឃុំមហាឫស្សី ស្រុកគងពិសីនោះម្នាក់ឈ្មោះជឺ ធន ភេទប្រុស អាយុ២៧ឆ្នាំ
ខេត្តកំពង់ស្ពឺ ៖ កម្មករសំណង់ត្រូវប៉ូលិសស្រុកគងពិសីចាប់ខ្លួននៅថ្ងៃទី៣ តុលា ពីបទលួចស៊ីម៉ង់ត៍ចំនួនជាង២០បាវយកទៅលក់។ មន្ត្រីប៉ូលិសស្រុកគងពិសីឱ្យដឹងថា កម្មករសំណង់លួចស៊ីម៉ង់ត៍ពីការដ្ឋាននៅក្នុងភូមិអង្គសុគន្ធា ឃុំមហាឫស្សី ស្រុកគងពិសីនោះម្នាក់ឈ្មោះជឺ ធន ភេទប្រុស អាយុ២៧ឆ្នាំ មានទីលំនៅក្នុងភូមិតាំងរបង ឃុំហោងសំណំ ស្រុកឱរ៉ាល់ និងម្នាក់ទៀតឈ្មោះមឿន បូ ហៅយ៉ុង ភេទប្រុស អាយុ២៣ឆ្នាំ មានទីលំនៅក្នុងភូមិតាសោមអក ឃុំភារីមានជ័យ ស្រុកគងពិសី ជាកម្មករសំណង់ជាមួយគ្នា។
មន្ត្រីប៉ូលិសបន្តថា ដោយសារមានពាក្យបណ្តឹងបន្ទាន់ពីមេការសំណង់ទើបជនសង្ស័យទាំងពីរនាក់ត្រូវចាប់ខ្លួន និងនាំទៅយកស៊ីម៉ង់ត៍ជាង២០បាវដែលពួកគេលួចជញ្ជូនទាំងយប់ទៅលក់ឱ្យផ្ទះមួយនៅជិតខាងនោះទៅប្រគល់ឱ្យម្ចាស់ការដ្ឋានវិញ។ ជនទាំងពីរនាក់ត្រូវបញ្ចូនទៅសាលាដំបូងខេត្ត។ គ្មានតម្លៃអ្វីស្មើនឹងភាពស្មោះត្រង់នោះទេ៕
ចែករំលែកព័តមាននេះ