ស្ត្រីភាគច្រើនគិតពីការតមចំណីអាហារជាងមិត្តភាពនៃការទំនាក់ទំនង ហើយគិតពីម្ហូបអាហារជាជាងការរួមភេទទៅទៀត នេះបើយោងតាមការសិក្សាថ្មីមួយដែលចេញផ្សាយដោយគេហទំព័រ mirrow.co.uk ចេញផ្សាយកាលពីថ្ងៃទី០៣ តុលា កន្លងមក ។
ការសិក្សានេះបានអនុវត្តដោយក្រុមហ៊ុនចំណីអាហារមួយដែលមានឈ្មោះថា Atkins ហើយក៏ត្រូវរកឃើញផងដែរនូវស្ត្រីម្នាក់ក្នុងចំណោម១០នាក់ដែលគិតពីការតមចំណីអាហារជាងទំនាក់ទំនងជាមួយដៃគូរបស់គេ។
ក្រុមហ៊ុន Atkins ក៏បានចុះធ្វើការស្ទង់មតិលើស្ត្រីតមចំណីអាហារចំនួន១២៩០នាក់ផងដែរនៅទូទាំងអង់គ្លេស អំពីឥរិយាបថនៃការតមចំណីអាហារ និងផលប៉ះពាល់លើមិត្តភាពរបស់ពួកគេ។
ជាលទ្ធផលស្ត្រីម្នាក់ក្នុងចំណោម៤នាក់ ដែលឱ្យតម្លៃលើការតមចំណីអាហារមានសារសំខាន់ជាងមិត្តភាពរបស់ពួកគេ ហើយថែមទាំងនិយាយថា ពួកគេយកចិត្តទុកដាក់លើការសម្រកទម្ងន់ជាជាងចំណងមេត្រីភាពជាមួយដៃគូទៅទៀត។
ស្ត្រីដែលយកចិត្តទុកម្ហូបអាហារជាងមួយភាគបី (៣៧.៥ភាគរយ)បាននិយាយថា ពួកគេគិតអំពីម្ហូបអាហារ និងការតមចំណីអាហារជាជាងដែលពួកគេគិតពីចំណងមិត្តភាព ហើយជាង៥០ភាគរយ បាននិយាយដោយត្រង់ៗថា ពួកគេគិតពីម្ហូបអាហារជាងការរួមភេទទៅទៀត។
អ្នកស្រី លីដា អូប៊ីនី ប្រធានផ្នែកអាហារូបត្ថម្ភរបស់ក្រុមហ៊ុន Atkins បាននិយាយថា ការតមចំណីអាហារគួរតែជាផ្នែកមួយនៃជីវិតរស់នៅប្រចាំថ្ងៃរបស់មនុស្សម្នាក់ ហើយវាមិនមែនជាអ្វីដែលមនុស្សគ្រប់រូបត្រូវតែគិតអំពីវានោះទេ ៕
ចែករំលែកព័តមាននេះ