រាជធានីភ្នំពេញ ៖ សាលាដំបូងរាជធានីនៅព្រឹកថ្ងៃទី៤ តុលា បានលើកពេលប្រកាសសាលក្រមក្រុមជនប្រដាប់អាវុធដែលហៅថា កងទ័ពសុវណ្ណភូមិចំនួន៦នាក់ទៅថ្ងៃទី២៧ តុលា ខាងមុខ បន្ទាប់ពីដំណើរការសវនាការអស់រយៈពេលពេញ១ព្រឹករួចមក។
រាជធានីភ្នំពេញ ៖ សាលាដំបូងរាជធានីនៅព្រឹកថ្ងៃទី៤ តុលា បានលើកពេលប្រកាសសាលក្រមក្រុមជនប្រដាប់អាវុធដែលហៅថា កងទ័ពសុវណ្ណភូមិចំនួន៦នាក់ទៅថ្ងៃទី២៧ តុលា ខាងមុខ បន្ទាប់ពីដំណើរការសវនាការអស់រយៈពេលពេញ១ព្រឹករួចមក។
ក្រុមកងទ័ពសុវណ្ណភូមិទាំង៦នាក់នេះមាន ១-ឈ្មោះជា សារា៉ន់ ភេទប្រុស អាយុ៤៩ឆ្នាំ មុនចាប់ខ្លួនមានទីលំនៅភូមិទួលរកា សង្កាត់ចាក់អង្រែលើ ខណ្ឌមានជ័យ ២-ឈ្មោះលីវ សុខសុវណ្ណ ភេទប្រុស អាយុ៤៩ឆ្នាំ ទីលំនៅភូមិត្នោតជ្រំ សង្កាត់ស្ទឹងមានជ័យ ខណ្ឌមានជ័យ ៣-ឈ្មោះផ្លត រីុ ភេទប្រុស អាយុ៦០ឆ្នាំ មានទីលំនៅភូមិ២ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ៤-ឈ្មោះជុំ វិជ័យ ភេទប្រុស អាយុ៤៣ឆ្នាំ ទីលំនៅសង្កាត់កំពង់ស្វាយ ក្រុងសិរីសោភ័ណ ៥-ឈ្មោះយ៉ុម ហេវ ភេទប្រុស អាយុ៤១ឆ្នាំ ទីលំនៅភូមិតាសៀវ ឃុំគោកកឋិន ស្រុកថ្មពួក ខេត្តបន្ទាយមានជ័យ និង៦-ឈ្មោះពោត ផរ ភេទប្រុស អាយុ៤៦ឆ្នាំ ទីលំនៅភូមិតាត្រៃ ឃុំគោកកឋិន ស្រុកថ្មពួក។
ជនទាំង៦នាក់នេះ ត្រូវបានចាប់ខ្លួនកាលពីចុងខែមីនា ឆ្នាំ២០១១ ដោយជាប់ចោទពីបទបង្កើតនិងជ្រើសរើសដោយខុសច្បាប់នូវកម្លាំងប្រដាប់អាវុធ (កងទ័ពសុវណ្ណភូមិ) ហើយត្រូវឃុំខ្លួនបណ្តោះអាសន្ននៅពន្ធនាគារព្រៃ.ស ។ លុះនៅព្រឹកថ្ងៃទី៤ តុលា សាលាដំបូងរាជធានីភ្នំពេញបានលើកយកសំណុំរឿងនេះមកបើកសវនាការជំនុំជម្រះទោស ប៉ុន្តែបានលើកពេលប្រកាសសាលក្រមទៅថ្ងៃទី២៧ តុលា។
គួរបញ្ជាក់ថា ក្រុមជននេះត្រូវសមត្ថកិច្ចការិយាល័យព័ត៌មានទូទៅនៃកងរាជអាវុធហត្ថលើផ្ទៃប្រទេសបង្ក្រាបនិងចាប់ខ្លួនតាមរយៈការផ្តល់ព័ត៌មាន៕
ចែករំលែកព័តមាននេះ