រាជធានីភ្នំពេញ ៖ លោករ៉ុង ឈុន ប្រធានសមាគមគ្រូបង្រៀនឯករាជ្យបានទៅដល់ទីលានប្រជាធិបតេយ្យ ស្ថិតក្នុងសង្កាត់វត្តភ្នំ ខណ្ឌដូនពេញ កាលពីវេលាម៉ោង៧និង៣០នាទីព្រឹកថ្ងៃទី៥ តុលា ២០១១ ដើម្បីអ្វីដែលលោកតវ៉ាសុំឱ្យមានការដំឡើងប្រាក់បៀវត្សដល់បណ្តាគ្រូបង្រៀន និងសុំឱ្យគ្រូបង្រៀនមានសិទ្ធិសេរីភាពក្នុងការបញ្ចេញមតិកែលម្អពីបញ្ហាអសកម្មក្នុងអង្គភាព-ស្ថាប័នរបស់ខ្លួន។
ការទៅដល់ទីលានប្រជាធិបតេយ្យមុនគេរបស់លោករ៉ុង ឈុន ទាំងព្រឹកបែបនេះ គឺលោកទៅរង់ចាំគ្នា (គ្រូៗបង្រៀន) ឱ្យបានច្រើន បន្ទាប់មកនឹងលើកបដាដែលមានសរសេរអក្សរតវ៉ាជាច្រើន…មកដល់វេលាម៉ោង៨និង៣០នាទីព្រឹកថ្ងៃដដែលនេះ ក្រុមគ្រូបង្រៀនបានមកជួបជុំគ្នាជាបន្តបន្ទាប់ ឃើញថា ច្រើននាក់កកកុញលើសួនប្រជាធិបតេយ្យ។ សូមបញ្ជាក់ថា ការធ្វើការតវ៉ារបស់ក្រុមគ្រូបង្រៀនដឹកនាំដោយលោករ៉ុង ឈុន នាពេលនេះ គឺស្របពេលប្រទេសកម្ពុជាប្រារព្ធពិធីទិវាគ្រូបង្រៀនផងដែរ។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព ៕
ចែករំលែកព័តមាននេះ