ក្រុមអ្នកស្រាវជ្រាវមកពីសាកលវិទ្យាល័យCambridge Universityរបស់ប្រទេសអង់គ្លេសបាននិយាយថា ទទួលទានសូកូឡាអាចជួយកាត់បន្ថយអត្រាគ្រោះថ្នាក់ដោយជំងឺបេះដូងនិងជំងឺដាច់សរសៃឈាមបាន១/៣។ តាមលទ្ធផលនៃការសិក្សាដែលបានចុះផ្សាយនៅក្នុងព្រឹត្តិប័ត្រ British Medical Journal ហើយដែលត្រូវបានគេយកទៅ
ក្រុមអ្នកស្រាវជ្រាវមកពីសាកលវិទ្យាល័យCambridge Universityរបស់ប្រទេសអង់គ្លេសបាននិយាយថា ទទួលទានសូកូឡាអាចជួយកាត់បន្ថយអត្រាគ្រោះថ្នាក់ដោយជំងឺបេះដូងនិងជំងឺដាច់សរសៃឈាមបាន១/៣។
តាមលទ្ធផលនៃការសិក្សាដែលបានចុះផ្សាយនៅក្នុងព្រឹត្តិប័ត្រ British Medical Journal ហើយដែលត្រូវបានគេយកទៅធ្វើបទបង្ហាញនៅក្នុងសមាជរបស់អង្គការសង្គមសុខភាពជំងឺបេះដូងអឺរ៉ុប(ESC)នៅទីក្រុងប៉ារីសប្រទេសបារាំងបានបង្ហាញថា ការទទួលទានសូកូឡាយ៉ាងតិច២ដុំក្នុង១សប្តាហ៍កាត់បន្ថយឱកាសនៃការកើតជំងឺបេះដូង៣៧ភាគរយ។ ចំពោះជំងឺដាច់សរសៃឈាមវិញអាចកាត់បន្ថយបាន២៩ភាគរយ។
លទ្ធផលនេះកើតចេញបន្ទាប់ពីលោកវេជ្ជបណ្ឌិតអូស្កា ហ្វ្រង់កូនិងសហការីរបស់គាត់ពិនិត្យលើលទ្ធផលសិក្សាដែលពាក់ព័ន្ធជាមួយអ្នកចូលរួមពិសោធន៍សរុប១០ម៉ឺននាក់។
តាមលោកវេជ្ជបណ្ឌិតឲ្យដឹងថា ប្រសិនជាគេទទួលទានសូកូឡាពណ៌ខ្មៅវិញ នោះប្រសិទ្ធភាពកាន់តែខ្លាំងជាងសូកូឡាពណ៌ត្នោត។ លោកថានេះអាចមកពីក្នុងសូកូឡាពណ៌ខ្មៅមានសារធាតុ Cocoa solids កម្រិតខ្ពស់។
សូកូឡាផ្ទុកទៅដោយសារធាតុគីមីផ្សេងៗពីគ្នា៣០០មុខ ។ ប៉ុន្តែការខិតខំដើម្បីញែកសារធាតុដែលមានផលប្រយោជន៍បំផុតត្រូវបានបរាជ័យ។ លោកវេជ្ជបណ្ឌិតហ្វ្រង់កូបញ្ជាក់ថា ការរកឃើញរបស់លោកក្នុងពេលនេះមិនចង់ជម្រុញឲ្យគ្រប់ៗគ្នាចាប់ផ្តើមទទួលទានសូកូឡាទេ។ លោកថា សូកូឡាសំបូរទៅដោយកាឡូរី ហើយថាការអង្គុយចុះទទួលទានវាឲ្យទាល់តែឆ្អែតមិនមែនជារឿងល្អសម្រាប់អ្នកឡើយ។
ចំណែកលោកស្រីវិចតូរីយ៉ា ថៃល័រអ្នកជំនាញមកពីមូលនិធិជំងឺបេះដូងរបស់ប្រទេសអង់គ្លេសបានថ្លែងថា៖«ភស្តុតាងទាំងឡាយពិតជាបានបញ្ជាក់ថា សូកូឡាមានអត្ថប្រយោជន៍ដល់បេះដូងមែន ប៉ុន្តែយើងត្រូវតែស្វែងយល់ថាតើវាមកពីមូលហេតុអ្វីដែលធ្វើឲ្យវាជួយកាត់បន្ថយជំងឺបេះដូងបាន» ៕
ចែករំលែកព័តមាននេះ