ក្រុមអ្នកស្រាវជ្រាវរបស់ប្រទេសព័រទុយហ្គាល់បាននិយាយថា ជីវ៉ាន់ស៊ុយមានប្រសិទ្ធភាពជួយព្យាបាលការពុលអាហារនិងកំចាត់ចោលប្រភេទបាក់តេរីដែលធ្វើឲ្យរាងកាយស៊ាំនឹងថ្នាំ MRSA។
ក្រុមអ្នកស្រាវជ្រាវមកពីសាកលវិទ្យាល័យ Beira Interiorប្រទេសព័រទុយហ្គាល់បានពិសោធន៍ឃើញថា ប្រេងដែលគេចំរាញ់ពីជីវ៉ាន់ស៊ុយក្នុងបរិមាណសូលុយស្យុងតិចជា១,៦%មានសមត្ថភាពអាចសម្លាប់និងកំចាត់ចោលភ្នាសខាងក្រៅរបស់កោសិកាបាក់តេរីដោយក្នុងនោះរួមមានបាក់តេរី Salmonella,E.coliនិង MRSA។
លោកស្រីវេជបណ្ឌិតហ្វឺណាន់ដា ដូមីនហ្គេសដែលជាអ្នកស្រាវជ្រាវបាននិយាយថា ប្រេងដែលគេបានចំរាញ់ពីជីវ៉ាន់សុយអាចជួយមនុស្សរាប់លាននាក់ដែលរងគ្រោះដោយជំងឺពុលអាហារ(Foodborne illness)។ លោកស្រីវេជ្ជបណ្ឌិតបានពន្យល់អំពីមូលហេតុដែលប្រេងជីវ៉ាន់ស៊ុយមានប្រសិទ្ធភាពលើបាក់តេរី Salmonella,E.coliនិង MRSAដោយបញ្ជាក់ថា៖«វាបានបង្អាក់ការរារាំងរវាងភ្នាសនៃកោសិកានិងបរិស្ថានរបស់វា ព្រមទាំងរារាំងដំណើរការដ៏សំខាន់មួយចំនួនដែលក្នុងនោះរួមទាំងការដកដង្ហើម»។
អ្នកវិទ្យាសាស្ត្ររបស់ព័រទុយហ្គាល់បញ្ជាក់ថា ចាំបាច់ត្រូវតែមានការសិក្សាស្រាវជ្រាវបន្ថែមទៀតដើម្បីឈានទៅបង្កើតជាឱសថពីប្រភេទជីវ៉ាន់ស៊ុយ ៕
ចែករំលែកព័តមាននេះ