ពេលចុះពីលើយន្តហោះនៅអាកាសយានដ្ឋាន Heathrow ប្រទេសអង់គ្លេស កាលពីចុងខែកញ្ញា ២០១០ លោកបាតឃើត (Bat Khurts) មេចារកម្មម៉ុងហ្គោលី រង់ចាំការស្វាគមន៍សមរម្យមួយក្នុងឋានៈមន្ត្រីបរទេសមកចូលរួមកិច្ចប្រជុំថ្នាក់ខ្ពស់ជាមួយអាជ្ញាធរអង់គ្លេសពីបញ្ហាសហស្សវត្សរ៍នៃកិច្ចសហប្រតិបត្តិការចារកម្មរវាងប្រទេសទាំងពីរ។
ពេលចុះពីលើយន្តហោះនៅអាកាសយានដ្ឋាន Heathrow ប្រទេសអង់គ្លេស កាលពីចុងខែកញ្ញា ២០១០ លោកបាតឃើត (Bat Khurts) មេចារកម្មម៉ុងហ្គោលី រង់ចាំការស្វាគមន៍សមរម្យមួយក្នុងឋានៈមន្ត្រីបរទេសមកចូលរួមកិច្ចប្រជុំថ្នាក់ខ្ពស់ជាមួយអាជ្ញាធរអង់គ្លេសពីបញ្ហាសហស្សវត្សរ៍នៃកិច្ចសហប្រតិបត្តិការចារកម្មរវាងប្រទេសទាំងពីរ។ ប៉ុន្តែជំនួសឱ្យការនាំទៅជួបរដ្ឋាភិបាលអង់គ្លេសដើម្បីចរចាការងារ លោកនាយកក្រុមប្រឹក្សាសន្តិសុខជាតិម៉ុងហ្គោលីរូបនេះ បែរជាជួបក្រុមស៊ើបអង្កេតស្ថាប័នចារកម្ម Scotland Yard អនុវត្តបញ្ជាចាប់ខ្លួនជាអន្តរជាតិប្រឆាំងចំពោះរូបគាត់ទៅវិញ ។
បាត ឃើត មេចារកម្មជាន់ខ្ពស់ម៉ុងហ្គោលី ដែលត្រូវឃុំខ្លួនបណ្តោះអាសន្នក្នុងពន្ធនាគារ Wandsworth នាទីក្រុងឡុង កំពុងរង់ចាំការបំពេញសំណុំបែបបទនាំខ្លួនចេញពីទីនោះ ។ បាតឃើត ត្រូវចាប់ខ្លួនព្រោះសង្ស័យពាក់ព័ន្ធនឹងករណីដាក់ថ្នាំសណ្តំជនភៀសខ្លួនម្នាក់ រួចនាំទៅធ្វើទារុណកម្មសួរចម្លើយក្នុងពន្ធនាគារប្រទេសម៉ុងហ្គោលី ។ តាមឯកសារតុលាការគេដឹងថា ក្រសួងការបរទេសអង់់គ្លេសជាអ្នករៀបចំចាប់ខ្លួនបាតឃើត ហើយប្រាប់ស្ថាប័នប្រឆាំងឧក្រិដ្ឋកម្មធ្ងន់ធ្ងរមានការចាត់តាំង(FCO) ពីពេលវេលានិងទីកន្លែងដែលបាតឃើតចូលអង់គ្លេសដើម្បីចាប់តាមដីកាចាប់ខ្លួនរបស់អឺរ៉ុប ។ ពិតណាស់ ផែនការចាប់ខ្លួនបាតឃើតគេរៀបចំយូរណាស់ហើយ តាំងពីមុន FCO ត្រៀមដាក់សំណើក្នុងខែវិច្ឆិកា ២០០៩ បង្ហាញការយល់ឃើញរបស់ខ្លួនថា បាតឃើតជាមនុស្សស័ក្តិសមធ្វើការជាមួយអង់គ្លេសក្នុងការងារ «ទំនាក់ទំនងរវាងស្ថាប័នចារកម្មប្រទេសទាំងពីរ» ។ ហេតុដូច្នេះហើយទើប FCO ពុំអាចធ្វើអ្វីបានក្រៅពីបង្ខំចិត្តតាមបញ្ជាថ្នាក់លើឡើយ ។
តាមប្រពៃណី ម៉ុងហ្គោលីត្រូវបានចាត់ទុកថាជាតំបន់ស្ងៀមស្ងាត់ខាងនយោបាយ តែជាតំបន់មានសារសំខាន់ខាងភូមិសាស្ត្រ ។ ព្រោះតែដូច្នេះ ទាំងទីក្រុងឡុង ទាំងទីក្រុងវ៉ាស៊ីនតោន ចាត់ទុកម៉ុងហ្គោលីជាសម្ព័ន្ធមិត្តយុទ្ធសាស្ត្រដូចគ្នា ដោយសារភូមិសាស្ត្រប្រទេសម៉ុងហ្គោលីស្ថិតនៅចន្លោះប្រទេសរុស្ស៊ីនិងចិន ។ ភាពសំខាន់ខាងភូមិសាស្ត្រនេះ ធ្វើឱ្យ FCO និងស្ថាប័នចារកម្មអង់គ្លេសចង់ឆ្លៀតឱកាសពន្លឿនទំនាក់ទំនងជាមួយចារកម្មម៉ុងហ្គោលី កាន់តែលឿនកាន់តែល្អ កាន់តែរឹងមាំកាន់តែល្អ ។ ឥឡូវស្រាប់តែមានរឿងដូច្នេះកើតឡើង FCO និងស្ថាប័នចារកម្មអង់គ្លេសធ្វើអ្វីៗតាមគម្រោងលែងកើត បានត្រឹមតែចាំមើលសិនប៉ុណ្ណោះ ។ ករណីចាប់ខ្លួនបាតឃើត ធ្វើឱ្យមនុស្សជាច្រើននឹកឃើញពីការចាប់ខ្លួនមេផ្តាច់ការឈីលីអូហ្គុស្តូ ពីណូចេ កាលពីឆ្នាំ១៩៩៨ ។ ពួកមេធាវីរបស់បាតឃើត លើកឡើងថាកូនក្តីរបស់ខ្លួនត្រូវតែបានទទួលបុព្វសិទ្ធិការទូត ហើយនិយាយទៀតថា បាតឃើតជាជនរងគ្រោះក្នុង «ល្បែងមុខពីរ» របស់អង់គ្លេស ។
គេដឹងថា មូលហេតុនាំឱ្យមានរឿងដូច្នេះ គឺផ្តើមចេញពីហេតុការណ៍មួួយនាថ្ងៃទី១៤ ឧសភា ២០០៣ ។ ថ្ងៃនោះ វេលាម៉ោង២និង៣០នាទីជនភៀសខ្លួនម្នាក់ពីរដ្ឋធានីអ៊ូឡានបាទ័រ (Ulan Bator ) របស់ម៉ុងហ្គោលី ឈ្មោះដាមីរ៉ាន អេនបាត (Damiran Enkhbat) អាយុ៤៣ឆ្នាំ ធ្វើដំណើរមកដល់ទីធ្លាចតរថយន្តរបស់សាខាហាងអាហារ Mc Donald`s ស្ថិតនៅកំពង់ផែ Le Havre ក្នុងតំបន់ន័រម៉ង់ឌី ភាគពាយ័ព្យប្រទេសបារាំង ។ ដាមីរ៉ាន អេនបាត ជាជនដែលគេរកចាប់ខ្លួនបំផុតនៅម៉ុងហ្គោលីពីបទសង្ស័យមានពាក់ព័ន្ធនឹងករណីធ្វើឃាតរដ្ឋមន្ត្រីម៉ុងហ្គោលីម្នាក់ក្នុងឆ្នាំ១៩៨៨ ក្រោយមកប្តូរឈ្មោះប្តូរត្រកូល សុំជ្រកកោននៅប្រទេសបារាំង ។ ពេលអេនបាតមកដល់ទីធ្លាចតរថយន្តនោះ សាក្សី មួយចំនួននិយាយថា ឃើញជនជាតិម៉ុងហ្គោលី៤នាក់ ពុំដឹងចេញពីណា សម្រុកចូលវាយប្រហារដោយរំពាត់ខ្សែភ្លើង ព្រមទាំងក្របួចសក់អូសចេញពីកន្លែងយ៉ាងលឿន ។ ប៉ូលិសសន្និដ្ឋានថា អេនបាត ប្រហែលត្រូវគេយកទៅបញ្ច្រកថ្នាំឱ្យសន្លប់ រួចញាត់ចូលរថយន្ត ។ ៤ថ្ងៃក្រោយមក ក្រុមចាប់ពង្រត់មនុស្សបើករថយន្តដឹកជនរងគ្រោះឆ្លងកាត់ប្រទេសបារាំងទៅស្ថានកុងស៊ុលម៉ុងហ្គោលី នៅទីក្រុងប្រ៊ុចសែល ប្រទេសបែលហ្ស៊ិក តមកទៅប្រទេសអាល្លឺម៉ង់មុនពេលនាំខ្លួនអេនបាតឡើងយន្តហោះ Mongolian Airlines ហោះចេញពីប៊ែរឡាំង ទៅទីក្រុងអ៊ូឡានបាទ័រ។
អាជ្ញាធរអាល្លឺម៉ង់ជឿថា អ្នកបើកបររថយន្តដឹកអេនបាត គឺបាតឃើតខ្លួនឯងតែម្តង ឯមនុស្សម្នាក់ទៀតដែលនៅអមរូបគេជានិច្ចនោះ ជាសមាជិកសំខាន់មួយរូបនៃកងប៉ូលិសសម្ងាត់ម៉ុងហ្គោលី ។ ព្រោះតែដូច្នេះទើបឆ្នាំ២០០៦ អាជ្ញាធរអាល្លឺម៉ង់ផ្សព្វផ្សាយដីកាចាប់ខ្លួនរបស់អឺរ៉ុបប្រឆាំងបាតឃើត ។
ជនរងគ្រោះអេនបាត ប្រាប់មេធាវីរបស់ខ្លួនថា ពេលជាប់ឃុំក្នុងប្រទេសម៉ុងហ្គោលី ខ្លួនត្រូវពួកភ្នាក់ងារស៊ើបអង្កេតយកកាំភ្លើងភ្ជង់ក្បាលបង្ខំឱ្យសារភាពថាមានពាក់ព័ន្ធនឹងការសម្លាប់រដ្ឋមន្ត្រីម៉ុងហ្គោលី ។ ទីបំផុតអេនបាតទទួលការដោះលែងក្នុងឆ្នាំ២០០៦ តែ៥ថ្ងៃក្រោយមកក៏ស្លាប់។ គ្រួសារអេនបាតនិយាយថា ស្លាប់ព្រោះគ្រាំគ្រាធ្ងន់ធ្ងរដោយសារការធ្វើទារុណកម្មយ៉ាងយង់ឃ្នងក្នុងពន្ធនាគារ ។
ពេលនេះ ក្រុមមេធាវីរបស់បាតឃើត បង្ហាញលិខិតមួយរបស់លោកឧបនាយករដ្ឋមន្ត្រីម៉ុងហ្គោលី ដល់់អាជ្ញាធរអង់គ្លេស ។ លិខិតនោះធានាថា បាតឃើតនឹងមិនរត់គេចខ្លួនទេ និងសុំឱ្យបំពាក់ឧបករណ៍តាមដានលើខ្លួនគាត់ចុះ ហើយសុំឱ្យគាត់បានស្នាក់នៅក្នុងស្ថានទូតម៉ុងហ្គោលីប្រចាំនៅ Kensington ប្រសិនបើបានបង់ប្រាក់ធានាខ្លួន ។ ប៉ុន្តែទោះដូច្នេះក្តី បាតឃើតនៅតែត្រូវឃុំខ្លួនក្នុងពន្ធនាគារ Wandsw orth ដដែល៕ (តាមឯកសារបរទេស)
ចែករំលែកព័តមាននេះ