លោក អ្នកមានបញ្ហាបេះដូងខ្សោយ ឈឺចាប់ក្នុងទ្រូងគាំងបេះដូង ដោយសារតែស្ទះសរសៃឈាមក្នុងបេះដូង លំហូរឈាមបេះដូងរត់មិនស្រួល លោក អ្នកអាចប្រើថ្នាំ Brilinta (ticagrelor) ដើម្បីសំរួលឱ្យចរន្តឈាមរត់ឆ្លងកាត់ថតបេះដូងនីមួយៗ បានរលូន និងចង្វាក់បេះដូងធ្វើការបានល្អទៀងទាត់។ ថ្នាំ Brilinta (ticagrelor) ត្រូវបានអនុញ្ញាតឱ្យប្រើប្រាស់ដោយស្ថាប័នសុខភាពសហរដ្ឋអាមេរិក ដើម្បីជួយបន្ថយគ្រោះថ្នាក់ជំងឺគាំងបេះដូង និងការស្លាប់ដោយសារជំងឺសរសៃឈាមបេះដូង។ ចំពោះអ្នកដែលមានរោគបេះដូងធ្ងន់ធ្ងរ (acute coronary syndromes (ACS) ក៏ត្រូវប្រើថ្នាំប្រភេទនេះដែរ) ។
អ្នកមានជំងឺបេះដូងធ្ងន់ធ្ងរសំដៅទៅលើស្ថានភាពជំងឺណាដែលបង្កឱ្យកាត់បន្ថយលំហូរឈាមរត់ទៅកាន់បេះដូង ព្រោះថា កាលណាលំហូរឈាមចុះខ្សោយបេះដូង នឹងធ្វើចលនាខុសចង្វាក់បង្កឱ្យអ្នកនោះឈឺចាប់ដើមទ្រូងធ្ងន់ធ្ងរភ្លាមៗ (unstable angina) ឬជំងឺបេះដូង។ ស្ថាប័នសុខភាពសហរដ្ឋអាមេរិក និយាយថា ថ្នាំ Brilina ជួយរំលាយឈាមកក ធ្វើឱ្យលំហូរឈាមក្នុងសរសៃឈាមបេះដូងរត់ស្រួល ពោលគឺបើកផ្លូវសរសៃឈាមបេះដូង មិនធ្វើឱ្យស្ទះ ដែលនាំទៅរកគ្រោះថ្នាក់ដល់មនុស្ស។ ថ្នាំ Brilinta នេះក៏វាមានគុណវិបត្តិផងដែរ ដោយនៅលើស្លាកសំបកថ្នាំ Brilinta ប្រាប់ឱ្យដឹងថា ប្រសិទ្ធភាពរបស់វានឹងធ្លាក់ចុះ បើសិនជាអ្នកប្រើប្រាស់ថ្នាំអាស្ពីរីនច្រើនជាង១០០មីល្លីក្រាម ក្នុងមួយថ្ងៃ និងបញ្ជាក់ថា ថ្នាំ Brilinta អាចបណ្តាលឱ្យស្លាប់ ប្រសិនបើយើងប្រើមិនត្រឹមត្រូវតាមវេជ្ជបញ្ជា៕
ចែករំលែកព័តមាននេះ