រាជធានីភ្នំពេញ ៖ នៅពេលដែលគេនាំគ្នានិយាយអំពីសមត្ថភាពជំនាញរបស់គ្រូពេទ្យនៅ ក្រៅប្រទេស គេហាក់ដូចជាភ្លេចដល់សាស្ត្រាចារ្យវេជ្ជបណ្ឌិតក្នុងប្រទេសក្នុង ពេលដែលវិស័យធនធានមនុស្សលើគ្រប់ផ្នែកនៅកម្ពុជា ត្រូវបានកត់សម្គាល់ឃើញថា សមត្ថភាពជំនាញគឺមិនចាញ់បរទេសនោះឡើយ ហើយពេលខ្លះគ្រូពេទ្យនៅ
រាជធានីភ្នំពេញ ៖ នៅពេលដែលគេនាំគ្នានិយាយអំពីសមត្ថភាពជំនាញរបស់គ្រូពេទ្យនៅក្រៅប្រទេស គេហាក់ដូចជាភ្លេចដល់សាស្ត្រាចារ្យវេជ្ជបណ្ឌិតក្នុងប្រទេសក្នុងពេលដែលវិស័យធនធានមនុស្សលើគ្រប់ផ្នែកនៅកម្ពុជា ត្រូវបានកត់សម្គាល់ឃើញថា សមត្ថភាពជំនាញគឺមិនចាញ់បរទេសនោះឡើយ ហើយពេលខ្លះគ្រូពេទ្យនៅកម្ពុជាមានជំនាញខ្ពស់ជាងទៀតផង។
ទាក់ទិននឹងបញ្ហានេះលោកសាស្ត្រាចារ្យវេជ្ជបណ្ឌិតកែវ ណារិទ្ធដែលកំពុងបម្រើការងារនៅមន្ទីរពហុព្យាបាលណារិទ្ធ និងមានឯកទេសខាងវះកាត់តម្រងនោម និងក្រួសក្នុងប្រមាត់មានប្រសាសន៍ថា លោកមានបទពិសោធន៍លើជំនាញនេះជាង១០ឆ្នាំមកហើយ បន្ទាប់ពីទទួលបានការបណ្តុះបណ្តាលនៅប្រទេសបារាំង និងប្រទេសមួយចំនួនទៀត។ វិធីវះកាត់យកក្រួសក្នុងតម្រងនោម និងក្រួសក្នុងប្រមាត់នាពេលបច្ចុប្បន្ននេះ គឺប្រើឧបករណ៍ទំនើបចោះតែម្តង និងគ្មានការឈឺចាប់ទេ ហើយរយៈពេលនៃការព្យាបាលឆាប់រហ័ស និងមិនបាច់លំបាកសម្រាកនៅមន្ទីរពេទ្យឡើយ។ មិនតែប៉ុណ្ណោះការប្រើប្រាស់ឧបករណ៍ដ៏ទំនើបនោះគឺបានប្រើផងដែរចំពោះអ្នកជំងឺគីសក្នុងដៃស្បូន រលាកខ្នែងពោះវៀន កូនក្រៅស្បូនជាដើម។ ការព្យាបាលរបស់លោកកន្លងមក ទទួលបានជោគជ័យយ៉ាងខ្លាំងដោយមានការគាំទ្រពីអតិថិជនព្រោះការព្យាបាលប្រកបដោយឧបករណ៍ និងបច្ចេកទេសទំនើប ហើយតម្លៃថោកសមរម្យ។
លោកសាស្ត្រាចារ្យវេជ្ជបណ្ឌិតកែវ ណារិទ្ធ មានប្រសាសន៍ថា មូលហេតុដែលបណ្តាលឱ្យមានជំងឺតម្រងនោម គឺបណ្តាមកពីការហូបចំណីអាហារ ដូចជាអាហារដែលមានជាតិប្រៃ ជាតិកាល់ស្យូមច្រើន ទឹកដោះគោ សូកូឡា ការបរិភោគសាច់ច្រើន ពិសេសសាច់សត្វព្រៃហួសកំណត់។ម្យ៉ាងទៀតការប្រើប្រាស់ឱសថមួយចំនួនទៀត ក៏អាចបណ្តាលឱ្យកើតមានជំងឺក្រួសក្នុងតម្រងនោមផងដែរ។ ជំងឺប្រភេទនេះ គឺច្រើនកើតក្នុងមនុស្សវ័យកណ្តាល ហើយប្រសិនបើដឹងថា មានជំងឺតម្រងនោម គឺត្រូវទៅពិគ្រោះ និងពិភាក្សា ជាមួយគ្រូពេទ្យជំនាញជាបន្ទាន់ និងមិនត្រូវបណ្តែតបណ្តោយទេ។ ជំងឺប្រភេទនេះមិនបង្កគ្រោះថ្នាក់ធ្ងន់ធ្ងរទេ ប្រសិនបើគេប្រញាប់ប្រញាល់ទៅពិគ្រោះពិភាក្សា និងព្យាបាលជាមួយគ្រូពេទ្យដែលមានជំនាញច្បាស់លាស់។
លោកសាស្ត្រាចារ្យវេជ្ជបណ្ឌិតកែវ ណារិទ្ធ បានបង្ហាញចំណាប់អារម្មណ៍ចំពោះអតិថិជនថា មន្ទីរពហុព្យាបាលរបស់លោក គឺមានគ្រូពេទ្យឯកទេសជំងឺតម្រងនោម និងវះកាត់ដោយវិធីចោះ និងចាប់យកក្រួសក្នុងតម្រងនោម ប្រើឧបករណ៍ទំនើប និងពុំមានការវះកាត់ឡើយ។ បំបែកក្រួសតម្រងនោមបាញ់ពីក្រៅខ្លួន ដោយម៉ាស៊ីនដែលនាំចេញពីប្រទេសអាល្លឺម៉ង់ ពុំមានការឈឺចាប់ និងពុំចាំបាច់សម្រាកក្នុងមន្ទីរពេទ្យ។ មានវិធីច្រឹបសាច់ប្រូស្តាត និងប្លោកនោម ដោយពុំចាំបាច់វះកាត់។ វិធីចោះយកក្រួសក្នុងថង់ប្រមាត់ ចោះយកគីសក្នុងដៃស្បូន និងកូនក្រៅស្បូន ដោយពុំវះកាត់។
លោកអំពាវនាវដល់អតិថិជនកម្ពុជាកុំមើលរំលងបច្ចេកទេសជំនាញរបស់គ្រូពេទ្យកម្ពុជា ដែលបច្ចុប្បន្នកំពុងមានការរីកចម្រើនមិនចាញ់គ្រូពេទ្យបរទេសនោះឡើយ ហើយការព្យាបាលក្នុងប្រទេស គឺបន្ថយការចំណាយថវិកា ពេលវេលាខណៈពេលដែលជំងឺ នឹងជាសះស្បើយធម្មតាដូចគ្នា៕
ចែករំលែកព័តមាននេះ